យុគសម័យ - នាថ្ងៃទី ៣១ ខែសីហា ស្ថានីយ៍វិទ្យុជាតិអេហ្ស៊ីបបានបង្កើតកម្មវិធីវិទ្យុពិសេសអំពីវៀតណាមក្នុងឧកាសអបអរសាទរខួបលើកទី ៧៥ ឆ្នាំនៃទិវាជាតិនិង ៥៧ ឆ្នាំនៃទំនាក់ទំនងការទូតរវាងអេហ្ស៊ីបនិងវៀតណាម (១ កញ្ញា ១៩៦៣ - ១ កញ្ញា ២០២០)។
កម្មវិធីវិទ្យុពិសេសអំពីវៀតណាមក្នុងឧកាសអបអរសាទរខួបលើកទី ៧៥ ឆ្នាំនៃទិវាជាតិនិង ៥៧ ឆ្នាំនៃទំនាក់ទំនងការទូតរវាងអេហ្ស៊ីបនិងវៀតណាម (១ កញ្ញា ១៩៦៣ - ១ កញ្ញា ២០២០)
នេះជាកម្មវិធីវិទ្យុអង់គ្លេសពិសេសមានរយៈពេល ៦០ នាទី ដោយមានការចូលរួមពីឯកអគ្គរដ្ឋទូតវៀតណាមប្រចាំនៅអេហ្ស៊ីបលោក Tran Thanh Cong និងភ្ញៀវកិត្តិយសគឺលោកស្រី Le Thi Thuy អណិកជនវៀតណានៅអេហ្ស៊ីប។
កម្មវិធីនេះបានផ្តល់ជូនអ្នកស្តាប់មកពីប្រទេសអេហ្ស៊ីបនិងបណ្តាប្រទេសអារ៉ាប់ អាហ្វ្រិក និងអឺរ៉ុបនូវរូបភាពទូទៅនៃប្រវត្តិសាស្ត្រតស៊ូដើម្បីឯករាជ្យភាពរបស់វៀតណាម បទពិសោធន៍ជោគជ័យក្នុងការច្នៃប្រឌិតនិងការអភិវឌ្ឍន៍សេដ្ឋកិច្ចសង្គមនាពេលបច្ចុប្បន្ននេះ រួមជាមួយលក្ខណៈវប្បធម៌ប្រពៃណីពិសេសនិងទំនាក់ទំនងមិត្តភាពល្អជាមួយបណ្ដាប្រទេសរួមទាំងអេហ្ស៊ីប។
ក្នុងកម្មវិធីវិទ្យុនេះ ឯកអគ្គរដ្ឋទូតវៀតណាមប្រចាំនៅអេហ្ស៊ីប លោក Tran Thanh Cong បានសង្កត់ធ្ងន់លើសារៈសំខាន់នៃអត្ថន័យប្រវត្តិសាស្ត្រនៃថ្ងៃទី ២ ខែកញ្ញាឆ្នាំ ១៩៤៥ សម្រាប់ប្រជាជននិងប្រជាជាតិវៀតណាម និងជាទង់សម្រាប់ប្រជាជាតិដែលត្រូវគេជិះជាន់ពាសពេញពិភពលោក។ ក្នុងរយៈពេល ៧៥ ឆ្នាំកន្លងមក ប្រជាជនវៀតណាមបានឆ្លងកាត់ពីជ័យជម្នះនេះដល់ជ័យជំនះនោះ។ វៀតណាមទទួលបានសមិទ្ធិផលដ៏អស្ចារ្យបន្ទាប់ពីរយៈពេលជិត ៣៥ ឆ្នាំនៃការកែលម្អនិងធ្វើសមាហរណកម្មអន្តរជាតិ។ ឯកអគ្គរដ្ឋទូត Tran Thanh Cong បានអះអាងថា ដើម្បីទទួលបានលទ្ធផលនោះគឺតាមរយៈស្មារតីស្នេហាជាតិ ការដឹកនាំត្រឹមត្រូវនិងប្រកបដោយប្រាជ្ញារបស់បក្សកុម្មុយនិស្តវៀតណាមនិងការស្រឡាញ់សន្តិភាពរបស់ប្រជាជាតិវៀតណាម។ ឯកអគ្គរដ្ឋទូត Tran Thanh Cong ក៏បានសង្កត់ធ្ងន់លើចំណាប់អារម្មណ៍របស់បក្សនិងរដ្ឋវៀតណាមក្នុងការអភិវឌ្ឍការអប់រំ យកចិត្តទុកដាក់និងពង្រីកចំនួនបណ្ដាជនមានទេពកោសល្យចំណានរួមជាមួយការថែរក្សាអត្តសញ្ញាណវប្បធម៌ជាតិ។
ឯកអគ្គរដ្ឋទូត Tran Thanh Cong មានបំណងចង់វៀតណាមនិងអេហ្ស៊ីបមានឱកាសជាច្រើនក្នុងការសហប្រតិបត្តិការនិងគាំទ្រអភិវឌ្ឍទៅវិញទៅមកដើម្បីអនាគតវិបុលភាព
ឯកអគ្គរដ្ឋទូត Tran Thanh Cong ក៏បានពិនិត្យឡើងវិញនូវសញ្ញាសំគាល់ប្រវត្តិសាស្ត្រក្នុងកិច្ចសហប្រតិបត្តិការទ្វេភាគីនិងបានមានប្រសាសន៍ថា ដោយមានភាពស្រដៀងគ្នានិងគុណសម្បត្តិជាច្រើន វៀតណាមនិងអេហ្ស៊ីបមានឱកាសជាច្រើនក្នុងការសហប្រតិបត្តិការនិងគាំទ្រអភិវឌ្ឍទៅវិញទៅមកដើម្បីអនាគតវិបុលភាព។ចែករំលែកជាមួយទស្សនិកជនអារ៉ាប់ លោកស្រី Le Thi Thuy មានមោទនភាពនិងរីករាយនៅពេលដែលបានឃើញនូវជោគជ័យនិងការអភិវឌ្ឍដ៏ខ្លាំងក្លារបស់ប្រទេសវៀតណាម។ លោកស្រី Thuy បានបញ្ជាក់ថា ជនវៀតណាមទោះបីពួកគេនៅទីណាក៏ដោយពួកគេតែងតែទន្ទឹងរង់ចាំមាតុភូមិ ជាពិសេសនៅថ្ងៃឈប់សម្រាកសំខាន់ៗដូចជា៖ បុណ្យចូលឆ្នាំប្រពៃណី បុណ្យចូលឆ្នាំឯករាជ្យជាដើម ហើយប្រពៃណីនៃ “ផឹកទឹកនឹកប្រភព” តែងតែត្រូវបានចងចាំដោយអាណិកជនវៀតណាម៕
（បកប្រែដោយសាមេត）
（ប្រភពព័ត៌មាន: vov.vn）
មតិពីមិត្តអ្នកអាន