Trending now

កិច្ចប្រជុំគណៈកម្មាធិការចរចាពាណិជ្ជកម្ម RCEP អាស៊ាន

10:36 | 10/03/2020

នៅក្នុងកិច្ចប្រជុំនេះប្រតិភូបានឯកភាពលើទស្សនៈរួមរបស់បណ្តាប្រទេសអាស៊ាន ស្តីពីកិច្ចព្រមព្រៀង RCEP ជាមួយប្រទេសដៃគូ ដោយឆ្ពោះទៅការចុះហត្ថលេខាលើកិច្ចព្រមព្រៀង RCEP នៅក្នុងឆ្នាំ២០២០។

ទិដ្ឋភាពនៃកិច្ចប្រជុំ

បន្តសកម្មភាពនៅឯកិច្ចប្រជុំរដ្ឋមន្រ្តីសេដ្ឋកិច្ចលើកទី ២៦ នៃសមាគមប្រជាជាតិអាស៊ីអាគ្នេយ៍ (អាស៊ាន) ដែលប្រារព្ធធ្វើឡើងនៅទីក្រុង Da Nang (វៀតណាម) នាព្រឹកថ្ងៃទី ៩ ខែមិនា ប្រតិភូបានចូលរួមកិច្ចប្រជុំគណៈកម្មាធិការចរចាពាណិជ្ជកម្ម នៃកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់អាស៊ាន។ នៅក្នុងកិច្ចប្រជុំនេះប្រតិភូបានឯកភាព លើទស្សនៈរួមរបស់បណ្តាប្រទេសអាស៊ាន ស្តីពីកិច្ចព្រមព្រៀង RCEP ជាមួយប្រទេសដៃគូ ដោយឆ្ពោះទៅការចុះហត្ថលេខាលើកិច្ចព្រមព្រៀង RCEP នៅក្នុងឆ្នាំ២០២០។

បញ្ហាមួយដែលត្រូវបានអង្គប្រជុំផ្តោតការយកចិត្តទុកដាក់យ៉ាងខ្លាំង នោះគឺជាការនាំឥណ្ឌា - ជាប្រទេសមួយក្នុងចំណោមប្រទេសទាំង ១៦ ដែលចូលរួមកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) អោយត្រឡប់រកតុចរចាវិញ បន្ទាប់ពីប្រទេសនេះបានដកខ្លួនចេញពីកិច្ចព្រមព្រៀង RCEP កាលពីចុងឆ្នាំមុន។ ប្រសិនបើប្រទេសទាំង ១៦ ដែលចូលរួមយ៉ាងពេញលេញក្នុងការចុះហត្ថលេខាលើភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ នឹងនាំមកនូវផលប្រយោជន៍សេដ្ឋកិច្ចនិងពាណិជ្ជកម្មដល់សមាជិកទាំងអស់ផងដែរ។

សូមគូសបញ្ជាក់ថា ត្រូវបានចាប់ផ្តើមដំណើរការពីខែវិច្ឆិកាឆ្នាំ ២០១២ កន្លងមក កិច្ចព្រមព្រៀង RCEP មានគោលបំណងពង្រឹងកិច្ចសហប្រតិបត្តិការសេដ្ឋកិច្ចរវាងប្រទេសសមាជិកអាស៊ានចំនួន ១០ និងប្រទេសចំនួន ៦ ដែលអាស៊ានបានចុះហត្ថលេខាលើកិច្ចព្រមព្រៀងពាណិជ្ជកម្មសេរី រួមមាន ប្រទេសចិន ជប៉ុន កូរ៉េខាងត្បូង អូស្ត្រាលី ឥណ្ឌានិងនូវែលសេឡង់។ នេះគឺជាកិច្ចព្រមព្រៀងពាណិជ្ជកម្មសេរីទ្រង់ទ្រាយធំមួយរបស់តំបន់អាស៊ីប៉ាស៊ីហ្វិក។ នៅពេលដែលបានចុះហត្ថលេខានោះ RCEP នឹងបង្កើតប្លុកពាណិជ្ជកម្មដែលមានស្រូបយក ១/៣ នៃផលិតផលក្នុងស្រុកសរុបរបស់ពិភពលោក៕

(ប្រភពព័ត៌មាន: vov)

មតិពីមិត្តអ្នកអាន

ព័ត៌មានថ្មីៗ

អនុរដ្ឋមន្ត្រីក្រសួងការពារប្រទេសវៀតណាម អញ្ជើញទទួលជួបអនុព័ន្ធយោធាកម្ពុជា
គណៈប្រតិភូ នៃខេត្ត Binh Phuoc និងខេត្ត Tay Ninh ប្រទេសវៀតណាម បានអញ្ជើញទៅទស្សនកិច្ច និងជូនពរឆ្នាំថ្មីដល់អាជ្ញាធរ កងកម្លាំងប្រដាប់អាវុធ និងប្រជាជនខេត្តត
យុវជនវៀតណាមធ្វើជាម្ចាស់បវិវត្តកម្មឌីជីថល
តារា​ចម្រៀង Jisoo បាន​បរិច្ចាគ​ប្រាក់​ដល់​គម្រោង​អភិវឌ្ឍន៍​ព្រៃ​កោងកាង​នៅ​ទីក្រុង Ca Mau ប្រទេស​វៀតណាម
កិច្ចសហប្រតិបត្តិការលើវិស័យអប់រំ ពង្រឹងទំនាក់ទំនងជិតស្និទ្ធរវាងវៀតណាម និងអ៊ីរ៉ង់