យុគសម័យ - ក្រុមហ៊ុន SBI Cosmoney មានផែនការជួយឧបត្ថម្ភដល់កម្មករវៀតណាម ថ្មីៗ នេះ ក្រុមហ៊ុននេះនឹងជួយគាំទ្រម៉ាស់ពេទ្យចំនួន ១ ម៉ឺន ហើយនឹងបន្តគាំទ្រ តាមទម្រង់រូបភាពផ្សេងៗ ទៀតជាសមស្រប។
គណៈកម្មការគ្រប់គ្រងពលករវៀតណាមប្រចាំនៅប្រទេសកូរ៉េខាងត្បូងបានទទួលម៉ាស់ចំនួន ១ ម៉ឺន ដែលបរិច្ចាគដោយក្រុមហ៊ុន SBI Cosmoney ។ (រូបថត៖ Vietnam+)
លោក Jeong Wook Kim ប្រធាននិងជាអគ្គនាយកប្រតិបត្តិក្រុមហ៊ុន SBI Cosmoney របស់កូរ៉េខាងត្បូង ថ្មីៗនេះបានប្រគល់ម៉ាស់ចំនួន ១ ម៉ឺន ដល់ពលករវៀតណាមដែលកំពុងរស់នៅនិងធ្វើការ នៅប្រទេសកូរ៉េខាងត្បូង។
ក្នុងពិធីទទួលអំណោយនេះ លោកស្រី Ta Thi Thanh Thuyប្រធានគណៈកម្មការគ្រប់គ្រងពលករវៀតណាមប្រចាំនៅប្រទេសកូរ៉េខាងត្បូង ក្នុងនាមស្ថានទូតវៀតណាមប្រចាំនៅកូរ៉េខាងត្បូងបានថ្លែងអំណរគុណដល់ក្រុមហ៊ុន SBI Cosmoney ដែលបានយកចិត្តទុកដាក់និងគាំទ្រពលករវៀតណាម ហើយក្នុងពេលជាមួយគ្នានេះបានសន្យានឹងប្រគល់ម៉ាស់ទាំងអស់នេះជូនដល់មជ្ឈមណ្ឌលគាំទ្រកពលកម្មបរទេសចំនួន ១១ ដើម្បីប្រគល់ជូនដល់ពលករវៀតណាម។
យោងតាមគណៈកម្មការគ្រប់គ្រងពលករវៀតណាមប្រចាំនៅប្រទេសកូរ៉េខាងត្បូង បច្ចុប្បន្នមានពលករវៀតណាមជិត ៤៧.០០០ នាក់កំពុងរស់នៅនិងធ្វើការនៅប្រទេសកូរ៉េខាងត្បូង។ ដូច្នេះការគាំទ្រពីក្រុមហ៊ុន SBI Cosmoney នឹងជួយកម្មករ បានរួមចំណែកយ៉ាងសំខាន់ក្នុងការងារបង្ការនិងការការពារការរីករាលដាលនៃជំងឺ COVID-19។
លោក Jeong Wook Kim មានប្រសាសន៍ថា ក្រុមហ៊ុន SBI Cosmoney យល់ឃើញថា ពលករបរទេសនៅប្រទេសកូរ៉េខាងត្បូងរងផលប៉ះពាល់យ៉ាងខ្លាំង ដោយសារការឆ្លងរាលដាលនៃជំងឺ COVID-19 ដូច្នេះក្រុមហ៊ុនបានគ្រោងនឹងគាំទ្រពលករវៀតណាម ថ្មីៗ នេះ ក្រុមហ៊ុននឹងបានបរិច្ចាគម៉ាស់ចំនួន ១ ម៉ឺន។
នាពេលខាងមុខនេះដោយផ្អែកលើតម្រូវការរបស់ពលករ ក្រុមហ៊ុននឹងបន្តជួយគាំទ្រ តាមទម្រង់រូបភាពផ្សេងៗ ជាដសមស្រប។ ការគាំទ្រម៉ាស់ដល់ពលករវៀតណាមគ្រាន់តែជាសកម្មភាពដំបូងនៅក្នុងបណ្តាសកម្មភាពបន្ទាប់របស់ក្រុមហ៊ុននេះ ។ ក្រុមហ៊ុន SBI Cosmoney មានមូលដ្ឋាននៅទីក្រុង Seoul ប្រតិបត្តិការក្នុងវិស័យហិរញ្ញវត្ថុ សេវាកម្មផ្ទេរប្រាក់អន្តរជាតិ./.
មតិពីមិត្តអ្នកអាន