យុគសម័យ - "ការប្រកួតប្រជែងចំរៀងភាសាវៀតណាម" សម្រាប់អណិកជនវៀតណាមនៅតំបន់ភាគឦសានប្រទេសថៃត្រូវបានចូលរួមដោយអណិកជនវៀតណាមជាង ៤០០ នាក់មកពី ២០ ខេត្ត
ឈុតមួយត្រូវបានសម្តែងនៅការប្រកួតប្រជែង។
ឆ្ពោះទៅខួបអនុស្សាវរីយ៍លើកទី ៥០ នៃការអនុវត្តមរតកសាសន៍របស់លោកប្រធានហូជីមិញនិង ៧៤ ឆ្នាំនៃទិវាជាតិនៃសាធារណរដ្ឋសង្គមនិយមវៀតណាម។ ស្ថានកុងស៊ុលវៀតណាមប្រចាំនៅខេត្ត KhonKean ប្រទេសថៃមានសកម្មភាពឃោសនាជាច្រើនដែលមានអត្ថន័យជាក់ស្តែងសម្រាប់សហគមន៍អណិកជនវៀតណាមនិងអាជ្ញាធរមូលដ្ឋាន។
ជាពិសេសនៅថ្ងៃទី ១៥ ខែសីហា ស្ថានកុងស៊ុលវៀតណាមបានរៀបចំ “ ការប្រកួតប្រជែងចម្រៀងភាសាវៀតណាម” សម្រាប់អណិកជនវៀតណាមនៅតំបន់ភាគឦសានប្រទេសថៃ។ ការប្រកួតនេះបានចូលរួមដោយអណិកជនវៀតណាមជាង ៤០០ នាក់មកពីខេត្តចំនួន ២០ នៅតំបន់ភាគឦសានប្រទេសថៃក្នុងអាយុ ៩ ឆ្នាំដល់ ៧៦ ឆ្នាំ។
ដោយប្រធានបទនៃការសរសើរលោកប្រធានហូជីមិញ សរសើរមនោសញ្ចេតនាសម្រាប់មាតុភូមិ ប្រពៃណីជាតិវៀតណាម។ល។ ការសម្តែងវប្បធម៌ចំនួន ៤៥ មានលក្ខណៈចម្រុះជាទម្រង់សម្បូរបែបដែលបានបង្ហាញពីរៀបចំដោយប្រុងប្រយ័របស់សហគមន៍អណិកជន។
ការប្រកួតប្រជែងនេះបាននាំយកនូវឱកាសដើម្បីប្រាស្រ័យទាក់ទងគ្នា ហើយបង្កើនសាមគ្គីភាពសម្រាប់អណិកជន វៀត ណាមនៅប្រទេសថៃ។ ក្រៅពីនេះ ការប្រកួតប្រជែងបានធ្វើឱ្យដាស់អារម្មណ៍នៃប្រពៃណីនូវការបង្រៀននិងការរៀនភាសាវៀតណាមនៅក្នុងសហគមន៍អណិកជនវៀតណាមនៅប្រទេសថៃ។
នៅចុងបញ្ចប់នៃការប្រកួតគណៈវិនិច្ឆ័យបានជ្រើសរើសឈុតល្អបំផុតចំនួន ១០ ដើម្បីបន្តការសម្តែងក្នុងពិធីអបអរសាទរទិវាជាតិនៃសាធារណរដ្ឋសង្គមនិយមវៀតណាមដែលរៀបចំឡើងដោយស្ថានកុងស៊ុលវៀតណាមប្រចាំនៅខេត្ត KhonKean នៅចុងខែសីហា៕
(យោងតាម thoidai.com.vn បកប្រែដោយវិច្ឆិកា)
មតិពីមិត្តអ្នកអាន