ក្នុងឱកាសបុណ្យចូលឆ្នាំថ្មីប្រពៃណីជាតិវៀតណាម ២០២០ នាថ្ងៃទី ១៩ មករា ប្រតិភូនៃខេត្តមួយចំនួនដូចជា ខេត្តព្រៃវែង ត្បូងឃ្មុំ ស្វាយរៀង កំពង់ចាម និងឧត្តរមានជ័យបានធ្វើទស្សនកិច្ច និងជូនពរដល់គណៈកម្មាធិការបក្ស អាជ្ញាធរ និងប្រជាជនខេត្ត Tay Ninh ។
លោក Pham Van Tan ទទួលអំណោយពីថ្នាក់ដឹកនាំបណ្តាខេត្តនៃព្រះរាជាណាចក្រកម្ពុជា (រូបថត៖ vnanet.vn)
ថ្លែងក្នុងឱកាសនេះ ប្រធានគណៈកម្មាធិការប្រជាជនខេត្ត Tay Ninh លោក Pham Van Tan មានប្រសាសន៍ថា ឆ្នាំ ២០១៩ Tay Ninh ទទួលបានសមិទ្ធិផលសំខាន់ៗជាច្រើន គោលដៅសេដ្ឋកិច្ចសង្គមទាំងអស់បានសំរេចលើសផែនការ ជីវភាពរស់នៅរបស់ប្រជាជនត្រូវបានកែលម្អគួរឱ្យកត់សម្គាល់ កិច្ចព្រមព្រៀងសហប្រតិបត្តិការជាមួយខេត្តស្វាយរៀង ព្រៃវែងត្បូងឃ្មុំ និងកំពង់ ចាមត្រូវបានអនុវត្តលើគ្រប់វិស័យ និងទទួលបានលទ្ធផលខ្ពស់។
លោក Pham Van Tan ជឿជាក់ថា ឆ្នាំ២០២០នេះ ជាមួយប្រពៃណីសាមគ្គីភាព មិត្តភាព បណ្តាកម្មវិធីសហប្រតិបត្តិការដើម្បីផលប្រយោជន៍របស់ប្រជាជននៃប្រទេសទាំងពីរក្នុងស្មារតីសមភាព ការជួយគាំទ្រគ្នាទៅវិញទៅមក ការពូនជ្រំទំនាក់ទំនងសាមគ្គីភាព និងមិត្តភាពរបស់ប្រជាជននៃប្រទេសទាំងពីរនឹងបន្តមានស្ថិរភាព និងរីកច្រើនថែមទៀត។
(ហេង វុធ្ធ)
(ប្រភពព័ត៌មាន: kh.qdnd.vn)
មតិពីមិត្តអ្នកអាន