យុគសម័យ - យោងតាមអ្នកយកព័ត៌មានទីភ្នាក់ងារសារព័ត៌មានវៀតណាម ប្រចាំនៅកម្ពុជាបានឱ្យដឹងថា នៅក្នុងក្របខ័ណ្ឌមហាសន្និបាតអន្តរសភាអាស៊ានលើកទី ៤១ (AIPA ៤១) ដែលមានប្រធានបទ ““ការទូតសភា ដើម្បីសម្រេចបានសហគមន៍អាស៊ាន ប្រកបដោយភាពស្អិតរមួត និងឆ្លើយតបយ៉ាងសកម្ម” បានធ្វើឡើង តាមរយៈប្រពន្ធ័វីដេអូ នៅព្រឹកថ្ងៃទី ១០ ខែកញ្ញានេះ សម្តេច ហេងសំរិន ប្រធានរដ្ឋសភាកម្ពុជាបានសម្តែងការគាំទ្រចំពោះគំនិតផ្តួចផ្តើមរបស់ប្រទេសវៀតណាមក្នុងការលើកកម្ពស់តួនាទីរបស់សមាជិកសភាវ័យក្មេងរបស់ AIPA ។
សម្តេច ហេងសំរិន ប្រធានរដ្ឋសភាកម្ពុជា។ (រូបថត៖ ទីភ្នាក់ងារសារព័ត៌មានវៀតណាម)
សម្តេច ហេង សំរិន ប្រធានរដ្ឋសភាបានសង្កត់ធ្ងន់ថា “ រដ្ឋសភានៃព្រះរាជាណាចក្រកម្ពុជាគាំទ្រនិងលើកទឹកចិត្តយ៉ាងខ្លាំងដល់សមាជិកសភាវ័យក្មេងរបស់ AIPA ឱ្យចូលរួមរាល់កិច្ចប្រជុំរបស់ AIPA និងជាមួយយុវជនអាស៊ាន។ បច្ចុប្បន្ននេះ យុវជនជំនាន់ក្រោយដើរតួនាទីយ៉ាងសំខាន់ក្នុងការអភិវឌ្ឍជាតិនិងកសាងសហគមន៍អាស៊ានដែលកាន់តែរីកចម្រើននិងវិបុលភាព។ ”
នៅក្នុងកិច្ចប្រជុំពេញអង្គលើកទី ២ របស់មហាសន្និបាត AIPA លើកទី ៤១ ដោយរាយការណ៍អំពីលទ្ធផលនៃកិច្ចប្រជុំក្រៅផ្លូវការសមាជិកសភាវ័យក្មេង AIPA លោកប្រធានក្រុមប្រតិភូសមាជិកសភាវ័យក្មេងវៀតណាម Le Quoc Phong បាននិយាយថា កិច្ចប្រជុំនេះ ត្រូវបានធ្វើឡើងក្នុងស្មារតីមិត្តភាព បង្រួបបង្រួមនិងកិច្ចសហប្រតិបត្តិការរបស់អាស៊ាន។
ដោយវាយតំលៃខ្ពស់ចំពោះគំនិតផ្តួចផ្តើមរបស់រដ្ឋសភាវៀតណាមក្នុងការរៀបចំកិច្ចប្រជុំសមាជិកសភាវ័យក្មេង AIPA អ្នកតំណាងអញ្ជើញចូលរួមបាននិយាយថា កិច្ចប្រជុំនេះគឺជាសញ្ញាសំគាល់ប្រវត្តិសាស្ត្រដ៏សំខាន់ក្នុងការបង្កើតយន្តការនូវការរៀបចំកិច្ចប្រជុំនិងពិភាក្សាសម្រាប់សមាជិកសភាវ័យក្មេង AIPA ។ កិច្ចប្រជុំនេះបានបញ្ជាក់យ៉ាងច្បាស់ពីតួនាទីនិងការចូលរួមចំណែកដ៏សំខាន់របស់យុវជននិយាយរួម និងសមាជិកសភាវ័យក្មេងនិយាយដោយឡែកក្នុងការចូលរួមក្នុងដំណើរការបង្កើតគោលនយោបាយអភិវឌ្ឍន៍ជាតិតាមរយៈការគិតប្រកបដោយច្នៃប្រឌិត។
កិច្ចប្រជុំបានឯកភាព ពង្រឹងកិច្ចសហប្រតិបត្តិការរវាងសមាជិកសភាវ័យក្មេងរបស់ AIPA និងវេទិកាយុវជនអាស៊ានក្នុងការអនុវត្តកម្មវិធីសកម្មភាពយុវជនអាស៊ាន ២០១៦-២០២០ និងបណ្តាឆ្នាំខាងមុខ។
កិច្ចប្រជុំក៏បានគាំទ្រនិងស្វាគមន៍គំនិតផ្តួចផ្តើមរបស់រដ្ឋសភាវៀតណាមស្តីពីកិច្ចប្រជុំសមាជិកសភាវ័យក្មេង AIPA ដែលនឹងធ្វើឡើងក្នុងក្របខ័ណ្ឌនៃមហាសន្និបាត AIPA ។ ជាមួយគ្នានេះ ប្រតិភូបានព្រមព្រៀងអំពីការបង្កើតគណៈកម្មាធិការពិសេសមួយ រួមមានលេខាធិការដ្ឋានជាតិជាសមាជិក AIPA សម្របសម្រួលជាមួយលេខាធិការដ្ឋាន AIPA ដើម្បីរៀបចំសេចក្តីព្រាងបែបបទនៃកិច្ចប្រជុំសមាជិកសភាវ័យក្មេងសម្រាប់ការអនុម័តក្នុងកំឡុងពេលដែលមានមហាសន្និបាត AIPA បន្ទាប់។
សភាជាសមាជិកAIPA បានឯកភាពលើខ្លឹមសារមួយចំនួននៃរបាយការណ៍ស្តីពីលទ្ធផលនៃកិច្ចប្រជុំសមាជិកសភាស្ត្រីរបស់ AIPA ។ កិច្ចប្រជុំគណៈកម្មាធិការនយោបាយ គណៈកម្មាធិការសេដ្ឋកិច្ចគណៈកម្មាធិការសង្គម គណៈកម្មាធិការរៀបចំកិច្ចប្រជុំក្រៅផ្លូវការរបស់សមាជិកសភាវ័យក្មេង AIPA ។
ថ្លែងក្នុងសម័យប្រជុំពេញអង្គលើកទី ២នៃមហាសន្និបាត AIPA លើកទី ៤១ សមាជិកសភា AIPA បានសម្តែងថា ក្នុងបរិបទនៃការរីករាលដាលដ៏ស្មុគស្មាញនៃការឆ្លងមេរោគ COVID-១៩ រដ្ឋសភាវៀតណាមបានផ្លាស់ប្តូររបៀបរៀបចំការប្រជុំយ៉ាងសកម្ម។ ការប្រជុំតាមរយៈ ប្រព័ន្ធវីដេអូ ដែលបង្ហាញពីភាពបត់បែននិងទំនួលខុសត្រូវរបស់ប្រទេសម្ចាស់ផ្ទះវៀតណាម ក្នុងការរៀបចំមហាសន្និបាត AIPA លើកទី ៤១ ប្រកបដោយការស្ទាត់ជំនាញនិងហ្មត់ចត់។
ក្នុងស្មារតីមិត្តភាព សាមគ្គីភាពនិងកិច្ចសហប្រតិបតិ្តសមាជិកសភា AIPA បានឯកភាពខ្ពស់លើខ្លឹមសារនៃសេចក្តីថ្លែងការណ៍រួម។ នៅចុងបញ្ចប់នៃសម័យប្រជុំពេញអង្គលើកទី ២ លោកស្រី ប្រធានរដ្ឋសភា Nguyen Thi Kim Ngan ប្រធានមហាសន្និបាត AIPA លើកទី៤១ បានប្រកាសអនុម័តសេចក្តីថ្លែងការណ៍រួមនៃមហាសន្និបាត AIPA លើកទី ៤១ ។ ប្រធានប្រភិភូសភាជាសមាជិក AIPA បានចុះហត្ថលេខាលើសេចក្តីថ្លែងការណ៍រួម ដោយហត្ថលេខាអេឡិចត្រូនិក./.
（បកប្រែដោយឌីណា）
មតិពីមិត្តអ្នកអាន