ជំរុញទំនាក់ទំនងរវាងទីក្រុងហូជីមិញជាមួយតំបន់នានារបស់ជប៉ុន

ប្រធានគណៈកម្មាធិការប្រជាជនទីក្រុងហូជីមិញលោក Nguyen Thanh Phong អញ្ជើញជួបជាមួយអគ្គកុងស៊ុលជប៉ុនថ្មីប្រចាំនៅទីក្រុងហូជីមិញ លោក Watanabe Nobuhiro។ រូបថតៈ Xuan Khu/ទីភ្នាក់ងារសារព័ត៌មានវៀតណាម

នោះគឺជាការអះអាងរបស់លោក Nguyen Thanh Phong ប្រធានគណៈកម្មាធិការប្រជាជនទីក្រុងហូជីមិញក្នុងជំនួបជាមួយលោក Watanabe Nobuhiro អគ្គកុងស៊ុលជប៉ុនថ្មីនៅទីក្រុងហូជីមិញ ដែលធ្វើឡើងនៅរសៀលថ្ងៃទី ៧ ខែកញ្ញា។

ប្រធានគណៈកម្មាធិការប្រជាជនទីក្រុងបានបង្ហាញជំនឿថា អគ្គកុងស៊ុលជប៉ុនថ្មីនឹងមានសំណើនិងគំនិតផ្តួចផ្តើមជាច្រើនដើម្បីអនុវត្តសកម្មភាពរបស់ស្ថានអគ្គកុងស៊ុលជប៉ុនប្រកបដោយប្រសិទ្ធភាព ហើយជួយបង្កើនកិច្ចសហប្រតិបត្តិការល្អរវាងទីក្រុងហូជីមិញនិងតំបន់នានានៃប្រទេសជប៉ុននិយាយដោយឡែក រវាងវៀតណាមនិងជប៉ុននិយាយរួម។

តាមលោក Nguyen Thanh Phong ក្នុងបរិបទទំនាក់ទំនងដែលកំពុងមានការអភិវឌ្ឍកាន់តែខ្លាំងឡើង ចំនួនសហគ្រាសដែលវិនិយោគនៅទីក្រុងហូជីមិញបាននិងកំពុងកើនឡើងជាលំដាប់។ ទីក្រុងបានប្តេជ្ញានឹងបង្កើតបរិយាកាសវិនិយោគអំណោយផលសម្រាប់វិនិយោគិន រួមទាំងសហគ្រាសជប៉ុន; ចាត់ទុគការជោគជ័យរបស់វិនិយោគិនបរទេសក៏ត្រូវជាជោគជ័យរបស់ទីក្រុងផងដែរ។

លោក Watanabe Nobuhiro អគ្គកុងស៊ុលជប៉ុនថ្មីបានសម្តែងនូវគោលបំណងថា ទីក្រុងសម្របសម្រួលការគាំទ្រជាមួយស្ថានអគ្គកុងស៊ុលជប៉ុនដើម្បីអនុវត្តសកម្មភាពផ្លាស់ប្តូរសហប្រតិបតិ្តការរវាងភាគីទាំងពីរក្នុងបរិបទនៃ COVID-19 នៅតែមានភាពស្មុគស្មាញនៅលើពិភពលោក។ ទន្ទឹមនឹងនេះ បានបញ្ជាក់ពីការកើនឡើងនៃចំនួនវិនិយោគិនជប៉ុនក្នុងវិស័យជាច្រើននៅក្នុងទីក្រុងគឺជាសក្ខីភាពបញ្ជាក់ពីកិច្ចសហប្រតិបត្តិការល្អរវាងជប៉ុននិងវៀតណាមជានិយាយរួម និងរវាងជប៉ុននិងទីក្រុងនិយាយដោយឡែក៕

（បកប្រែដោយសាមេត）

（ប្រភពព័ត៌មាន: baotintuc.vn）

（បកប្រែដោយសាមេត）