យុគសម័យ - ចិនបានសម្តែងអំណរគុណយ៉ាងជ្រាសជ្រៅដល់អាជ្ញាធរនិងអ្នកនេសាទវៀតណាមចំពោះការជួយ សង្គ្រោះអ្នកនេសាទចិន ៣២ នាក់ ដែលរងគ្រោះនៅជិតប្រជុំកោះ Truong Sa របស់វៀតណាមនាថ្ងៃ ១១ ខែកក្កដា។
នៅម៉ោង ៩ ពេលព្រឹក ថ្ងៃ ១១ ខែកក្កដា បញ្ជាការកងទ័ពការពារព្រំដែនខេត្ត Quang Ngai បានទទួលព័ត៌មានពីអ្នកនេសាទ Bui Van Phai អំពីការជួយសង្គ្រោះអ្នកនេសាទចិន
យោងតាមបញ្ជាការកងទ័ពការពារព្រំដែនខេត្ត Quang Ngai នៅម៉ោង ៩ ពេលព្រឹក ថ្ងៃ ១១ ខែកក្កដា អង្គភាពទទួលបានព័ត៌មានពីអ្នកនេសាទ Bui Van Phai (នៅឃុំ An Hai ស្រុក Ly Son ខេត្ត Quang Ngai) អំពីការជួយសង្គ្រោះអ្នកនេសាទចិន។ ពោលគឺ ក្នុងអំឡុងពេលនេសាទនៅចម្ងាយប្រហែល ៧០ ម៉ាយពីនីវ៉ូទឹកសមុទ្រនៃកោះ Song Tu Tay នាវានេសាទ ផ្លាក់លេខQNg ៩៦១៦៩ ដោយលោក Phai ជាម្ចាស់បានរកឃើញនិងជួយសង្គ្រោះអ្នកនេសាទចិន ៣២ នាក់។
មិនយូរប៉ុន្មានបញ្ជាការដ្ឋានកងទ័ពការពារព្រំដែនខេត្ត Quang Ngai បានទាក់ទងជាមួយអ្នកនេសាទ Bui Van Phai ហើយណែនាំពីរបៀបថែរក្សាសុខភាពនិងនាំជនរងគ្រោះទៅកាន់កំពង់ផែ Sa Ky (ឃុំ Binh Chau ស្រុក Binh Son ខេត្ត Quang Ngai) ដើម្បីទទួលបានការជួយឧបត្ថម្ភពីអាជ្ញាធរមូលដ្ឋាន។
នៅល្ងាចថ្ងៃទី ១១ ខែកក្កដា នាយកដ្ឋានជួយសង្គ្រោះបានទទួលទូរសារពីសំំណាក់ភាគីចិន ដោយប្រាប់ថា ខ្លួនបានបញ្ជូននាវាដឹកទំនិញទៅកន្លែងកើតហេតុ ដើម្បីទទួលអ្នកនេសាទចិន ៣២ នាក់ នៅម៉ោង ១៤ ថ្ងៃដដែល។ ភាគីចិនក៏បានថ្លែងអំំណរគុណយ៉ាងជ្រាលជ្រៅចំពោះអាជ្ញាធរនិងអ្នកនេសាទវៀតណាមដែលបានជួយសង្គ្រោះអ្នកនេសាទចិន ៣២ នាក់ដោយសុវត្ថិភាព៕
（ប្រែសម្រូលដោយវិច្ឆិកា）
（ប្រភពព័ត៌មាន: https://thoidai.com.vn/trung-quoc-cam-on-viet-nam-cuu-song-32-ngu-dan-82319.html）
មតិពីមិត្តអ្នកអាន