យុគសម័យ - នាថ្ងៃទី ២៧ ខែសីហា ស្ថានទូតវៀតណាមប្រចាំនៅវេណេស៊ុយអេឡាបានរៀបចំពិធីប្រគល់ផ្គត់ផ្គង់វេជ្ជសាស្រ្តដល់ក្រសួងការបរទេសវេណេស៊ុយអេឡា ហើយបានប្រគល់ម៉ាស់វេជ្ជសាស្ត្រចំនួន ២០,០០០ ដល់រដ្ឋសភាវេណេស៊ុយអេឡា។
វៀតណាមប្រគល់ផ្គត់ផ្គង់វេជ្ជសាស្រ្តដល់វេណេស៊ុយអេឡា
នេះគឺជាអំណោយដែលរដ្ឋសភាវៀតណាមប្រគល់វ៉េណេស៊ុយអេឡាតាមរយៈស្ថានទូតវ៉េណេស៊ុយអេឡាប្រចាំនៅទីក្រុងហាណូយកាលពីខែឧសភាកន្លងមក។
ថ្លែងមតិនៅក្នុងពិធីនេះ ឯកអគ្គរដ្ឋទូតវៀតណាមប្រចាំនៅវេណេស៊ុយអេឡាលោក Le Viet Duyen បានវាយតម្លៃខ្ពស់ចំពោះការអភិវឌ្ឍល្អក្នុងទំនាក់ទំនងទ្វេភាគីរវាងវៀតណាម - វេណេហ្ស៊ុយអេឡានាពេលថ្មីៗនេះ ក៏ដូចជាការស្រឡាញ់និងឆន្ទៈរបស់រដ្ឋសភា រដ្ឋាភិបាលនិងប្រជាជនវៀតណាមក្នុងការចែករំលែកផ្នែកមួយនៃធនធានរបស់ខ្លួនដើម្បីគាំទ្ររដ្ឋាភិបាលនិងប្រជាជនវេណេហ្សុអេឡាក្នុងការបង្ការទប់ស្កាត់នឹងជំងឺរាតត្បាតរលាកផ្លូវដង្ហើមស្រួតស្រាវ COVID-19។
ក្នុងឱកាសនេះដែរ ស្ថានទូតវ៉េណេស៊ុយអេឡាក៏បានថ្លែងអំណរគុណដល់ក្រុមហ៊ុនអាកាសចរណ៍ជាតិវៀតណាម (Vietnam Airlines) និងអង្គភាពពាក់ព័ន្ធដែលបានផ្តល់ជំនួយដើម្បីនាំយកម៉ាស់នេះមកកាន់តំបន់នោះឱ្យបានឆាប់រហ័សនិងទាន់ពេលវេលា។
តំណាងរដ្ឋសភានិងក្រសួងការបរទេសវេណេស៊ុយអេឡាបានថ្លែងអំណរគុណយ៉ាងជ្រាលជ្រៅចំពោះជំនួយដ៏មានតម្លៃរបស់វៀតណាមក្នុងបរិបទនៃការរីករាលដាលនៃជំងឺរាតត្បាតនិងការវិវត្តដ៏ស្មុគស្មាញនៅក្នុងតំបន់ជាពិសេសនៅពេលអាមេរិកឡាទីនបច្ចុប្បន្នកំពុងជាចំណុចកណ្ដាលនៃជំងឺរាតត្បាតនៅលើពិភពលោក។ ការទទួលការផ្គត់ផ្គង់និងម៉ាស់វេជ្ជសាស្រ្តទាំងនេះនឹងមានអត្ថន័យណាស់សម្រាប់វ៉េណេស៊ុយអេឡាក្នុងការបង្ការទប់ស្កាត់នឹងជំងឺរាតត្បាត COVID-19។ វ៉េណេស៊ុយអេឡាក៏បានសម្តែងក្តីសង្ឃឹមថា ទំនាក់ទំនងរវាងប្រទេសទាំងពីរកំពុងរីកចម្រើនជាវិជ្ជមាន ដោយទទួលបានសមិទ្ធិផលជាច្រើន សក្ដិសមនៃភាពជាដៃគូគ្រប់ជ្រុងជ្រោយ៕（បកប្រែដោយសាមេត）
（ប្រភពព័ត៌មាន: baotintuc.vn）
មតិពីមិត្តអ្នកអាន