Trending now

ថ្នាក់ដឹកនាំទីក្រុងហូជីមិញអញ្ជើញទទួលជួបជាមួយឧបនាយករដ្ឋមន្ត្រីកម្ពុជា សម្តេច ស ខេង

00:54 | 13/05/2019 (សរុបព័ត៌មាន ដោយ មិញ ហុង)

យុគសម័យ - នាល្ងាចថ្ងៃទី ៩ ខែមករា លោក Nguyen Thanh Phong ប្រធានគណៈកម្មាធិការប្រជាជនទីក្រុងហូជីមិញ បានអញ្ជើញទទួលជួបពិភាក្សាជាមួយសម្តេច ស ខេង ឧបនាយករដ្ឋមន្រ្តីនៃព្រះរាជាណាចក្រកម្ពុជា ដែលកំពុងបំពេញទស្សនកិច្ច ចូលរួមសន្និសីទសហប្រតិបត្តិការនិងអភិវឌ្ឍន៍របស់ខេត្តជាប់ព្រំដែនវៀតណាម-កម្ពុជាលើកទី១០ ដែលបានប្រារព្ធធ្វើឡើងនៅទីក្រុងហូជីមិញ (ប្រទេសវៀតណាម)។

លោក Nguyen Thanh Phong ប្រធានគណៈកម្មាធិការប្រជាជនទីក្រុងហូជីមិញបានអញ្ជើញទទួលជួបពិភាក្សាជាមួយសម្តេច សខេង ឧបនាយករដ្ឋមន្ត្រីនៃព្រះរាជាណាចក្រកម្ពុជា (ខាងឆ្វេង) ។

តាងនាមថ្នាក់ដឹកនាំទីក្រុងហូជីមិញ លោក Nguyen Thanh Phong បានអបអរសាទរចំពោះសមិទ្ធផលដែលកម្ពុជាសម្រេចបាននាពេលថ្មីៗនេះ ព្រមទាំងអបអរសាទរចំពោះជ័យជម្នះរបស់គណបក្សប្រជាជនកម្ពុជានៅក្នុងការបោះឆ្នោតរដ្ឋសភានីតិកាលទី ៦ កន្លងទៅ ដើម្បីបន្តធ្វើជាគណបក្សកាន់អំណាចដឹកនាំប្រទេសកម្ពុជា។

ថ្នាក់ដឹកនាំទីក្រុងហូជីមិញបានអះអាងថា នាពេលកន្លងទៅ ទំនាក់ទំនងរវាងទីក្រុងហូជីមិញនិងតំបន់នានារបស់ប្រទេសកម្ពុជា ក្នុងនោះមានរាជធានីភ្នំពេញ ត្រូវបានរឹតបន្តឹងកាន់តែខ្លាំងឡើង តាមរយៈការផ្លាស់ប្តូរគណៈប្រតិភូរវាងភាគីទាំងពីរ ដែលបង្កើតកម្លាំងចលករសម្រាប់ជំរុញទំនាក់ទំនង កិច្ចសហប្រតិបត្តិការប្រកបដោយប្រសិទ្ធ ភាពតាមរយៈកម្មវិធីនិងគម្រោងជាក់លាក់។ លោក Nguyen Thanh Phong បានសង្កត់ធ្ងន់ថា ទីក្រុងហូជីមិញចង់បន្តរក្សាប្រសិទ្ធភាពនៃការផ្លាស់ប្តូរគណៈប្រតិភូគ្រប់ជាន់ថ្នាក់ ក្នុងនោះជំរុញ កិច្ចសហប្រតិបត្តិការជាក់លាក់នៅក្នុងវិស័យកសិកម្ម ការដឹកជញ្ជូន ការដោះស្រាយកាកសំណល់ជាដើម។

ទីក្រុងហូជីមិញត្រៀមជាស្រេច ចែករំលែកជាមួយប្រជាជនកម្ពុជាអំពីបទពិសោធន៏ក្នុងការគ្រប់គ្រង ការកសាងទីក្រុងដែលមាននិរន្តរភាព ឆ្លើយតបនឹងការប្រែប្រួលអាកាសធាតុ ដែលរួមចំណែកជាវិជ្ជមានក្នុងការជំរុញទំនាក់ទំនង “អ្នកជិតខាងមិត្តភាព មិត្តភាពជាប្រពៃណី កិច្ចសហប្រតិបត្តិការលើគ្រប់វិស័យនិងនិរន្តរភាពយូរអង្វែង” រវាងវៀតណាមនិងកម្ពុជាកំពុងរីកលូតលាស់យ៉ាងល្អពីមួយថ្ងៃទៅមួយថ្ងៃ។

អញ្ជើញឆ្លើយតបវិញ សម្តេច ស ខេង បានថ្លែងអំណរគុណចំណោះការទទួលបដិសណ្ឋារកិច្ចយ៉ាងកក់ក្តៅចំពោះគណៈប្រតិភូកម្ពុជា និងវាយតម្លៃខ្ពស់ចំពោះទីក្រុងហូជីមិញ បានទទួលរៀបចំនិងបង្កើតលក្ខណៈងាយស្រួលសម្រាប់ ការរៀបចំសន្និសីទសហប្រតិបត្តិការនិងការអភិវឌ្ឍបណ្តាខេត្តជាប់ព្រំដែនវៀតណាម - កម្ពុជាលើកទី១០ ដែលរួមចំណែកដល់ការជំរុញនិងពង្រឹងទំនាក់ទំនងរវាងកម្ពុជានិង វៀតណាមនិយាយរួមនិងរវាងបណ្តាខេត្តជាប់ព្រំដែននៃប្រទេសទាំងពីរនិយាយដោយឡែក។

ដោយសម្តែងនូវក្តីសប្បាយរីករាយចំពោះការរីកចម្រើននៃកិច្ចសហប្រតិបត្តិការមិត្តភាពរវាងប្រទេសទាំងពីរក្នុងប៉ុន្មានឆ្នាំថ្មីៗនេះ ឧប នាយករដ្ឋមន្រ្តី សម្តេច សខេង បានវាយតម្លៃខ្ពស់ចំពោះការគាំទ្រនិងជំនួយទាំងមូលប្រកបដោយប្រសិទ្ធភាពរបស់វៀតណាមសម្រាប់ប្រទេសកម្ពុជាក្នុងអំឡុងពេល ៤០ ឆ្នាំកន្លងទៅ ព្រមទាំងអះអាងថា ប្រទេសកម្ពុជា មានបំណងនិងជានិច្ចកាលខិតខំប្រឹងប្រែងកសាងទំនាក់ទំនងសហប្រតិបត្តិការយូរអង្វែងនិងមានប្រសិទ្ធភាពជាមួយវៀតណាម ក្នុងនោះមានទីក្រុងហូជីមិញ ដែលនាំមកនូវផលប្រយោជន៍ជាក់ស្តែងដល់ប្រជាជននៃប្រទេសទាំងពីរ។

សម្តេច ស ខេង ក៏បានអបអរសាទរចំពោះការអភិវឌ្ឍន៍យ៉ាងខ្លាំងក្លារបស់ទីក្រុងហូជីមិញនិងថ្លែងអំណរគុណដល់ទីក្រុងហូជីមិញចំពោះកិច្ចសហប្រតិបត្តិការនិងសកម្មភាពជួយឧបត្ថម្ភសម្រាប់តំបន់មួយចំនួនរបស់កម្ពុជា។ សម្តេច ស ខេង បានសម្តែងនូវបំណងប្រាថ្នាថា ក្នុងរយៈពេលខាងមុខនេះ ទីក្រុងហូជីមិញនឹងបន្តជួយឧបត្ថម្ភកម្ពុជាលើគ្រប់វិស័យ រួមចំណែកដល់ការអភិវឌ្ឍទំនាក់ទំនង “អ្នកជិតខាងដ៏ល្អបសើរ មិត្តភាពជាប្រពៃណី កិច្ចសហប្រតិបត្តិការលើគ្រប់វិស័យ និងនិរន្តរភាពយូរអង្វែង” រវាងប្រទេសទាំងពីរ៕

(សរុបព័ត៌មាន ដោយ មិញ ហុង)

(សរុបព័ត៌មាន ដោយ មិញ ហុង)

មតិពីមិត្តអ្នកអាន

ព័ត៌មានថ្មីៗ

អនុរដ្ឋមន្ត្រីក្រសួងការពារប្រទេសវៀតណាម អញ្ជើញទទួលជួបអនុព័ន្ធយោធាកម្ពុជា
គណៈប្រតិភូ នៃខេត្ត Binh Phuoc និងខេត្ត Tay Ninh ប្រទេសវៀតណាម បានអញ្ជើញទៅទស្សនកិច្ច និងជូនពរឆ្នាំថ្មីដល់អាជ្ញាធរ កងកម្លាំងប្រដាប់អាវុធ និងប្រជាជនខេត្តត
យុវជនវៀតណាមធ្វើជាម្ចាស់បវិវត្តកម្មឌីជីថល
តារា​ចម្រៀង Jisoo បាន​បរិច្ចាគ​ប្រាក់​ដល់​គម្រោង​អភិវឌ្ឍន៍​ព្រៃ​កោងកាង​នៅ​ទីក្រុង Ca Mau ប្រទេស​វៀតណាម
កិច្ចសហប្រតិបត្តិការលើវិស័យអប់រំ ពង្រឹងទំនាក់ទំនងជិតស្និទ្ធរវាងវៀតណាម និងអ៊ីរ៉ង់