រដ្ឋមន្ត្រីការបរទេសអង់គ្លេសបានអបអរសាទរវៀតណាមដែលបានទទួលជោគជ័យក្នុងការឆ្លើយតបជំងឺរាតត្បាតកូវីដ១៩

ឧបនាយករដ្ឋមន្រ្តីនិងជារដ្ឋមន្រ្តីក្រសួងការបរទេសវៀតណាម លោក Pham Binh Minh (រូបថត៖ baoquocte)

នាថ្ងៃទី ១៣ ខែកក្កដានៅ ឧបនាយករដ្ឋមន្រ្តីនិងជារដ្ឋមន្រ្តីក្រសួងការបរទេសវៀតណាម លោក Pham Binh Minh បានធ្វើកិច្ចសន្ទនាតាមទូរស័ព្ទជាមួយរដ្ឋមន្រ្តីក្រសួងការបរទេសអង់គ្លេសលោក Dominic Raab។ ក្នុងកិច្ចសន្ទនានេះ លោក Pham Binh Minh បានចែករំលែកការខិតខំប្រឹងប្រែង និងគំនិតផ្តួច ផ្តើមនានាដើម្បីជំរុញកិច្ចសហប្រតិបត្តិការអន្តរជាតិរបស់រដ្ឋាភិបាលអង់គ្លេសក្នុងការឆ្លើយតបទៅនឹងការរីករាលដាលនៃជំងឺឆ្លងកូវីដ១៩ ដោយបញ្ជាក់ថាវៀតណាមត្រៀមខ្លួនជាស្រេច ដើម្បីធ្វើកិច្ចសហប្រតិបត្តិការ យ៉ាងជិតស្និទ្ធជាមួយអង់គ្លេសក្នុងការខិតខំទាំងនេះ។

លោក ឧបនាយករដ្ឋមន្រ្តីនិងជារដ្ឋមន្រ្តីក្រសួងការ បរទេសវៀតណាមក៏បានស្នើឱ្យភាគីទាំងពីរបន្តគាំទ្រគ្នាក្នុងការគាំពារប្រជាពលរដ្ឋដោយអះអាងថា វៀតណាមបង្កើតលក្ខខណ្ឌអំណោយផលសម្រាប់វិនិយោគិន អ្នកជំនាញ អ្នកគ្រប់គ្រង និងកម្មករដែល មានសមត្ថភាពខ្ពស់ពីបរទេស ក្នុងនោះរួមមានចក្រភពអង់គ្លេសដែលត្រូវបានចូលមកប្រទេសវៀតណាម ដើម្បីធ្វើការផងដែរ។ លើសពីនេះទៀត លោក Pham Binh Minh បានវាយតម្លៃខ្ពស់ចំពោះកិច្ចសហ ប្រតិបត្តិការនិងការគាំទ្រគ្នាទៅវិញទៅមករវាងចក្រភពអង់គ្លេសនិងវៀតណាមលើវេទិកាពហុភាគី ក្នុងនាមជាប្រធានអាស៊ាន វៀតណាមគាំទ្រដៃគូខាងក្រៅ រួមមានចក្រភពអង់គ្លេស ពង្រឹងកិច្ចសហប្រតិ បត្តិការជាមួយអាស៊ាននិងស្វាគមន៍រាល់ការរួមចំណែកស្ថាបនារបស់ភាគីនានាដើម្បីសន្តិភាពនិងកិច្ចសហប្រតិបត្តិការ ការអភិវឌ្ឍនិងធានាច្បាប់អន្តរជាតិនៅក្នុងតំបន់និងពិភពលោកផងដែរ។

ក្នុងឱកាសនេះ រដ្ឋមន្ត្រីការបរទេសអង់គ្លេស លោក Dominic Raab បានថ្លែងថា អង់គ្លេសចាត់ទុក វៀតណាមជាដៃគូសំខាន់ក្នុងគោលនយោបាយការបរទេសនៅអាស៊ី-ប៉ាស៊ីហ្វិកនិងអាស៊ីអាគ្នេយ៍ ព្រមទាំងបង្ហាញពីបំណងចង់ធ្វើឱ្យស៊ីជម្រៅនូវទំនាក់ទំនងភាពជាដៃគូយុទ្ធសាស្ត្រវៀតណាម - អង់គ្លេស លើគ្រប់វិស័យ ក៏ដូចជាពង្រឹងកិច្ចព្រមព្រៀងទ្វេភាគីដើម្បីរក្សាសន្ទុះនៃទំនាក់ទំនងទ្វេភាគីនៅពេលដែល អង់គ្លេសចាកចេញពីសហភាពអឺរ៉ុប ជាពិសេសក្នុងវិស័យសេដ្ឋកិច្ចនិងពាណិជ្ជកម្ម។ ទន្ទឹមនឹងនេះដែរ

រដ្ឋមន្ត្រីការបរទេសអង់គ្លេស លោក Dominic Raab ក៏បានអបអរសាទរចំពោះជោគជ័យរបស់វៀតណាម ក្នុងការទប់ស្កាត់នឹងការរីករាលដាលនៃជំងឺកូវីដ១៩ ព្រមទាំងអរគុណចំពោះការលះបង់របស់អាជ្ញាធរ មានសមត្ថកិច្ចនិងក្រុមវេជ្ជបណ្ឌិតវៀតណាមដែលបានជួយព្យាបាលដល់ពលរដ្ឋ អង់គ្លេ ឆ្លងវីរុសនេះ។ លោករដ្ឋមន្រ្តី Dominic Raab ក៏បានវាយតម្លៃខ្ពស់ចំពោះកិច្ចខិតខំប្រឹងប្រែងរបស់វៀតណាមក្នុងការទទួលយកតួនាទីជាប្រធានអាស៊ាននិងជាសមាជិកមិនអចិន្ត្រៃយ៍របស់ក្រុមប្រឹក្សាសន្តិសុខអង្គការសហ ប្រជាជាតិផងដែរ។ លោកបានអះអាងទៀតថា អង់គ្លេសត្រៀមខ្លួនបន្តសហប្រតិបត្តិការនិងសម្រប សម្រួលយ៉ាងជិតស្និទ្ធជាមួយវៀតណាមក្នុងក្របខ័ណ្ឌពហុភាគីនៅក្រុមប្រឹក្សាសន្តិសុខអង្គការសហប្រជាជាតិនិងនៅវេទិកាអន្តរជាតិផ្សេងទៀត ដោយបញ្ជាក់ពីការគាំទ្ររបស់អង់គ្លេស ចំពោះសន្តិភាព សន្តិសុខ និងស្ថិរភាពក៏ដូចជាការគោរពច្បាប់អន្តរជាតិរួមមានអនុសញ្ញាអង្គការសហប្រជាជាតិស្តីពីច្បាប់សមុទ្រ ខាងកើតឆ្នាំ១៩៨២ផងដែរ៕

（បកប្រែដោយ ហេង វុធ្ធី）

（ប្រភពព័ត៌មាន: baoquocte.vn）

（បកប្រែដោយ ហេង វុធ្ធី）