យុគសម័យ - លេខាធិការនៃគណៈកម្មាធិការបក្សទីក្រុងហាណូយលោក Vuong Dinh Hue សង្ឃឹមថាប្រទេសកម្ពុជានឹងបង្កើតលក្ខខណ្ឌងាយស្រួលសម្រាប់អាជីវកម្មរបស់ទីក្រុងហាណូយជាពិសេសនិងវៀតណាមជាទូទៅអាចវិនិយោគនៅកម្ពុជាក្នុងលក្ខណៈអំណោយផលនិងរួមចំណែកដល់ការអភិវឌ្ឍទំនាក់ទំនងរវាងប្រទេសទាំងពីរ។
ឯកអគ្គរាជទូតលោក ចាយ ណាវុធ និងលោក Vuong Dinh Hue។
នាថ្ងៃទី ១២ ខែសីហា លោក Vuong Dinh Hue សមាជិកការិយាល័យនយោបាយ លេខាធិការគណៈកម្មាធិការបក្សទីក្រុង ប្រធានគណៈប្រតិភូរដ្ឋសភាជាតិទីក្រុងហាណូយ បានអញ្ជើញទទួលឯកអគ្គរាជទូតវិសាមញ្ញនិងពេញសមត្ថភាពនៃព្រះរាជាណាចក្រកម្ពុជាប្រចាំនៅប្រទេសវៀតណាមលោក ចាយ ណាវុធ។
ថ្លែងនៅក្នុងកិច្ចប្រជុំនេះលេខាគណបក្សហាណូយលោក Vuong Dinh Hue បានវាយតម្លៃខ្ពស់និងបង្ហាញការជឿជាក់ចំពោះទំនាក់ទំនងសហប្រតិបត្តិការមិត្តភាពជាប្រពៃណីរវាងរាជធានីហាណូយ - រាជធានីភ្នំពេញក៏ដូចជានៅតាមមូលដ្ឋានដទៃទៀតនៃប្រទេសកម្ពុជានៅពេលអនាគតនឹងមិនបញ្ឈប់ការរីកចម្រើនឡើយ។
លោក Vuong Dinh Hue បានសង្ឃឹមថាលោកឯកអគ្គរាជទូត ចាយ ណាវុធ និងស្ថានទូតកម្ពុជាបន្តជំរុញកិច្ចសហប្រតិបត្តិការសេដ្ឋកិច្ចពាណិជ្ជកម្មវិនិយោគនិងទេសចរណ៍រវាងភាគីទាំងពីរ ទន្ទឹមនឹងនោះក៏បានបង្ហាញពីបំណងចង់ពាណិជ្ជកម្មរវាងប្រទេសទាំងពីរនឹងវិលមករកភាពប្រក្រតីឡើងវិញឆាប់ៗនេះហើយនឹងបន្តពង្រឹងបន្ថែមទៀតនៅពេលដែលជំងឺរាតត្បាតកំពុងស្ថិតក្រោមការគ្រប់គ្រង។
ប្រតិភូចូលរួមជំនួប។
លោក Vuong Dinh Hue បានអះអាងថាគណៈកម្មាធិការបក្សទីក្រុងនិងរដ្ឋាភិបាលទីក្រុងហាណូយបានត្រៀមខ្លួនជាស្រេចក្នុងការជួយនិងបង្កើតលក្ខខណ្ឌអំណោយផលសម្រាប់សកម្មភាពនានារបស់ស្ថានទូតកម្ពុជា។ ទន្ទឹមនឹងនេះដែរប្រទេសកម្ពុជានឹងបង្កើតលក្ខខណ្ឌអំនៅយផលសម្រាប់អជិវកម្មរបស់ហាណូយជាពិសេសនិងវៀតណាមជាទូទៅអាចវិនិយោគនៅកម្ពុជាក្នុងលក្ខណៈងាយស្រួលនិងរួមចំណែកដល់ការអភិវឌ្ឍទំនាក់ទំនងរវាងប្រទេសទាំងពីរ។
ឯកអគ្គរាជទូតលោក ចាយ ណាវុធ បានវាយតម្លៃខ្ពស់ចំពោះកិច្ចខិតខំប្រឹងប្រែងក្នុងការការពារនិងគ្រប់គ្រងការរីករាលដាលនៃជំងឺកូវិដ១៩ នៃរដ្ឋធានីហាណូយក្នុងរយៈពេលកន្លងមកនេះ និងលោកក៍បានថ្លែងអំណរគុណចំពោះទីក្រុងហាណូយដែលបានគាំទ្រនិងបង្កលក្ខខណ្ឌអំណោយផលដល់សកម្មភាពនានារបស់ស្ថានទូត។ លោកឯកអគ្គរាជទូតក៏បានសម្តែងអំណរគុណចំពោះសំភារវេជ្ជសាស្រ្តដែលផ្តល់ដោយបក្សរដ្ឋាភិបាលនិងប្រជាជនវៀតណាមដល់ប្រទេសកម្ពុជាក្នុងរយៈពេលកន្លងមក។ លោកបានបញ្ជាក់ថាការគាំទ្រទាំងនេះបានចូលរួមចំណែកយ៉ាងសំខាន់ដល់កិច្ចខិតខំប្រឹងប្រែងប្រឆាំងនឹងជំងឺរាតត្បាតនៅកម្ពុជា ទន្ទឹមនឹងនេះ លោកសង្ឃឹមថាសកម្មភាពពាណិជ្ជកម្មរវាងប្រទេសទាំងពីរនឹង វិលមករកភាពប្រក្រតី ឡើងវិញឆាប់ៗតាមដែលអាចធ្វើទៅបាន៕
(ប្រែសម្រូលដោយវិច្ឆិកា)
មតិពីមិត្តអ្នកអាន