យុគសម័យ - ឆ្ពោះទៅរំលឹកខួបលើកទី ៧៤ នៃបដិវត្តខែសីហា និងទិវាបុណ្យឯករាជ្យជាតិ របស់វៀតណាម (ថ្ងៃទី២ ខែកញ្ញា) នាថ្ងៃទី១០ ខែសីហា នៅរាជធានីភ្នំពេញបានប្រព្រឹត្តទៅការប្រកួតបាល់ទាត់មិត្តភាពរវាងស្ថានទូតវៀតណាមប្រចាំនៅកម្ពុជា និងសមាគមអតីតនិស្សិតកម្ពុជាដែលធ្លាប់សិក្សានៅវៀតណាម។
ឯកអគ្គរដ្ឋទូតវៀតណាមប្រចាំនៅកម្ពុជា លោក Vu Quang Minh ថតរូបទុកអនុស្សាវរីយ៍ជាមួយកីឡាករនៃក្រុមទាំងពិរ (រូបថត៖nhandan.com.vn)
ថ្លែងក្នុងពិធីបើកការប្រកួតនេះ ឯកអគ្គរដ្ឋទូតវៀតណាមប្រចាំនៅកម្ពុជា លោក Vu Quang Minh បានអបអរសាទរនិងវាយតម្លៃខ្ពស់ចំពោះស្មារតីដ៏ស្វាហាប់របស់កីឡារករបាល់ទាត់នៃ ក្រុមទាំងពីរ ព្រមទាំងជូនពរកីឡាករទាំងអស់លេងឱ្យអស់ពីសមត្ថភាពនិងបង្ហាញពីចំណងមិត្តភាពរវាងវៀតណាមនិងកម្ពុជាផងដែរ។ ក្នុងឱកាសនេះ លោក Vu Quang Minh ក៏បានសម្តែងនូវគោលបំណងថា សមាគមអតីតនិស្សិតកម្ពុជានៅវៀតណាមនឹងកាន់តែខ្លាំងក្លានិងក្លាយជាស្ពានតភ្ជាប់មួយដើម្បីលើកជម្រុញចំណងសាមគ្គីភាពនិងមិត្តភាពរវាងប្រទេសទាំងពីរ។
ទាក់ទងនឹងកិច្ចសហប្រតិបត្តិការលើវិស័យអប់រំនិងបណ្តុះបណ្តាល លោក Vu Quang Minh បានបញ្ជាក់ថា វៀតណាមមានបំណងចង់ទទួលនិស្សិតកម្ពុជាឱ្យទៅសិក្សានៅវៀតណាម ក៏ដូចជាបញ្ជូននិស្សិតវៀតណាមឱ្យមកសិក្សានៅប្រទេសកម្ពុជា។ ទន្ទឹមនឹងនេះ លោកក៏សង្ឃឹមថានឹងបង្កើតសមាគមអតីតនិស្សិតវៀតណាមដែលធ្លាប់បានសិក្សានៅសាកលវិទ្យាល័យកម្ពុជាផងដែរ។
ទិដ្ឋភាពនៃការប្រកួតបាល់ទាត់មិត្តភាព (រូបថត៖ nhandan.com.vn)
រីឯតំណងសមាគមអតីតនិស្សិតកម្ពុជាធ្លាប់បានសិក្សានៅវៀតណាមក៏បានសម្តែងនូវសេចក្តីរីករាយ ដែលបានចូលរួមការប្រកួតបាល់ទាត់មិត្តភាពជាមួយបណ្តាស្ថានប័នវៀតណាម ព្រមទាំងមានបំណងសហការជាមួយភាគីវៀតណាមដើម្បីរៀបចំសកម្មភាពជាច្រើនទៀតនាពេលអនាគតផងដែរ៕
(យោងតាម nhandan.com.vn ហេង វុធ្ធី)
មតិពីមិត្តអ្នកអាន