នៅពេលរសៀលថ្ងៃទី០៤ ខែវិច្ឆិកា ឯកអគ្គរដ្ឋទូត វ៉ូ ក្វាងមិញ បានសម្តែងការគួរសមនិងពិភាក្សាការងារ ជាមួយ លោកជំទាវ សឿង រដ្ឋចាវី រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិកម្ពុជា នៅទីស្នាក់ការក្រសួងការបរទេសនិងសហប្រតិបត្តិការអន្តរជាតិកម្ពុជា។
ឯកអគ្គរដ្ឋទូត វ៉ូ ក្វាងមិញ សម្តែងការគួរសមនិងពិភាក្សាការងារជាមួយរដ្ឋលេខាធិការក្រសួងការបរទេសនិ ងសហប្រតិបត្តិការអន្តរជាតិកម្ពុជា លោកជំទាវ សឿង រដ្ឋចាវី
ក្នុងជំនួបនេះ ភាគីទាំងពីរបានផ្លាស់ប្តូរព័ត៌មានអំពីទំនាក់ទំនងកិច្ចសហប្រតិបត្តិការទ្វេភាគីកម្ពុជា-វៀតណាម ជាពិសេសបណ្តាសមិទ្ធផលគួរអោយមោទនៈដែលភាគីទាំងពីរសម្រេចបានក្នុងកិច្ច សហប្រតិបត្តិការសន្តិសុខ នយោបាយ សេដ្ឋកិច្ច ពាណិជ្ជកម្មទ្វេភាគិ និងក្នុងវិស័យដទៃទៀតក្នុងបរិបទដែល ជំងឺកូវីដ១៩កំពុងបង្កឡើងឧបសគ្គជាច្រើនក្នុងទំនាក់ទំនងរវាងបណ្តាប្រទេស។ ក្រៅពីនោះ ភាគីទាំងពីរក៏បានផ្លាស់ប្តូរយោបល់អំពីបញ្ហាតំបន់និងពិភពលោកដែលភាគីទាំងពីរមានការយកចិត្តទុកដាក់។
លោកជំទាវ សឿង រដ្ឋចាវី ជាអតីតឯកអគ្គរាជទូតរបស់កម្ពុជាដែលទើបចប់អាណត្តិនៅប្រទេសអង់គ្លេស និង ទើបទទួលតួនាទីជារដ្ឋលេខាធិការទទួលបន្ទុកតំបន់អាស៊ីអាគ្នេយ៍ ដែលក្នុងនោះមានទំនាក់ទំនង ទ្វេភាគីកម្ពុជា-វៀតណាម៕
(សរុបដោយវិច្ឆិកា)
(ប្រភពព័ត៌មាន: ស្ថានទូតវៀតណាមប្រចាំកម្ពុជា)
មតិពីមិត្តអ្នកអាន