យុគ្គសម័យ - អនុប្រធានគណៈកម្មាធិការឃោសនានិងអប់រំមជ្ឈិមវៀតណាម លោក Bui Truong Giang បានជឿជាក់ថា ដំណើរទស្សនកិច្ចការងាររបស់គណៈប្រតិភូនៃគណៈឃោសនាអប់រំនៃគណៈបក្សប្រជាជកម្ពុជា នឹងទទួលជោគជ័យព្រមទាំងរួមចំណែកក្នុងការពង្រឹងនិងពង្រីកទំនាក់ទំនងរវាងវៀតណាមនិងកម្ពុជា។ នាយប់ថ្ងៃទី ២០ ខែឧសភា នៅទីក្រុងហូជីមិញ លោក Bui Truong Giang បានទទួលជួបជាមួយគណៈប្រតិភូគណៈឃោសនាអប់រំនៃគណៈបក្សប្រជាជនកម្ពុជាដឹកនាំដោយលោក ជាម សុផល (Cheam Sophal) អនុប្រធានគណៈ ឃោសនាអប់រំនៃគណបក្សប្រជាជនកម្ពុជា ដែលមកបំពេញទស្សនកិច្ចការងារនៅវៀតណាមចាប់ពីថ្ងៃទី ២០ ដល់ ថ្ងៃទី ២៥ ខែឧសភា។
ទិដ្ឋភាពនៃជំនួប (រូបថត៖ dangcongsan.vn)
ក្នុងជំនួននេះ លោក Bui Truong Giang បានសម្តែងនូវក្តីសប្បាយរីករាយនិងមោទនភាពចំពោះទំនាក់ទំនងរវាងវៀតណាមនិងកម្ពុជា ហើយប្រទេសទាំងពីរបានរួមសហការគ្នាយ៉ាងជិតស្និទ្ធក្នុងការតស៊ូប្រយុទ្ធដើម្បីដណ្តើមឯករាជ្យជាតិនៃប្រទេសរៀងៗខ្លួន ក្នុងអតីតកាល ក៏ដូចជាក្នុងបុព្វហេតុកសាងនិងការពារមាតុប្រទេសនាបច្ចុប្បន្នកាលផងដែរ។ ចំណងសាមគ្គីភាពជាប្រពៃណីពិសេសនេះ បានក្លាយទៅជាទ្រព្យសម្បត្តិដ៏ថ្លៃថ្នូរសំរាប់ប្រទេសទាំងពីរ ហើយភាគីទាំងពីរគួរតែរក្សានិងពង្រីកយ៉ាងខ្លាំងក្លាបន្តទៀតដល់ជំនាន់ក្រោយ ដើម្បីយល់ឲ្យច្បាស់អំពីចំណងមិត្តភាព សាមគ្គីភាព និងកិច្ចសហប្រតិបត្តិការគ្រប់ជ្រុងជ្រោយរវាងវៀតណាមនិងកម្ពុជាផងដែរ។
តំណាងនានាថតរូបទុកអនុស្សាវរីយ៍ (រូបថត៖ dangcongsan.vn)
ទន្ទឹមនឹងនេះដែរ លោក ជាម សុផល ក៏បានថ្លែងអំណរគុណយ៉ាងជ្រាលជ្រៅដល់ថ្នាក់ដឹកនាំគណៈកម្មាធិការឃោសនានិងអប់រំមជ្ឈិមនៃបក្សកុម្មុយនិស្តវៀតណាមចំពោះពិធីទទួលបដិសណ្ឋារកិច្ចយ៉ាងមហោឡារិត ដោយសំដែងនូវទំនាក់ទំនងជិតស្និទ្ធពិសេសរវាងបក្សទាំងពីរ និងរដ្ឋទាំងពីរ។ លោកបានបន្តទៀតថា គណបក្សប្រជាជននិងប្រជាជនកម្ពុជាតែងតែយកចិត្តទុកដាក់ចំពោះទំនាក់ទំនងសាមគ្គីភាព មិត្តភាពជាប្រពៃណី និងកិច្ចសហប្រតិបត្តិការជាមួយវៀតណាម ដោយចាត់ទុកថាទំនាក់ទំនងនេះជាទ្រព្យសម្បត្តិរួមដ៏មានតម្លៃ ដើម្បីថែរក្សានិង បន្សល់ទុកជូនដល់ជំនាន់ក្រោយពុំជាមិនខានឡើយ។
គួរបញ្ជាក់ថា ចាប់ពីថ្ងៃទី ២២ ដល់ទី ២៥ ខែឧសភា គណៈប្រតិភូ គណៈឃោសនាអប់រំនៃគណៈបក្សប្រជាជនកម្ពុជា នឹងទៅទស្សនា និងធ្វើការជាមួយ គណៈកម្មាធិការបក្សទីក្រុងហូជីមិញ និងខេត្ត Ba Ria-Vung Tau ៕
（ប្រភព៖ dangcongsan.vn បកប្រែដោយ ហេង វុធ្ធី）
មតិពីមិត្តអ្នកអាន