យុគសម័យ - នាថ្ងៃទី២៩ខែមករា នៅទីក្រុងហាណូយ ប្រធានសម្ព័ន្ធសមាគមបណ្តាអង្គការមិត្តភាពវៀតណាម (VUFO) លោកស្រី Nguyen Phuong Nga បានអញ្ជើញទទួលជួបជាមួយឯកអគ្គរដ្ឋទូតម៉ារ៉ុកប្រចាំនៅប្រទេសវៀតណាមលោក Azzeddine Farhane ។
ទិដ្ឋភាពនៃជំនួប
នៅក្នុងជំនួបនេះ លោក Azzeddine Farhane អបអរសាទរចំពោះការដែលលោកស្រី Nguyen Phuong Nga ដែលបានជ្រើសតាំងកាន់ដំណែងជា ប្រធានសម្ព័ន្ធសមាគមបណ្តាអង្គការមិត្តភាពវៀតណាម ព្រមទាំងជឿជាក់ថា ដោយធ្លាប់ជាអ្នកកាទូតនិងនាមជាលទ្ធភាពដឹកនាំរបស់ខ្លួន នាពេលខាងមុខ លោកស្រី Nguyen Phuong Nga នឹងលើកកំពស់សម្ព័ន្ធសមាគមឲ្យឡើងកំពស់ថ្មីនិងទទួលបានផ្លែផ្កាជាច្រើនជាមិនខាន។
លោក Azzeddine Farhane បានឲ្យដឹងថា ក្នុងប៉ុន្មានឆ្នាំថ្មីៗនេះ ភាគីទាំងពីរបានពង្រឹងនិងពង្រីកនូវទំនាក់ទំនងក្នុងវិស័យជាច្រើន ក្នុងនោះមានទាំងទំនាក់ទំនងការទូតប្រជាជនផងដែរ។ ជាពិសេស លោកមានបំណងថា ក្នុងឆ្នាំ២០១៩នេះ ក្រោមការជួយឧបត្ថម្ភនិងបង្កលក្ខណៈងាយស្រួលរបស់ VUFO មក សមាគមមិត្តភាពវៀតណាម - ម៉ារ៉ុកនឹងត្រូវបង្កើតឡើងយ៉ាងឆាប់ៗ សំដៅជំរុញថែមទៀតទំនាក់ទំនងទ្វេភាគី ដែលជាភារកិច្ចសំខាន់ក្នុងអាណត្តិបំពេញបេសកកម្មការទូតនៅវៀតណាមរបស់លោក។
អញ្ជើញថ្លែងអំណរគុណចំពោះរាល់ការរួមចំណែករបស់លោកឯកអគ្គរដ្ឋទូត ក្នុងការជម្រុញទំនាក់ទំនងរវាងប្រទេសទាំងពីរ ជាពិសេស លើវិស័យកិច្ចការបរទេសប្រជាជន លោកស្រី Nguyen Phuong Nga បានអះអាងជាថ្មីម្តងទៀតថា សម្ព័ន្ធសមាគមនឹងខិតខំអស់ពីកម្លាំងកាយចិត្ត ដើម្បីជំរុញដំណើរការបង្កើតសមាគមមិត្តភាពវៀតណាម-ម៉ារ៉ុក នាពេលខាងមុខ។
ក្នុងឱកាសនេះ លោក Azzeddine Farhane បានផ្ញើរសេចក្តីជូនពរឆ្នាំថ្មី ជូនចំពោះលោកស្រី Nguyen Phuong Nga ក៏ដូចកម្មាភិបាល បុគ្គលិកទាំងអស់នៃសម្ព័ន្ធសមាគម និងជូនពរឲ្យសម្ព័ន្ធសមាគមនាឆ្នាំថ្មីនឹងទទួលបានជោគជ័យគ្រប់ភារកិច្ច៕
មតិពីមិត្តអ្នកអាន