យុគសម័យ - នាព្រឹកថ្ងៃទី ១៣ ខែធ្នូ នៅទីក្រុងហូជីមិញ បញ្ជាការដ្ឋានយោធភូមិភាគទី ៧ បានបើកកិច្ចប្រជុំមួយដើម្បីផ្តល់ព័ត៌មានដល់សារព័ត៌មានអំពីការហាត់សមសង្គ្រោះគ្រោះថ្នាក់នៅតំបន់ព្រំដែនគោករវាងក្រសួងការពារប្រទេសវៀតណាមនិងក្រសួងការពារជាតិកម្ពុជាឆ្នាំ ២០១៩ ។
បញ្ជាការដ្ឋានយោធភូមិភាគទី ៧ បានបើកកិច្ចប្រជុំមួយដើម្បីផ្តល់ព័ត៌មានដល់សារព័ត៌មានអំពីការហាត់សមសង្គ្រោះគ្រោះថ្នាក់នៅតំបន់ព្រំដែនគោករវាងក្រសួងការពារប្រទេសវៀតណាមនិងក្រសួងការពារជាតិកម្ពុជាឆ្នាំ ២០១៩ (រូបថត៖ qdnd.vn)
តាមនោះ ការហាត់សមនេះនឹងប្រព្រឹត្តទៅនៅព្រឹកថ្ងៃទី ១៨ ខែធ្នូនៅស្រុកចន្ទ្រាខេត្តស្វាយរៀងប្រទេសកម្ពុជាដោយមានការចូលរួមពីមនុស្សប្រមាណ ៨០០ នាក់។
គួរបញ្ជាក់ថានេះជាការហាត់សមជួយសង្គ្រោះគ្រោះថ្នាក់ដំបូងបង្អស់ដែលធ្វើឡើងក្រោមពិធីសាររវាងប្រទេសទាំងពីរវៀតណាមនិងកម្ពុជាស្តីពីការបង្ការនិងទប់ទល់គ្រោះធម្មជាតិ សកម្មភាពជួយសង្គ្រោះជាប្រចាំនិងបទបញ្ញត្តិស្តីពីការសម្របសម្រួលគ្នានៅក្នុងតំបន់ព្រំដែនគោកវៀតណាម - កម្ពុជា។
ការហាត់សមនេះនឹងប្រព្រឹត្តទៅនៅព្រឹកថ្ងៃទី ១៨ ខែធ្នូនៅស្រុកចន្ទ្រាខេត្តស្វាយរៀងប្រទេសកម្ពុជាដោយមានការចូលរួមពីមនុស្សប្រមាណ ៨០០ នាក់ ( រូបថត៖ Vietnamplus)
តាមរយៈការហាត់សមនេះ ភាគីទាំងពីរនឹងពង្រឹងនិងពង្រីកបន្ថែមទៀតនូវចំណងមិត្តភាពជាប្រពៃណី សាមគ្គីភាព កិច្ចសហប្រតិបត្តិការនិងជួយទ្រទ្រង់គ្នាទៅវិញទៅមករវាងកងទ័ពនិងប្រជាជនវៀតណាម - កម្ពុជា ដោយហេតុនេះបានរួមចំណែកក្នុងការថែរក្សាសន្តិសុខនយោបាយ និងកសាងតំបន់ព្រំដែនមួយប្រកបដោយសន្តិភាពមិត្តភាព ស្ថិរភាព កិច្ចសហប្រតិបត្តិការនិងអភិវឌ្ឍន៍ផងដែរ៕
បកប្រែដោយហេង វុធ្ធី
(ប្រភពព័ត៌មាន: qdnd.vn)
មតិពីមិត្តអ្នកអាន