យុគសម័យ - សមាគមជនជាតិវៀតណាមនៅទីក្រុង Brno នៃប្រទេសឆែកបានធ្វើចលនាយ៉ាងសកម្មនៅក្នុងសហគមន៍ ដើម្បីបរិច្ចាគនិងរៀបចំអំណោយសម្រាប់មជ្ឈមណ្ឌលកុមារកំព្រា Dětský domov Dagmar Brno ក្នុងឱកាសបុណ្យណូអែលនិងបុណ្យចូលឆ្នាំថ្មីសកល។
នាពេលថ្មីៗនេះនៅទីក្រុង Brno (សាធារណរដ្ឋឆែក) ដែលដឹកនាំដោយលោក Trung Cong Su - ប្រធានសមាគម ជនជាតិវៀតណាមនៅទីក្រុង Brno និងតំបន់ខាងត្បូង Morava ជាមួយលោកស្រី Pham Tuyet Van អនុប្រធានក្លឹបស្រី្ត Huong Sen និង កញ្ញា Mai Khanh Ngoc បានទៅមជ្ឈមណ្ឌលកុមារកំព្រា Dětský domov Dagmar ដើម្បីទៅសួរសុខទុក្ខនិងប្រគល់ អំណោយ ក្នុងឱកាសបុណ្យណូអែល ២០២០ និងបុណ្យចូលឆ្នាំថ្មីសកល ២០២១ ។
សមាជិកនៃក្លឹបស្ត្រីវៀតណាមក្នុងតំបន់ ក៏ដូចជាអ្នកស្ម័គ្រចិត្តតំណាងឲ្យយុវជន នៅទីនេះបានប្រញាប់ប្រញាល់ទទួលប្រាក់ វត្ថុនិងទិញអំណោយ ហើយយកចិត្តទុកដាក់លើការវេចខ្ចប់អំណោយ ព្រមទាំងទាក់ទងអាសយដ្ឋាននិងរៀបចំថ្ងៃដែលប្រគល់អំណោយ ផងដែរ។
ដោយសារស្ថានភាពស្មុគស្មាញនៃជំងឺ COVID-១៩ នៅសាធារណរដ្ឋឆែក មជ្ឈមណ្ឌលគាំពារសង្គមមិនអាចទទួលយកអំណោយដោយផ្ទាល់បានទេ។ ដូច្នេះ តំណាងសមាគមជនជាតិវៀតណាមមិនអាចប្រគល់អំណោយ នៅមជ្ឈមណ្ឌលនិងជួយប្រាស្រ័យជាមួយកុមារកំព្រា ដូចប៉ុន្មានឆ្នាំមុនទេ។ អំណោយតូចៗ តែទឹកចិត្តធំៗ និងក្តីស្រឡាញ់របស់ប្រជាជនវៀតណាមត្រូវបានប្រគល់ជូនតំណាងនៅច្រកទ្វារនៃមជ្ឈមណ្ឌល ដោយមានបំណងចង់ចូលរួមវិភាគទាន ដើម្បីផ្តល់ភាពកក់ក្តៅដល់ក្មេងកំព្រាខ្វះការស្រឡាញ់ពីគ្រួសារ។
តំណាងសមាគមជនជាតិវៀតណាមបានប្រគល់អំណោយនៅមជ្ឈមណ្ឌលកុមារកំព្រា Dětský domov Dagmar Brno ។ (រូបថត៖ VNA)
នៅឆ្នាំ ២០២០ សហគមន៍ជនជាតិវៀតណាម នៅសាធារណរដ្ឋឆែកបន្តបញ្ជាក់ពីកិត្យានុភាពរបស់ខ្លួននៅក្នុងប្រទេសសាមី ព្រមទាំង លើកកម្ពស់ស្មារតីឆ្ពោះទៅស្រុកកំណើត ផងដែរ។ ឆ្នាំ២០២០ គឺជាឆ្នាំដែលមានបញ្ហាប្រឈមមុខនិងការផ្លាស់ប្តូរជាច្រើន ក្នុងបរិបទផ្ទុះឡើងនៃ COVID-១៩ ។ លោកបណ្ឌិត Nguyen Duy Nhien ប្រធានសមាគមជនជាតិវៀតណាម នៅសាធារណរដ្ឋឆែក បានមានប្រសាសន៍ថាទោះបីជួបការលបាកជាច្រើន ក្នុងការធ្វើអាជីវកម្មនិងជីវិភាពប្រចាំថ្ងៃ ក្នុងរយៈពេលកន្លងមក ប៉ុន្តែសហគមន៍ជនជាតិវៀតណាមបានរួមវិភាគទានជាច្រើនដល់រដ្ឋាភិបាលនិងប្រជាជនឆែក ក្នុងការការពារការរីករាលដាលនៃជំងឺ COVID-១៩។
ភ្លាមៗបន្ទាប់ពីការផ្ទុះឡើងនៃ COVID-១៩ បានកើតឡើងសហគមន៍ជនជាតិវៀតណាម នៅសាធារណរដ្ឋឆែក តែងតែគោរពនិងជឿជាក់លើវិធានការប្រឆាំងនឹងការរាតត្បាតរបស់រដ្ឋាភិបាលឆែក។ ទន្ទឹមនឹងនេះ សមាគមជនជាតិវៀតណាមបានកាត់ដេរម៉ាស់រាប់រយ និងទិញទឹកអាកុលសំលាប់មេរោគបានបរិច្ចាគដល់មណ្ឌលសុខភាពគណៈកម្មាធិការ អង្គការសង្គម កម្លាំងមានសមត្ថកិច្ចនិងប្រជាជននៅមូលដ្ឋាន ថែមទាំង សហគមជនជាតិវៀតណាមបានបរិច្ចាគថវិកាជាង ៥ លាន korun (ជាង ៥ ពាន់លានដុង) និងសំភារៈពេទ្យនិងឧបករណ៍រាប់តោនដើម្បីគាំទ្រអង្គភាពប្រឆាំងនឹងការរាតត្បាត។
មិនត្រឹមតែប៉ុណ្ណោះទេ សហគមន៍ជនជាតិវៀតណាមនៅសាធារណរដ្ឋឆែកក៏បានបង្ហាញស្មារតីឆ្ពោះទៅស្រុកកំណើតផងដែរ។ ក្នុងបរិបទប្រជាជនជាច្រើននៅភាគកណ្តាលនៃប្រទេសវៀតណាម កំពុងប្រឈមមុខនឹងការលំបាកជាច្រើន ដោយសារព្យុះនិងទឹកជំនន់ ដោយមានប្រពៃណីសាមគ្គីភាព “ជួយគ្នាទៅវិញទៅមក ” សមាគមជនជាតិវៀតណាមបានអំពាវនាវយ៉ាងសកម្ម ការរៃអង្គាសប្រាក់ តាមស្មារតីឆ្ពោះទៅកាន់ភាគកណ្តាលនៃប្រទេសវៀតណាម និងគាំទ្រជនក្រីក្រនៅឆ្នាំ ២០២០ ។
បន្ទាប់ពី ២ សប្តាហ៍បំផុសចលនានេះ គណៈកម្មាការធ្វើចលនានៃសមាគមជនជាតិវៀតណាម បានបរិច្ចាគថវិកាប្រមាណ ២ ពាន់លានដុង ដើម្បីជួយដល់ប្រជាជននៅភាគកណ្តាលនៃប្រទេសវៀតណាម។ ដោយវាយតម្លៃលើសកម្មភាពរបស់សមាគមជនជាតិវៀតណាមជាពិសេសនិងសហគមន៍ជនជាតិវៀតណាម នៅសាធារណរដ្ឋឆែកជាទូទៅ ក្នុងរយៈពេលប៉ុន្មានឆ្នាំថ្មីៗនេះលោកឯកអគ្គរដ្ឋទូតវៀតណាមប្រចាំនៅសាធារណរដ្ឋឆែក Thai Xuan Dung បានមានប្រសាសន៍ថា ទោះបីការរីករាលដាលនៃជំងឺ COVID-១៩ នៅសាធារណរដ្ឋឆែកមានភាពស្មុគស្មាញក៏ដោយ។ ប៉ុន្តែប្រជាជនវៀតណាមបានចូលរួមយ៉ាងសកម្មក្នុងសកម្មភាពគាំទ្រ ចូលរួមសហការជាមួយរដ្ឋាភិបាលឆែកក្នុងការប្រយុទ្ធប្រឆាំងនឹងការរាតត្បាតនេះ./.
(បកប្រែដោយឌីណា)
(ប្រភពព័ត៌មាន: thoidai.com.vn)
មតិពីមិត្តអ្នកអាន