យុគសម័យ - នារសៀលថ្ងៃទី ២ ខែមករា ឆ្នាំ ២០២០ នៅឯទីស្នាក់ការនៃសម្ព័ន្ធសមាគមមិត្តភាពទីក្រុង Da Nang (DAFO) បានប្រព្រឹត្តទៅ សន្និសីទបូកសរុបលទ្ធផលការងារឆ្នាំ ២០១៩ និងអនុវត្តភារកិច្ចឆ្នាំ ២០២០ របស់សមាគមមិត្តភាពវៀតណាម - កម្ពុជា ទីក្រុង Da Nang ។
លោក Trinh Thanh Sau ប្រធានសមាគមមិត្តភាពវៀតណាម - កម្ពុជា ទីក្រុង Da Nang បានបូកសរុបលទ្ធផលនូវការងារឆ្នាំ២០១៩នៃសមាគមន៍និងបណ្តាសាខានៃសហគមថ្នាក់ខណ្ឌ ស្រុក ។
អញ្ជើញចូលរួមក្នុងសន្និសីទនេះរួមមាន ៖លោក Pham Huu Hoa អនុប្រធាននៃ DAFO លោក Trinh Thanh Sau ប្រធានសមាគមមិត្តភាពវៀតណាម - កម្ពុជា ទីក្រុង Da Nang រួមនឹងបណ្តាសមាជិកនៃគណៈកម្មាធិការប្រតិបត្តិសមាគមមិត្តភាពវៀតណាម - កម្ពុជា តំណាងនៃសមាគមមិត្តភាពវៀតណាម - កម្ពុជាថ្នាក់ខណ្ឌស្រុកនៃទីក្រុង Da Nang។
ឆ្នាំ២០១៩គឺជាពេលវេលា ដែលសមាគមមិត្តភាពវៀតណាម - កម្ពុជានៃទីក្រុង Da Nang មានសកម្មភាពដ៏ស្វាហាប់និងមានប្រសិទ្ធភាពជាច្រើនដែលទទួលបានការកោតសរសើរយ៉ាងខ្លាំងពីថ្នាក់ដឹកនាំបក្ស និងរដ្ឋវៀតណាម ក៏ដូចជាថ្នាក់ដឹកនាំនៃកម្ពុជា ផងដែរ។ សកម្មភាពសន្តិភាពនិងមិត្តភាពត្រូវបានរៀបចំជាទៀងទាត់ តាម ទម្រង់ផ្សេងៗ គ្នា ដែលរួមចំណែកយ៉ាងសំខាន់ក្នុងការពង្រឹងទំនាក់ទំនងវាងប្រជាជន និងប្រជាជន រក្សា ជំរុញទំនាក់ទំនងមិត្តភាពជាប្រពៃណីរវាង ប្រជាជននៃប្រទេសទាំងពីរ។
នៅឆ្នាំ ២០១៩ សមាគមបានមានសកម្មភាពសំខាន់មួយចំនួន ដូចជា៖ បង្កើតសមាគមមិត្តភាពថ្នាក់ខណ្ឌចំនួន ២ បង្កើតសាខាសមាគមមិត្តភាពវៀតណាម - កម្ពុជា ថ្នាក់ស្រុក / ឃុំចំនួន ១៩ រៀបចំជំនួបសំណេះសំណាលដើម្បីអបអរសាទរខួបលើកទី ៤០ នៃទីវាផ្តួលរំលំរបបប្រល័យពូជសាសន៍ខ្មែរក្រហម ជួយឧត្ថម្ភសមាជិកដែលជួបការលំបាក និងក្រុមគ្រួសារយុទ្ធជនពិការ និងក្រុមគ្រួសារយុទ្ធជនពលី…។
ក្នុងឆ្នាំ២០២០ខាងមុខនេះ សមាគមមិត្តភាពវៀតណាម កម្ពុជាទីក្រុង Da Nang ឆ្ពោះទៅគោលដៅរួមមួយគឺការពង្រីកនិងពង្រឹងទំនាក់ទំនងមិត្តភាពជាប្រពៃណី កិច្ចសហប្រតិបត្តិការនិងការយោគយល់គ្នារវាងប្រជាជនទីក្រុង Da Nang និងប្រជាជនកម្ពុជា៕(បកប្រែដោយឌីណា)
(ប្រភពព័ត៌មាន: thoidai.com.vn)
មតិពីមិត្តអ្នកអាន