យុគសម័យ - រថយន្តកម្ពុជារាប់សិបគ្រឿងដឹកផ្លែឈើនិងអង្ករនាំចូលទៅប្រទេសវៀតណាម តាមច្រកទ្វារព្រំដែនអន្តរជាតិ Tinh Bien ។ រីឯភាគីវៀតណាមវិញក៏បានមានរថយន្តរាប់សិបគ្រឿងដឹកកសិផលនិងទំនិញគ្រប់មុខដែលនាំចេញទៅកាន់ប្រទេសកម្ពុជាក្នុងបរិបទរឹតបន្តឹង ដើម្បីការពារការរីករាលដាលនៃជំងឺ Covid-19។
ទំនិញវៀតណាម - កម្ពុជា នៅតែនាំចេញនិងនាំចូល ប្រកបដោយរលូន ក្នុងស្ថានភាពនៃការរីករាលដាលនៃជំងឺ Covid-19
កាលពីថ្ងៃទី ២៤ ខែកុម្ភៈយោងតាមគេហទំព័រ Tuoi Tre Online បានអោយដឹងថា ប្រហែលជាម៉ោង ៩ ព្រឹក នៅ ច្រកទ្វារព្រំដែនអន្តរជាតិ Tinh Bien ស្រុក Tinh Bien ខេត្ត An Giang មានរថយន្តដឹកទំនិញរបស់កម្ពុជាទៅកាន់តំបន់ច្រកទ្វារព្រំដែន ដើម្បីបំពេញបែបបទនាំចូលសម្រាប់រថយន្តធុនធំ ។ ហើយប្រទេសវៀតណាមក៏បានដឹកទំនិញជាច្រើនប្រភេទនិងកសិផលក ទៅកាន់តំបន់ច្រកទ្វារព្រំដែននេះ ដើម្បីបញ្ជូនទំនិញទៅរថយន្តកម្ពុជាសម្រាប់នាំចេញ។ បរិយាកាសរបស់កម្មករដែលលីទំនិញនៅទីនេះកាន់តែ មមាញឹកដែរ។
កន្លែងបំពេញបែបបទឆ្លងដែននិងអន្តោប្រវេសន៍ត្រូវបានរឹតបន្តឹង។ នៅពេលដែលអ្នកបើកបររថយន្តកម្ពុជាម្នាក់បានមកដល់តំបន់ច្រកទ្វារព្រំដែន គាត់ត្រូវបានអនុវត្តវិធានការដាក់ឲ្យនៅដាច់ដោយឡែកពីគ្នា ដោយកម្លាំងការពារព្រំដែននៅច្រកទ្វារព្រំដែនអន្តរជាតិ Tinh Bien រយន្តដឹកទំនិញត្រូវបានបាញ់ថ្នាំសំលាប់មេរោគ មុនពេលអនុញ្ញាតឱ្យកម្មករបញ្ជូនទំនិញទៅរថយន្តផ្សេងទៀត។
ផ្ទុយទៅវិញ រថយន្តវៀតណាមទៅដល់តំបន់ច្រកទ្វារព្រំដែនអ្នកបើកបរវៀតណាមក៏ត្រូវអនុវត្តវិធានការដាក់ឲ្យនៅដាច់ដោយឡែកពីគេ ហើយទំនិញនឹងបញ្ជូនទៅរថយន្តកម្ពុជាដោយកម្មករលីទំនិញ (បន្ទាប់ពី រថយន្តបានបាញ់ទឹកថ្នាំសម្លាប់មេរោគ) ។
សហគ្រាស់មួយឲ្យជួលចំណត នៅតំបន់ច្រកទ្វារព្រំដែន Tinh Bien បាននិយាយថា ប៉ុន្មានថ្ងៃមុននេះ បរិមាណអង្ករ កម្ពុជាបាននាំទៅប្រទេសវៀតណាមមានចំនួនច្រើនណាស់។ ចំនួនអង្ករនេះភាគច្រើនមកពីបណ្តាខេត្តជាប់ព្រំដែនជាមួយប្រទេសវៀតណាមដែលត្រូវបានប្រមូលនិងទិញ ដោយសហគ្រាស។តំបន់ច្រកទ្វារព្រំដែននេះមានកន្លែងប្រមូលទំនិញចំនួន ៣ កន្លែង ។ នៅឯចំណតរបស់ខ្ញុំ ដែលមានស្រូវជិត ២០០ តោនក្នុងមួយថ្ងៃ។ ស្រូវកម្ពុជានៅពេលនេះកំពុងប្រមូលផលយ៉ាងច្រើន។ ប្រហែលជាក្នុងមួយសប្តាហ៍ ស្រូវនឹងអស់ហើយ” - សហគ្រាសនេះបាននិយាយឲ្យដឹងថា។
លោកវរសេនីយ៍ទោ Tran Hoa Hiep ប្រធានប៉ុស្តិ៍កងទ័ពការពារព្រំដែន នៅច្រកទ្វារព្រំដែនអន្តរជាតិ Tinh Bien បាននិយាយថា រថយន្តកម្ពុជាទៅប្រទេសវៀតណាមមានចាប់ពី ៥០-៦០ គ្រឿង / ក្នុងមួយថ្ងៃ (រថយន្តចំណុះ ២៥ តោន) ។ ភាគច្រើនដឹកផ្លែឈើនិងអង្ក។ រថយន្តដឹកទំនិញរបស់វៀតណាមនាំចេញទៅកាន់កម្ពុជា ភាគច្រើនជាកសិផលនិងទំនិញគ្រប់មុខមានចំនួនជាង ២០ គ្រឿង / ថ្ងៃ។ និយាយអំពីការនាំចូលស្រូវពីប្រទេសកម្ពុជា ថ្នាក់ដឹកនាំមន្ទីរឧស្សាហកម្មនិងពាណិជ្ជកម្ម ខេត្ត An Giang បានបញ្ជាក់ថា សហគ្រាសដែលត្រូវបានអនុញ្ញាតឱ្យនាំចូលអង្ករកម្ពុជា ប៉ុន្តែនៅពេលនាំចេញត្រូវតែមានអាជ្ញាប័ណ្ណស្របតាមបទប្បញ្ញត្តិពីក្រសួងឧស្សាហកម្មនិងពាណិជ្ជកម្ម ។
ក្នុងខេត្តទាំងមូលដែលមានសហគ្រាសប្រហែល ១៧ នាំចូលនិងនាំចេញអង្ករ។ លោកបានបន្ថែមថា“ ដោយសារតែកង្វះអង្ករ នៅប្រទេសវៀតណាម នាពេលបច្ចុប្បន្ននេះសហគ្រាសមួយចំនួន បាននាំចូលអង្ករកម្ពុជា សម្រាប់កែច្នៃ បន្ទាប់មកនាំចេញ” ./.
(បកប្រែដោយឌីណា)
(ប្រភពព័ត៌មាន: Tuoi Tre online)
មតិពីមិត្តអ្នកអាន