Trending now

បញ្ជាការដ្ឋានកងទ័ពការពារព្រំដែនខេត្ត Dong Thap ជួយគាំទ្រខេត្តព្រៃវែងប្រឆាំងនឹងជំងឺកូវីដ១៩

22:07 | 25/12/2020 (យោងតាមកាសែតកងទ័ពប្រជាជន)

នាថ្ងៃទី ២៤ ធ្នូ នៅច្រកទ្វារព្រំដែនអន្តរជាតិ Dinh Ba ខេត្ត Dong Thap បញ្ជាការដ្ឋានកងទ័ពការពារព្រំដែនខេត្ត Dong Thap បានរៀបចំពិធីប្រគល់ថវិកា និងសំភារៈបរិក្ខារពេទ្យសម្រាប់ប្រយុទ្ធប្រឆាំងនឹងជំងឺកូវីដ១៩ ជូនបណ្តាកងកម្លាំងការពារព្រំដែននៃខេត្តព្រៃវែង។

បញ្ជាការដ្ឋានកងទ័ពការពារព្រំដែនខេត្ត Dong Thap ផ្តល់ថវិកាជូនបញ្ជាការដ្ឋានកងរាជអាវុធហត្ថខេត្តព្រៃវែង (រូប​ថត៖ nhandan.com.vn)

បញ្ជាការដ្ឋានកងទ័ពការពារព្រំដែនខេត្ត Dong Thap បានផ្តល់ថវិកាចំនួន ១០០ លានដុងជូនតំបន់ប្រតិបត្តិការសឹករងខេត្តព្រៃវែង និង ៨០ លានដុងជូនបញ្ជាការដ្ឋានកងរាជអាវុធហត្ថខេត្តព្រៃវែង រួមទាំងសំភារៈបរិក្ខារពេទ្យសម្រាប់ប្រយុទ្ធប្រឆាំងជំងឺរាតត្បាតកូវីដ១៩ មួយចំនួនទៀត។

នៅក្នុងពិធីនោះ លោកវរសេនីយ៍ឯក Le Van Luan មេបញ្ជាការនៃបញ្ជាការដ្ឋានខេត្ត Dong Thap បានមានប្រសាសន៍ថា៖ “ប្រឈមមុខនឹងការវិវឌ្ឍដ៏ស្មុគស្មាញ​នៃជំងឺរាតត្បាត​ Covid-19 ក្នុង​ស្មារតីអ្នកជិតខាងល្អ មិត្តភាពជាប្រពៃណី ហើយតែងតែប្រកៀកស្មាគ្នាក្នុងគ្រប់កាលៈទេសៈ យើងខ្ញុំសង្ឃឹមថា ថវិកាទាំងនេះទោះជាមិនមានច្រើនក្ដី ប៉ុន្តែវានឹងរួមចំណែកជួយដល់បណ្តាកងកំលាំងការពារព្រំដែននៃខេត្តព្រៃវែងកាត់បន្ថយការលំបាក សហការល្អក្នុងការបង្ការប្រយុទ្ធប្រឆាំងនឹងជំងឺរាតត្បាត Covid-19 បន្តផ្លាស់ប្តូរព័ត៌មាន បង្កើនការយាមល្បាត ត្រួតពិនិត្យការពារព្រំដែន”។

បញ្ជាការដ្ឋានកងទ័ពការពារព្រំដែនខេត្ត Dong Thap ផ្តល់ថវិកាជូនតំបន់ប្រតិបត្តិការសឹករងខេត្តព្រៃវែង (រូប​ថត៖ nhandan.com.vn)

តាងនាមកងកម្លាំងការពារព្រំដែនខេត្តព្រៃវែង លោកឧត្តមសេនីយ៍ទោ មឿន សាម៉ន មេបញ្ជាការរងយោធភូមិភាគទី២ និងជាមេបញ្ជាការតំបន់ប្រតិបត្តិការសឹករងខេត្តព្រៃវែង និងលោកឧត្តមសេនីយ៍ត្រី ឈួន គឹមសាន មេបញ្ជាការកងរាជអាវុធហត្ថខេត្តព្រៃវែង បានថ្លែងអំណរគុណចំពោះការយកចិត្តទុកដាក់ និងការជួយគាំទ្រដ៏មានតម្លៃពីបញ្ជាការដ្ឋានកងទ័ពការពារព្រំដែនខេត្ត Dong Thap ចំពោះបណ្តាកងកម្លាំងការពារព្រំដែនខេត្តព្រៃវែងក្នុងការបង្ការ ប្រយុទ្ធប្រឆាំងនឹងការរីករាលដាល Covid-19។ វាមិនត្រឹមតែជាការឧបត្ថម្ភខាងសម្ភារៈប៉ុណ្ណោះទេ ថែមទាំងជាការលើកទឹកចិត្តដែលជួយបណ្តាកងកំលាំងការពារព្រំដែននៃខេត្តព្រៃវែងអនុវត្តបានល្អការបង្ការប្រយុទ្ធប្រឆាំងនឹងការរីករាលដាលនៃ Covid-19 ទៀតផង។

ក្នុងឱកាសនេះ ភាគីទាំងពីរបានផ្លាស់ប្តូរព័ត៌មានអំពីស្ថានភាពនៃការការពារ ការគ្រប់គ្រងព្រំដែន ការបង្ការប្រយុទ្ធប្រឆាំងនឹងការរីករាលដាលនៃ Covid-19។ ទន្ទឹមនឹងនេះដែរ ភាគីទាំងពីក៏បានឯកភាពគ្នានឹងបន្តបង្កើនកិច្ចសហប្រតិបត្តិការ ចែករំលែកព័ត៌មានដើម្បីបំពេញឱ្យបានល្អនូវភារកិច្ចគ្រប់គ្រងការពារព្រំដែន និងការបង្ការប្រយុទ្ធប្រឆាំងនឹងរោគរាតត្បាត Covid-19៕

(យោងតាមកាសែតកងទ័ពប្រជាជន)

(យោងតាមកាសែតកងទ័ពប្រជាជន)

មតិពីមិត្តអ្នកអាន

ព័ត៌មានថ្មីៗ

អនុរដ្ឋមន្ត្រីក្រសួងការពារប្រទេសវៀតណាម អញ្ជើញទទួលជួបអនុព័ន្ធយោធាកម្ពុជា
គណៈប្រតិភូ នៃខេត្ត Binh Phuoc និងខេត្ត Tay Ninh ប្រទេសវៀតណាម បានអញ្ជើញទៅទស្សនកិច្ច និងជូនពរឆ្នាំថ្មីដល់អាជ្ញាធរ កងកម្លាំងប្រដាប់អាវុធ និងប្រជាជនខេត្តត
យុវជនវៀតណាមធ្វើជាម្ចាស់បវិវត្តកម្មឌីជីថល
តារា​ចម្រៀង Jisoo បាន​បរិច្ចាគ​ប្រាក់​ដល់​គម្រោង​អភិវឌ្ឍន៍​ព្រៃ​កោងកាង​នៅ​ទីក្រុង Ca Mau ប្រទេស​វៀតណាម
កិច្ចសហប្រតិបត្តិការលើវិស័យអប់រំ ពង្រឹងទំនាក់ទំនងជិតស្និទ្ធរវាងវៀតណាម និងអ៊ីរ៉ង់