យុគសម័យ - នារសៀលថ្ងៃទី ៦ ខែវិច្ឆិកា លេខាទី ១ នៃសម្ព័ន្ធសមាគមយុវជនបដិវត្តប្រជាជនកណ្តាលឡាវ លោក Alounxay Sounalath បានអញ្ជើញមកដល់ស្ថានទូតវៀតណាម ដើម្បីប្រគល់ជូនទឹកប្រាក់ចំនួន ៤០ លានគីបឡាវ (ស្មើនឹង ១០០ លានដុង) ដើម្បីជួយឧបត្ថម្ភដល់ប្រជាជននៅតំបន់ភាគកណ្តាលវៀតណាមដែលត្រូវបានរងប៉ះពាល់ដោយជំនន់ទឹកភ្លើងក្នុងរយៈពេលកន្លងមក។
ទិដ្ឋភាពនៃពិធីនេះ
លេខាទី ១ នៃសម្ព័ន្ធសមាគមយុវជនបដិវត្តប្រជាជនកណ្តាលឡាវលោក Alounxay Sounalath បានចែករំលែកជាមួយឯកអគ្គរដ្ឋទូត Nguyen Ba Hung អំពីការបាត់បង់ទាំងអាយុជីវិតមនុស្សនិងទ្រព្យសម្បត្តិរបស់ប្រជាជននៅភាគកណ្តាលវៀតណាម ក្នុងអំឡុងពេលមានព្យុះនិងទឹកជំនន់ថ្មីៗនេះនិងក្នុងពេលតែមួយមកបោកបក់នៅវៀតណាម ហើយសំដែងគោលបំណងចែករំលេកទុក្ខលំបាកមួយចំណែកដើម្បីជួយឲ្យប្រជាជននៅទីនេះអាចជំនះពុះឲ្យបានយ៉ាងឆាប់រហ័សនាពេលខាងមុខផងដែរ។
ឯកអគ្គរដ្ឋទូត Nguyen Ba Hung បានបញ្ជាក់ថា នេះជាសក្ខីភាពនៃស្មារតីសាមគ្គីភាពជាភាតរភាព និងជាសុច្ឆន្ទៈរវាងប្រជាជាតិទាំងពីរ និងយុវជននៃប្រទេសទាំងពីរក្នុងការចែករំលែកការលំបាកជាមួយគ្នា។ លោកឯកអគ្គរដ្ឋទូតក៏បានមានប្រសាសន៍ថាលោកនឹងប្រគល់អំណោយដ៏មានអត្ថន័យទាំងនេះជាបន្ទាន់មកស្រុកកំណើតដើម្បីជួយប្រជាជននៅតំបន់លិចទឹកនៅភាគកណ្តាលវៀតណាមអាចជំនះការលំបាកឲ្យបានទាន់ពេលវេលាផងដែរ៕
(ប្រភពព័ត៌មាន: vov.vn)
មតិពីមិត្តអ្នកអាន