យុគសម័យ - នារសៀលថ្ងៃទី ៦ ខែធ្នូ នៅរាជធានីភ្នំពេញព្រះរាជាណាចក្រកម្ពុជាបានរៀបចំវេទិការស្តីពីកិច្ចសហប្រតិបត្តិការធុរកិច្ចវៀតណាម - កម្ពុជា។
ឯកអគ្គរដ្ឋទូតវៀតណាមប្រចាំនៅកម្ពុជា លោក Vu Quang Minh (រូបថត៖ vov.vn)
វេទិការស្តីពីកិច្ចសហប្រតិបត្តិការធុរកិច្ចវៀតណាម - កម្ពុជាគឺជាព្រឹត្តិការណ៍ដែលរៀបចំឡើងដោយសភាពាណិជ្ជកម្មនិងឧស្សាហកម្មវៀតណាម (VCCI) សាខា Can Tho សហការជាមួយក្លឹបធុរជនវៀតណាមប្រចាំនៅកម្ពុជានិងដៃគូនានាភាគីកម្ពុជា។
ថ្លែងមតិនៅឯវេទិការនេះ ឯកអគ្គរដ្ឋទូតវៀតណាមប្រចាំនៅកម្ពុជា លោក Vu Quang Minh បានមានប្រសាសន៍ថាធុរជននៅតំបន់ដីសណ្តទន្លេ Cuu Long មានសក្តានុពលដ៏ធំធេងសម្រាប់កិច្ចសហប្រតិបត្តិការជាមួយដៃគូនៅកម្ពុជា ដោយសារមានប្រៀបខ្លាំងអំពីទីតាំងភូមិសាស្ត្រដែល ផ្តល់អំណោយផលល្អៗសម្រាប់ការធ្វើពាណិជ្ជកម្ម ការតភ្ជាប់និងបញ្ចូលបន្ថែមលើវិស័យសេដ្ឋកិច្ចរវាងសហគ្រាសនិងទីផ្សារនៃប្រទេសទាំងពីរ។ វេទិការនេះជាឱកាសសម្រាប់ធុរជនវៀតណាមនិងកម្ពុជា ស្វែងយល់ ជួបប្រាស្រ័យនិងតភ្ជាប់ទំនាក់ទំនងជាមួយអតិថិជនក្នុងវិស័យវិនិយោគពាណិជ្ជកម្ម ដោយប្រែក្លាយសក្តានុពលនិងភាពខ្លាំងរបស់ប្រទេសនីមួយៗទៅជាគម្រោងជាក់ ស្តែងពិតប្រាកដ។
នាយក VCCI សាខា Can Tho លោក Nguyen Phuong Lam (រូបថត៖ vov.vn)
រីឯនាយក VCCI សាខា Can Tho លោក Nguyen Phuong Lam បានសម្តែងក្តីសង្ឃឹមថាវេទិការស្តីពីកិច្ចសហប្រតិបត្តិការធុរកិច្ចវៀតណាម - កម្ពុជានឹងបង្កើតថ្មីនូវទំនាក់ទំនងសហប្រតិបត្តិការថ្មីរវាងធុរកិច្ចវៀតណាមនិងកម្ពុជាដែលអនុវត្តដោយ VCCI។ អង្គភាពអាជីវកម្មវៀតណាមតែងតែចាត់ទុកកម្ពុជាជាដៃគូជិតស្និទ្ធ សំខាន់ គួរឱ្យទុកចិត្តនិងមានប្រសិទ្ធិភាពបំផុត ជាពិសេសតំបន់ដីសណ្តទន្លេ Cuu Long គឺជាតំបន់កសិកម្មធំបំផុតរបស់វៀតណាមដែលជាប់ព្រំដែនកម្ពុជា រួមទាំងមានចំនួនប្រជាជននិងលក្ខណៈធម្មជាតិស្រដៀងគ្នា នឹងក្លាយទៅជាកន្លែងដែលមានលក្ខខណ្ឌអំណោយផលបំផុតសម្រាប់កិច្ចសហប្រតិបត្តិការសេដ្ឋកិច្ចនៃប្រទេសទាំងពីរផងដែរ ៕
ទិដ្ឋភាពនៃវេទិការ (រូបថត៖ vov.vn)
（យោងតាម vov.vn បកប្រែដោយ ហេង វុធ្ធី）
មតិពីមិត្តអ្នកអាន