យុគសម័យ៖ នាព្រឹកថ្ងៃទី ១៧ ខែមករា នៅរាជធានីភ្នំពេញនៃព្រះរាជាណាចក្រកម្ពុជា សមាគមខ្មែរ - វៀតណាម នៅកម្ពុជាបានរៀបចំសន្និសីទបូកសរុបការងារ នៅឆ្នាំ ២០១៩ និងដាក់ទិសដៅសកម្មភាព នៅឆ្នាំ ២០២០ ។
ក្នុងរយៈពេលមួយឆ្នាំកន្លងមក សមាគមខ្មែរ - វៀតណាមបានជាសកម្មក្នុងការជួយគាំទ្រសហគមន៍ជនខ្មែរមានដើមកំណើតវៀតណាម នៅប្រទេសកម្ពុជា។ ការជួយសង្គ្រោះ សប្បុរសធម៌ អប់រំនិងអភិវឌ្ឍធនធានមនុស្ស ក្នុងសហគមន៍ក៏បានយកចិត្តទុកដាក់ ដែលរួមចំណែកជួយបងប្អូនខ្មែរមានដើមកំណើតវៀតណាមឱ្យមានស្ថេរភាពក្នុងជីវិត ឆ្ពោះទៅរកអនាគតភ្លឺស្វាង។
លោកឯកអគ្គរដ្ឋទូតវៀតណាម ប្រចាំនៅព្រះរាជាណាចក្រកម្ពុជា Vu Quang Minh ថ្លែងនៅក្នុងសន្និសីទនេះ។ (រូបថត៖ VOV)
ថ្លែងនៅក្នុងសន្និសីទនេះ លោកឯកអគ្គរដ្ឋទូតវៀតណាមប្រចាំនៅព្រះរាជាណាចក្រកម្ពុជា Vu Quang Minh បានស្នើថា សមាគមខ្មែរ - វៀតណាមបន្តរក្សាការផ្សារភ្ជាប់ កិច្ចសហប្រតិបត្តិការ និងទាក់ទងយ៉ាងជិតស្និទ្ធជាមួយអាជ្ញាធរកម្ពុជាគ្រប់ថ្នាក់ ដើម្បីផ្លាស់ប្តូរព័ត៌មាន និងជួយស្ថាប័នសមត្ថភាពរបស់កម្ពុជាយល់ដឹងយ៉ាងច្បាស់អំពី ស្ថានភាពរបស់សហគមន៍ប្រកបដោយត្រឹមត្រូវ និងទាន់ពេលវេលា។ ព្រមទាំង ឃោសនាដល់ប្រជាជនអំពីច្បាប់និងសិទ្ធិនានា តាមបទប្បញ្ញត្តិរបស់រដ្ឋាភិបាលកម្ពុជា ផងដែរ៕
(បកប្រែដោយឌីណា)
(ប្រភពព័ត៌មាន: ប្រភពព័ត៌មាន៖ VOV)
មតិពីមិត្តអ្នកអាន