យុគសម័យ - បច្ចុប្បន្នមានពលរដ្ឋកួរ៉េខាងត្បូងប្រមាណ ២ ម៉ឺននាក់ដែលកំពុងរស់នៅនិងធ្វើការនៅវៀតណាម ហើយពួកគេត្រូវបានគាំទ្រនិងតំណាងដោយសម្ព័ន្ធសមាគមពលរដ្ឋកូរ៉េខាងត្បូងនៅវៀតណាម ។ នៅក្នុងបទសម្ភាសន៍ជាមួយទស្សនាវដ្តីយុគសម័យ លោក Yoon Sang Ho ប្រធានសម្ព័ន្ធសមាគម បានសម្តែងការកោតសរសើរចំពោះប្រសិទ្ធភាពនៃការប្រយុទ្ធប្រឆាំងនឹងជំងឺរាតត្បាតរបស់វៀតណាម។ ទន្ទឹមនឹងនេះ លោកបានបញ្ជាក់ថា៖ សមាជិកសម្ព័ន្ធសមាគមតែងតែចូលរួមដោយស្ម័គ្រចិត្តនិងជឿជាក់លើគោលការណ៍ណែនាំវិធានការនិងលទ្ធផលវិជ្ជមាននៃ «សង្គ្រាម» ប្រឆាំងនឹងកូវិដ - ១៩ នៅក្នុងប្រទេសស្រស់ស្អាតនេះ។
លោក Yoon Sang Ho ប្រធានសម្ព័ន្ធសមាគមពលរដ្ឋកូរ៉េខាងត្បូងនៅវៀតណាម
លោកបានចែករំលែកអំពីការប្រតយុទ្ធប្រឆាំងនឹងជំងឺរាតត្បាតរបស់វៀតណាមថា៖ ដំបូងវៀតណាមបានអនុវិត្តវិធានការប្រយុទ្ធប្រឆាំងនឹងជំងឺរាតត្បាតយ៉ាងសកម្មប្តូរប្តេជ្ញនិងនៅពេលជាមួយគ្នា។ ប្រទេសវៀតណាមបានចាប់ផ្តើមដំណើរការមុនពេលអង្គការសុខភាពពិភពលោកបានព្រមានអំពីជំងឺនេះ។ ទីពីរគឺមានការសម្រេចចិត្តយ៉ាងខ្ពស់ដោយវិធានការរឹងមាំនិងប្រសិទ្ធភាពភ្លាមៗ។
គោលនយោបាយរបស់រដ្ឋាភិបាលវៀតណាមបានទទួលការគាំទ្រយ៉ាងខ្លាំងពីប្រជាជន។ យោងតាមលទ្ធផលនៃការស្ទង់មតិដែលអាចជឿទុកចិត្តបានថា ប្រទេសវៀតណាមគឺជាប្រទេសដែលមានការពេញចិត្តជាសាធារណៈខ្ពស់បំផុតនៅក្នុងពិភពលោកចំពោះវិធានការរបស់រដ្ឋាភិបាលក្នុងការបង្ការនិងប្រយុទ្ធប្រឆាំងនឹងជំងឺរាតត្បាតកូវិដ - ១៩។
លោកបានបន្តថា ដំបូងឡើយនៅក្នុងសហគមន៍កូរ៉េខាងត្បូងមានគំនិតខ្លះដែលថាគោលនយោបាយរបស់វៀតណាមគឺខ្លាំងណាស់។ ពួកគេសួរសំណួរថាតើត្រូវមានគោលនយោបាយយ៉ាងខ្លាំងដូចនេះទេ? ប៉ុន្តែមិនយូរប៉ុន្មានបន្ទាប់ពីការផ្ទុះឡើងនៃជំងឺនេះ រហូតមកដល់ពេលដែលមិនអាចគ្រប់គ្រងបាននៅក្នុងប្រទេសដទៃទៀតសហគមន៍ជនបរទេសនៅប្រទេសវៀតណាមបានដឹងថាប្រទេសវៀតណាមមានភាពរសើបខ្លាំងណាស់ហើយធ្វើសកម្មភាពត្រឹមត្រូវ។
តាំងពីជនជាតិកូរ៉េត្រូវបាន ដាក់ឱ្យនៅកន្លែងដាច់ពីគេទាំងនេះ យើងបានមកគាំទ្រពលរដ្ឋរបស់យើង។ នៅទីនេះមានជនបរទេសផ្សេងគ្នានិងពលរដ្ឋវៀតណាមជាច្រើន។ ពួកគេទាំងអស់សុទ្ធតែស្ថិតក្នុងរបបរស់នៅតែមួយមានការថែទាំវេជ្ជសាស្រ្តយ៉ាងល្អ ។ ប្រសិនបើយើងត្រូវនិយាយអំពីការរអាក់រអួលប្រហែលជាប្រជាជនវៀតណាមនឹងប្រឈមនឹងការលំបាកនិងការរអាក់រអួលជាង។ ដោយសារតែពួកគេមានកូនមនុស្សចាស់ស្ត្រីមានផ្ទៃពោះ។ គ្រួសារដែលជាស្រុកកំណើតពួកគេរស់នៅទីនេះប៉ុន្តែនៅតែត្រូវរស់នៅកន្លែងដាក់ឲ្យដាច់ពីគេ។ ពួកគេមិនមានផែនការសម្រាកឬធ្វើដំណើរទេប៉ុន្តែនៅតែត្រូវផ្លាស់ប្តូររបបការងារទាំងមូល។
ជាពិសេសសម្រាប់ពលរដ្ឋកូរ៉េក្នុងតំបន់ដាច់ស្រយាលទាំងនេះពួកគេគោរពយ៉ាងតឹងរឹងនូវបទបញ្ជារបស់វៀតណាមនិងជឿជាក់ថាវិធានការរបស់វៀតណាមគឺត្រឹមត្រូវ។ ពួកគេយល់ថាប្រសិនបើពួកគេមិនធ្វើដូច្នេះទេ វាអាចមានសេណារីយ៉ូមិនល្អសម្រាប់ប្រទេសវៀតណាមក៏ដូចជាសុខភាពនិងជីវិតផ្ទាល់ខ្លួន៕
| សម្ព័ន្ធសមាគមពលរដ្ឋកូរ៉េខាងត្បូងនៅវៀតណាម មានសមាជិកប្រមាណ ២០ ម៉ឺននាក់។ សម្ព័ន្ធសមាគមរួមមានសាខានៅ ទីក្រុងហាណូយ, ទីក្រុងហូជីមិញ, Da Nang, Hai Phong, Nam Dinh, Ba Ria – Vung Tau និង Can Tho។ |
（ប្រែសម្រូលដោយវិច្ឆិកា）
（ប្រភពព័ត៌មាន: thoidai.com.vn）
មតិពីមិត្តអ្នកអាន