យុគសម័យ - ក្នុងក្របខ័ណ្ឌនៃដំណើរទស្សនកិច្ចជាផ្លូវការនៅវៀតណាម នាថ្ងៃទី២៣ ខែមីនា គណៈប្រតិភូរដ្ឋសភានៃព្រះរាជាណាចក្រកម្ពុជា ដឹកនាំដោយលោកស្រី ឃួន សុដារី អនុប្រធានទី២ នៃរដ្ឋសភាកម្ពុជា បានអញ្ជើញធ្វើទស្សនកិច្ចនៅខេត្ត Ha Nam (ភាគខាងជើងវៀតណាម)។
សមាជិកមជ្ឈិមបក្ស លេខាគណៈកម្មាធិការបក្សខេត្ត Ha Nam លោក Nguyen Dinh Khang បានអញ្ជើញទទួលជួបជាមួយអនុប្រធានទី២ នៃរដ្ឋសភាកម្ពុជាលោកស្រី ឃួន សុដារី (រូបថត៖ TTXVN)
តាងនាមថ្នាក់ដឹកនាំខេត្ត Ha Nam លោក Nguyen Dinh Khang សមាជិកមជ្ឈិមបក្ស លេខានៃគណៈកម្មាធិការបក្សខេត្ត Ha Nam បានសម្តែងសេចក្តីរីករាយដែលបានទទួលស្វាគមន៍ ដំណើរទស្សនកិច្ចរបស់លោកស្រី ឃួន សុដារីនិងគណៈប្រតិភូរដ្ឋសភានៃព្រះរាជាណាចក្រកម្ពុជាមកនៅខេត្ត Ha Nam ពេលនេះ។ ក្នុងបរិយាកាសដ៏ជិតស្និទ្ធ លេខានៃគណៈកម្មាធិការបក្សខេត្តបានជម្រាបជូនចំពោះលោកស្រី ឃួន សុដារីនិងគណៈប្រតិភូរដ្ឋសភាកម្ពុជា នូវព័ត៌មានសំខាន់ៗ អំពីស្ថានភាពអភិវឌ្ឍសេដ្ឋកិច្ច វប្បធម៌និងសង្គមរបស់ខេត្ត Ha Nam តែម្តង។
អញ្ជើញឆ្លើយតប អនុប្រធានទី២នៃរដ្ឋសភាកម្ពុជា លោកស្រី ឃួន សុដារី បានថ្លែងអំណរគុណ ចំពោះការទទួលបដិសណ្ឋារកិច្ចយ៉ាងកក់ក្តៅរបស់លេខានៃគណៈកម្មាធិការបក្សខេត្តនិងថ្នាក់ដឹកនាំខេត្ត Ha Nam ព្រមទាំងបានសម្តែងក្តីអំណរចំពោះការអភិវឌ្ឍន៍របស់ខេត្តផងដែរ។ ដោយថ្លែងបញ្ជាក់ពីចំណងសាមគ្គីភាពដ៏យូរអង្វែងរវាងប្រទេសទាំងពីរ ប្រជាជនពីរនោះ លោកស្រី ឃួន សុដារី បានជូនពរឲ្យកិច្ចសហប្រតិបត្តិការនិងចំណងមិត្តភាពរវាងវៀតណាមនិងកម្ពុជាត្រូវបានពង្រឹងនិងពង្រីកជានិច្ច ហើយជូនពរឲ្យខេត្ត Ha Nam កាន់តែរីកចម្រើនលើគ្រប់វិស័យ។
ក្នុងឱកាសនោះដែរ លោកស្រី ឃួន សុដារី និងគណៈប្រតិភូរដ្ឋសភាកម្ពុជាបានអញ្ជើញទៅទស្សនាកសិដ្ឋានផលិតកសិផល VinEco នៅឃុំ Xuan Khe ស្រុក Ly Nhan ខេត្ត Ha Nam ផងដែរ៕
(រូបថតនិងអត្ថបទ៖ TTXVN)
មតិពីមិត្តអ្នកអាន