យុគសម័យ - នារសៀលថ្ងៃទី 5 ខែវិច្ឆិកា លោក Huynh Cach Mang អនុប្រធានគណៈកម្មាធិការប្រជាជនទីក្រុងហូជីមិញបានទៅជូនពរនិងជូនផ្កាចំពោះអគ្គកុងស៊ុលនិងបុគ្គលិកនៃអគ្គកុងស៊ុលកម្ពុជាប្រចាំនៅទីក្រុងហូជីមិញក្នុងឱកាស ខួបលើកទី ៦៥ ទិវាឯករាជ្យជាតិនៃព្រះរាជាណាចក្រកម្ពុជា (ថ្ងៃទី ៩ ខែវិច្ឆិកាឆ្នាំ ១៩៥៣ - ថ្ងៃទី ៩ ខែវិច្ឆិកាឆ្នាំ ២០១៨) ។
ទិដ្ឋភាពនៃជំនួប (រូបថតៈ TTXVN)
តាងនាមឱ្យថ្នាក់ដឹកនាំទីក្រុងហូជីមិញ លោក Huynh Cach Mang បានអបអរសាទរចំពោះសមិទ្ធផលដែលប្រទេសកម្ពុជាទទួលបានក្រោមព្រះរាជដឹកនាំរបស់ព្រះមហាក្សត្រនរោត្តមសីហមុនីនិងការដឹកនាំរបស់សម្តេចនាយករដ្ឋមន្ត្រីហ៊ុនសែន។
លោក Huynh Cach Mang បានសង្កត់ធ្ងន់ទៅលើទំនាក់ទំនងរវាង “អ្នកជិតខាងល្អ មិត្តភាពប្រពៃណី កិច្ចសហប្រតិបត្តិការលើគ្រប់វិស័យ ចីរភាពយូរអង្វែង”រវាងវៀតណាមនិងកម្ពុជា ហើយទីក្រុងហូជីមិគ តែងតែគោរពនិងថែរក្សានូវទំនាក់ទំនងរវាងទីក្រុងហូជីមិញនិងខេត្ដមួយចំនួនរបស់កម្ពុជាឲ្យកាន់តែមានប្រសិទ្ធភាព។
ចំណែកលោក Im Hen អគ្គកុងស៊ុលកម្ពុជានៅទីក្រុងហូជីមិញបានថ្លែងអំណរគុណដល់ថ្នាក់ដឹកនាំនិងប្រជាជនទីក្រុងហូជីមិញចំពោះមនោសញ្ចេតនានិងការស្រឡាញ់រាប់អាន សម្រាប់អគ្គកុងស៊ុលកម្ពុជានៅទីក្រុងហូជីមិញក៏ដូចជាសម្រាប់ប្រជាជនកម្ពុជានិយាយរួម។
លោក Im Hen បានថ្លែងអំណរគុណដល់ទីក្រុងហូជីមិញ ចំពោះការគាំទ្រនិងជំនួយឧបត្ថម្ភសម្រាប់អគ្គកុងស៊ុលកម្ពុជាដើម្បីបំពេញល្អ នូវភារកិច្ចទទួលគណៈប្រតិភូកម្ពុជាមកបំពេញទស្សនកិច្ចនៅប្រទេសវៀតណាម ដែលបង្ហាញពីទំនាក់ទំនងជិតស្និទ្ធរវាងប្រទេសទាំងពីរ និងទីក្រុងទាំងពីរ គឺទីក្រុងហូជីមិញនិងភ្នំពេញ តែម្តង ក៏ដូចជារវាងអគ្គកុងស៊ុលកម្ពុជានៅទីក្រុងហូជីមិញជាមួយមន្ទីរនានានៃទីក្រុងផងដែរ៕
(សរុបព័ត៌មាន ដោយ ស្រីព្រេជ)
មតិពីមិត្តអ្នកអាន