យុគសម័យ - វៀតណាមបានទទួលជោគជ័យក្នុង “ការប្រយុទ្ធប្រឆាំងលើកដំបូង” នឹងជំងឺ Covid-19 នៅពេលដែលចំនួនករណី ជាសះស្បើយមានជិត ៩០% ហើយមិនមានអ្នកស្លាប់នោះឡើយ។
ពិធីនេះត្រូវបានរៀបចំឡើងតាមប្រព័ន្ធវីដេអូ
នាថ្ងៃទី ៧ ខែឧសភា ឯកអគ្គរដ្ឋទូតវៀតណាមប្រចាំនៅឥណ្ឌាលោក Pham Sanh Chau បានអញ្ជើញចូលរួមសិក្ខាសាលាតាមប្រព័ន្ធវីដេអូស្តីពី “គោលនយោបាយអភិវឌ្ឍន៍ក្រោយ Covid-19” ដែលរៀបចំឡើងដោយនាយកដ្ឋានឧស្សាហកម្មកម្សាន្ត និងប្រព័ន្ធផ្សព្វផ្សាយអន្តរជាតិ ( ICMEI)។
ថ្លែងមតិក្នុងសិក្ខាសាលានេះ លោក Pham Sanh Chau បានចែករំលែកបទពិសោធន៍មួយចំនួនរបស់វៀតណាមក្នុងការបង្ការនិងទប់ស្កាត់ជំងឺរាតត្បាត Covid-19 ។ លោកឯកអគ្គរដ្ឋទូតបានឲ្យដឹងថា វៀតណាមបានទទួលជោគជ័យក្នុង “ការប្រយុទ្ធប្រឆាំងលើកដំបូង” នឹងជំងឺ Covid-19 នៅពេលដែលចំនួនករណី ជាសះស្បើយមានជិត ៩០% ហើយមិនមានអ្នកស្លាប់នោះឡើយ។ ដើម្បីទទួលបានលទ្ធផលនោះ រដ្ឋាភិបាលនិងប្រជាជនវៀតណាមបានឯកភាពជាឯកច្ឆ័ន្ទលើការអនុវត្តវិធានការធ្វើចត្តាឡីស័កនិងដាក់នៅដាច់ដោយឡែកដើម្បីទប់ស្កាត់ជំងឺរាតត្បាតនេះ។
ឯកអគ្គរដ្ឋទូតវៀតណាមប្រចាំនៅឥណ្ឌាលោក Pham Sanh Chau
លោក Pham Sanh Chau ក៏បានបន្ថែមទៀតថាផនៅថ្ងៃទី ៩ ខែឧសភា នាយករដ្ឋមន្រ្តីវៀតណាមលោក Nguyen Xuan Phuc នឹងមានកិច្ចប្រជុំតាមប្រព័ន្ធវីដេអូជាផ្ទាល់ ដើម្បីឆ្លើយសំនួរនិងលើកទឹកចិត្តអង្គភាពអាជីវកម្មនានាផងដែរ។ យោងតាមការព្យាករណ៍របស់ធនាគារពិភពលោក (WB) បានឲ្យដឹងថារួមជាមួយចិននិងឥណ្ឌា វៀតណាមនឹងក្លាយជាប្រទេសមួយក្នុងចំណោមប្រទេសដែលងើបឡើងវិញយ៉ាងខ្លាំងបន្ទាប់ពីជំងឺរាតត្បាតសកល Covid-19 ៕
សិក្ខាសាលាស្តីពី“ គោលនយោបាយអភិវឌ្ឍន៍ក្រោយពី Covid-19” គឺជាឱកាសមួយដើម្បីបន្តរក្សាទំនាក់ទំនងជាមួយដៃគូនានានៅប្រទេសឥណ្ឌាក្នុងបរិបទដែល ប្រទេសនេះឈានចូលការស្ថានភាពបិទប្រទេសទាំងមូលលើកទី ៣ ដោយសារ ជំងឺរាតត្បាត Covid-19 ផងដែរ៕
(បកប្រែដោយ ហេងវុធ្ធី)
(ប្រភពព័ត៌មាន: baolongan.vn)
មតិពីមិត្តអ្នកអាន