យុគសម័យ - នាថ្ងៃទី ១៧ ខែមេសា នៅស្ថានទូតកម្ពុជាប្រចាំនៅវៀតណាម សមាគមមិត្តភាពវៀតណាម - កម្ពុជាដឹកនាំដោយអនុប្រធានលោក Vu Vuong Viet បានប្រគាល់ឧបករណ៍វេជ្ជសាស្រ្តដែលសមាគមមិត្តភាពវៀតណាម - កម្ពុជា និងអង្គការសមាជិករបស់សមាគមបានបរិច្ចាគ ដើម្បីចែករំលែកនិងគាំទ្រដល់ប្រជាជនកម្ពុជាក្នុងការបង្ការនិងប្រយុទ្ធប្រឆាំងនឹងជំងឺរាតត្បាត Covid - 19។
ទិដ្ឋភាពនៃពិធិប្រគល់។
ឯកអគ្គរាជទូតនៃព្រះរាជាណាចក្រកម្ពុជាប្រចាំនៅវៀតណាម លោក ចាយ ណាវុធបានថ្លែងអំណរគុណយ៉ាងជ្រាលជ្រៅចំពោះប្រជាជនវៀតណាមនិងសមាគមមិត្តភាពវៀតណាម - កម្ពុជាដែលបានផ្តល់មនោសញ្ជេតនាដ៏មានតម្លៃចំពោះប្រជាជនកម្ពុជា លោកបានសង្កត់ធ្ងន់ថាកាលពីអតីតកាលវៀតណាមបានជួយប្រជាជនកម្ពុជាប្រឆាំងនឹងរបបប្រល័យពូជសាសន៍ប៉ុលពត ហើយឥឡូវនេះ ប្រជាជនវៀតណាមកំពុងតែជួយប្រជាជនកម្ពុជាម្តងទៀតឱ្យជម្នះការលំបាកដែលបណ្តាលមកពីការរីករាលដាលនៃជំងឺ Covid - 19 ។
លោកឯកអគ្គរដ្ឋទូតក៏បានបង្ហាញនូវជំនឿថាការរីករាលដាលនៃជំងឺ Covid - 19 នឹងត្រូវបញ្ចប់នៅក្នុងប្រទេសវៀតណាមកម្ពុជានិងជុំវិញពិភពលោក។ ប្រទេសទាំងពីរបន្តអភិវឌ្ឍទំនាក់ទំនងសាមគ្គីភាពនិងមិត្តភាពជាប្រពៃណី៕
(ប្រែសម្រូលដោយវិច្ឆិកា)
(ប្រភពព័ត៌មាន: thoidai.com.vn)
មតិពីមិត្តអ្នកអាន