Trending now

គណៈកម្មាធិការកិច្ចការបរទេសទីក្រុង Saint Petersburg (រុស្ស៊ី) ចង់ពង្រីកកិច្ចសហប្រតិបត្តិការជាមួយ VUFO

10:57 | 07/05/2020 (បកប្រែដោយសាមេត)

យុគសម័យ - នារសៀលថ្ងៃទី ៦ ខែឧសភា ប្រធានសម្ព័ន្ធអង្គការមិត្តភាពវៀតណាម (VUFO) លោកស្រី Nguyen Phuong Nga បានជួបប្រជុំតាមអនឡាញជាមួយលោក Vyacheslav Gennadevitch Kalganov តំណាងគណៈកម្មាធិការកិច្ចការបរទេសទីក្រុង Saint Petersburg។ ក្នុងឱកាសខួបលើកទី ១០០ ឆ្នាំនៃទិវាបង្កើតបក្សកុម្មុយនិស្តបារាំង។ ទីក្រុង Saint Petersburg បានរំពឹងថា នឹងរៀបចំសកម្មភាពរំលឹកទាក់ទងនឹងប្រធានបទអំពីលោកប្រធានហូជីមិញ ហើយមានបំណងចង់សហការជាមួយ VUFO ។

ប្រធាន VUFO លោកស្រី Nguyen Phuong Nga បានផ្លាស់ប្តូរតាមអនឡាញជាមួយលោក Vyacheslav Gennadevitch Kalganov ។

នៅក្នុងកិច្ចប្រជុំនេះ លោកឯកអគ្គរដ្ឋទូត Nguyen Phuong Nga បានសួរសុខទុក្ខអំពីស្ថានភាពរួមនៃរុស្ស៊ី ជាពិសេសការវិវត្តនៃការឆ្លងរាលដាលនៃជំងឺរាតត្បាត (COVID-19) នៅរុស្ស៊ីនិងទីក្រុង Saint Petersburg។

លោក Vyacheslav Gennadevitch Kalganov បានរំលឹកឡើងវិញនូវព្រឹត្តិការណ៍កិច្ចសហប្រតិបត្តិការជាច្រើនរវាងទីក្រុង Saint Petersburg និងវៀតណាមក្នុងរយៈពេល ៣ ឆ្នាំចុងក្រោយនេះ។ លោកបានលើកឡើងពីដំណើរទស្សនកិច្ចជាច្រើនរបស់មេដឹកនាំជាន់ខ្ពស់នៃប្រទេសទាំងពីរ; កម្មវិធីនិងព្រឹត្តិការណ៍លេចធ្លោដូចជា៖ វេទិកាយុវជនវៀតណាម - រុស្ស៊ី សិក្ខាសាលា “បេតិកភណ្ឌខាងស្មារតីរបស់លោកប្រធានហូជីមិញ៖ ៥០ ឆ្នាំក្រោយ”

គណៈកម្មាធិការកិច្ចការបរទេសទីក្រុង Saint Petersburg បានស្នើថា៖ ក្នុងឱកាសខួបលើកទី ១០០ ឆ្នាំនៃទិវាបង្កើតបក្សកុម្មុយនិស្តបារាំង ទីក្រុង Saint Petersburg បានរំពឹងថា នឹងរៀបចំសកម្មភាពរំលឹកទាក់ទងនឹងប្រធានបទ “លោកហូជីមិញ ជាតិនិយមនិងអន្តរជាតិនិយម - ១០០ ឆ្នាំជាមួយគ្នា” នៅខែធ្នូឆ្នាំ ២០២០នេះ។ គម្រោងនេះផ្តល់កិត្តិយសដល់លោកប្រធានហូជីមិញ ដែលជាសមាជិកស្ថាបនិកម្នាក់នៃគណបក្សកុម្មុយនិស្តបារាំង។ រដ្ឋាអំណាចទីក្រុងមានបំណងចង់សហការជាមួយសម្ព័ន្ធអង្គការមិត្តភាពវៀតណាមក្នុងសកម្មភាពនេះ។

Saint Petersburg បានរៀបចំសិក្ខាសាលាវិទ្យាសាស្ត្រអំពីបេតិកភណ្ឌខាងស្មារតីរបស់លោកប្រធានហូជីមិញ - ៥០ ឆ្នាំក្រោយដើម្បីពិភាក្សាអំពីបេតិកភ័ណ្ឌដ៏មានតម្លៃដែលលោកប្រធានហូជីមិញបានទុកសម្រាប់មនុស្សជាតិ។

ជាការឆ្លើយតប ប្រធានសម្ព័ន្ធអង្គការមិត្តភាពវៀតណាមលោកស្រី Nguyen Phuong Nga បានថ្លែងអំណរគុណចំពោះមិត្តសូវៀតដែលបានគាំទ្រនិងជួយវៀតណាមក្នុងឆ្នាំសង្គ្រាមក៏ដូចជាក្នុងការកសាងនិងការពារប្រទេស។ លោកឯកអគ្គរដ្ឋទូត Nguyen Phuong Nga ក៏បានវាយតម្លៃខ្ពស់ចំពោះសកម្មភាពរបស់ភាគីអ្នកក្នុងការបង្កើនមិត្តភាពរវាងប្រជាជននៃប្រទេសទាំងពីរ បង្កើនការយោគយល់គ្នាទៅវិញទៅមក។

លោកឯកអគ្គរដ្ឋទូត Nguyen Phuong Nga ក៏បានឱ្យដឹងថា៖ VUFO ត្រៀមខ្លួនជាស្រេចដើម្បីសហការជាមួយទីក្រុង Saint Pertersburg ដើម្បីរៀបចំសកម្មភាពនានាដោយមានគោលបំណងបង្កើនសន្តិភាពនិងសាមគ្គីភាព។ VUFO នឹងពិចារណាធ្វើការរួមគ្នាដើម្បីរៀបចំខួបដ៏សំខាន់នេះ៕

(បកប្រែដោយសាមេត)

(ប្រភពព័ត៌មាន: thoidai.com.vn)

(បកប្រែដោយសាមេត)

មតិពីមិត្តអ្នកអាន

ព័ត៌មានថ្មីៗ

អនុរដ្ឋមន្ត្រីក្រសួងការពារប្រទេសវៀតណាម អញ្ជើញទទួលជួបអនុព័ន្ធយោធាកម្ពុជា
គណៈប្រតិភូ នៃខេត្ត Binh Phuoc និងខេត្ត Tay Ninh ប្រទេសវៀតណាម បានអញ្ជើញទៅទស្សនកិច្ច និងជូនពរឆ្នាំថ្មីដល់អាជ្ញាធរ កងកម្លាំងប្រដាប់អាវុធ និងប្រជាជនខេត្តត
យុវជនវៀតណាមធ្វើជាម្ចាស់បវិវត្តកម្មឌីជីថល
តារា​ចម្រៀង Jisoo បាន​បរិច្ចាគ​ប្រាក់​ដល់​គម្រោង​អភិវឌ្ឍន៍​ព្រៃ​កោងកាង​នៅ​ទីក្រុង Ca Mau ប្រទេស​វៀតណាម
កិច្ចសហប្រតិបត្តិការលើវិស័យអប់រំ ពង្រឹងទំនាក់ទំនងជិតស្និទ្ធរវាងវៀតណាម និងអ៊ីរ៉ង់