នាព្រឹកថ្ងៃទី ២៨ ខែតុលា នៅច្រកទ្វារព្រំដែនអន្តរជាតិ Moc Bai ខេត្ត Tay Ninh បានប្រព្រឹត្តទៅកិច្ចប្រជុំរវាងបញ្ជាការដ្ឋានកងទ័ពការពារព្រំដែនវៀតណាម និងបញ្ជាការដ្ឋានកងទ័ពជើងគោក នៃកងយោធពលខេមរភូមិន្ទ។
ទិដ្ឋភាពនៃកិច្ចប្រជុំ
អញ្ជើញចូលរួមកិច្ចប្រជុំនេះ គណៈប្រតិភូវៀតណាមដឹកនាំដោយលោកឧត្តមសេនីយ៍ត្រី Le Duc Thai មេបញ្ជាការនៃបញ្ជាការដ្ឋានកងទ័ពការពារព្រំដែនវៀតណាម រួមជាមួយការចូលរួមពីតំណាងនាយកដ្ឋានកិច្ចការបរទេស នៃក្រសួងការពារប្រទេសវៀតណាម; ឯភាគីគណៈប្រតិភូកម្ពុជាដឹកនាំដោយលោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការនៃបញ្ជាការដ្ឋានកងទ័ពជើងគោក និងលោក ចាយ ណាវុធ ឯកអគ្គរាជទូតកម្ពុជាប្រចាំវៀតណាម។
នៅក្នុងកិច្ចប្រជុំនេះ ភាគីទាំងពីរបានវាយតម្លៃខ្ពស់ចំពោះកិច្ចសហប្រតិបត្តិការ ទំនាក់ទំនងមិត្តភាពជាប្រពៃណី និងការសម្របសម្រួលយ៉ាងជិតស្និទ្ធរវាងកងទ័ពវៀតណាម និងកងទ័ពកម្ពុជានិយាយរួម និងការងារគ្រប់គ្រងការពារព្រំដែន ការដោះស្រាយបញ្ហារួម និងបញ្ហាកើតឡើងក្នុងស្ថានភាពជាក់សែងរវាងកម្លាំងការពារព្រំដែននៃប្រទេសទាំងពីរនិយាយដោយឡែក។ បញ្ជាការដ្ឋានកងទ័ពការពារព្រំដែនវៀតណាម និងបញ្ជាការដ្ឋានកងទ័ពជើងគោកកម្ពុជាបានរក្សា និងពង្រឹងទំនាក់ទំនងមិត្តភាព កិច្ចសហប្រតិបត្តិការ ហើយអនុវត្តប្រកបដោយប្រសិទ្ធភាពនូវកិច្ចការការពារព្រំដែន ការរក្សាសន្តិសុខនយោបាយ និងសុវត្ថិភាពសណ្តាប់ធ្នាប់សង្គមនៅតាមតំបន់ព្រំដែន រួមចំណែកក្នុងការកសាងព្រំដែនវៀតណាម - កម្ពុជា ប្រកបដោយសន្តិភាព ស្ថិរភាព កិច្ចសហប្រតិបត្តិការ និងការអភិវឌ្ឍប្រកបដោយចីរភាព។
ប្រតិភូទាំងឡាយថតរូបជុំគ្នា
នៅឆ្នាំ២០២០ ទោះបីរងផលប៉ះពាល់ដោយការរីករាលដាលនៃកូវីដ១៩ ក៏ដោយ ក៏ភាគីទាំងពីរនៅតែអនុវត្តប្រកបដោយប្រសិទ្ធភាពនូវការងារយាមល្បាតរួមគ្នា ការការពារព្រំដែន និងការរក្សាសន្តិសុខ សណ្តាប់ធ្នាប់នៅតាមតំបន់ព្រំដែន ហើយបានសម្របសម្រួលជាមួយស្ថាប័នពាក់ព័ន្ធនានានៃប្រទេសទាំងពីរក្នុងការដំឡើងច្រកទ្វារព្រំដែនតំបន់ Tan Nam ខេត្ត Tay Ninh ប្រទេសវៀតណាម - ម៉ឺនជ័យ ខេត្តព្រៃវែង និងច្រកទ្វារព្រំដែនទ្វេភាគី Khanh Binh ខេត្ត An Giang វៀតណាម - ជ្រៃធំ ខេត្តកណ្តាល ទៅជាច្រកទ្វារព្រំដែនអន្តរជាតិ ក៏ដូចជាសម្ពោធនិងដាក់ឱ្យប្រើប្រាស់ផ្សារព្រំដែនគំរូមួយនៅឃុំដា ស្រុកមេមត់ ខេត្តត្បូងឃ្មុំ។ ព្រមទាំងបានអនុវត្តយ៉ាងសកម្មនូវកិច្ចព្រមព្រៀងស្តីពីការដឹកជញ្ជូនតាមផ្លូវគោក, កិច្ចព្រមព្រៀងស្តីពីការដឹកជញ្ជូនតាមផ្លូវទឹករវាងរដ្ឋាភិបាលនៃសាធារណរដ្ឋសង្គមនិយមវៀតណាម និងរាជរដ្ឋាភិបាលនៃព្រះរាជាណាចក្រកម្ពុជា បង្កើតលក្ខខណ្ឌអំណោយផលសម្រាប់ការអភិវឌ្ឍពាណិជ្ជកម្ម និងទេសចរណ៍នៅតំបន់ព្រំដែន និងការអភិវឌ្ឍសេដ្ឋកិច្ចសង្គមនៃប្រទេសរៀងៗខ្លួន។ ទាក់ទងនឹងការងារបង្ការប្រយុទ្ធប្រឆាំងនឹងជំងឺរាតត្បាតកូវីដ១៩ កងទ័ពការពារព្រំដែនវៀតណាមបានផ្តល់ជូនកម្លាំងការពារព្រំដែនគ្រប់គ្រងច្រកទ្វារព្រំដែននៃប្រទេសកម្ពុជានូវសំភារៈការពារកូវីដ១៩ ដែលមានតម្លៃប្រហែល ៣.៣ ពាន់លានដុង។ ជាពិសេស ភាគីទាំងពីរបានសហការរៀបចំពិធីប្រគល់ផែនទីឋានលេខាព្រំដែនគោក ខ្នាត ១/២៥០០០ រវាងសាធារណរដ្ឋសង្គមនិយមវៀតណាម និងព្រះរាជាណាចក្រកម្ពុជា…
នៅក្នុងជំនួបនេះ ភាគីទាំងពីរបានលើកឡើងនូវបញ្ហាជាក់លាក់មួយចំនួន ហើយបានផ្លាស់ប្តូរ និងឯកភាពគ្នាលើដំណោះស្រាយស្តីពីការពង្រឹងកិច្ចសហប្រតិបត្តិការឱ្យកាន់តែស៊ីជម្រៅថែមទៀត ជាពិសេសលើវិស័យនានាដូចជា ការការពារគ្រប់គ្រងព្រំដែន ច្រកទ្វារព្រំដែន ការប្រយុទ្ធប្រឆាំងនឹងជំងឺរាតត្បាតកូវីដ ការប្រយុទ្ធប្រឆាំងនឹងគ្រឿងញៀន ការរត់ពន្ធ ការជួយសង្គ្រោះ និងការថែរក្សាសុខភាព ក៏ដូចជាជម្រុញការឃោសនាជូនប្រជាជនឱ្យគោរពយ៉ាងតឹងរឹងតាមកិច្ចព្រមព្រៀងស្តីពីការគ្រប់គ្រងព្រំដែន និងច្បាប់របស់ប្រទេសនីមួយៗផងដែរ។
លោកឧត្តមសេនីយ៍ត្រី Le Duc Thai មេបញ្ជាការនៃបញ្ជាការដ្ឋានកងទ័ពការពារព្រំដែនវៀតណាម ប្រគល់ថវិកា និងសំភារៈបរិក្ខារពេទ្យជូនថ្នាក់ដឹកនាំនៃបញ្ជការដ្ឋានកងទ័ពជើងគោកកម្ពុជា
នៅក្នុងក្របខ័ណ្ឌនៃកិច្ចប្រជុំនេះ ថ្នាក់ដឹកនាំនៃបញ្ជាការដ្ឋានកងទ័ពការពារព្រំដែនវៀតណាម និងបញ្ជាការដ្ឋានកងទ័ពជើងគោកកម្ពុជា បានចុះហត្ថលេខាលើកំណត់ហេតុស្តីពីការប្រគល់ជូនបញ្ជាការដ្ឋានកងទ័ពជើងគោកកម្ពុជានូវថវិកាចំនួន ១ ម៉ឺនដុល្លារ និងសំភារៈបរិក្ខារពេទ្យដែលមានតម្លៃ ៣០០ លានដុង ដើម្បីជួយគាំទ្រដល់ការបង្ការ និងប្រយុទ្ធប្រឆាំងនឹងជំងឺរាតត្បាតកូវីដ ១៩៕
（តាម kh.qdnd.vn）
មតិពីមិត្តអ្នកអាន