រៀងរាល់រដូវប្រាំង ព្រះសង្ឃព្រះពុទ្ធសាសនាមកពីអារាមខ្មែរក្នុងខេត្ដភាគខាងត្បូង កៀងយ៉ាង (អតីតខេត្តក្រមួនស) បានបង្កើតថ្នាក់រៀនសំណេរភាសាខ្មែរដល់កុមាររៀនថ្នាក់ទី ១ ដល់ទី ៧។
ព្រះសង្ឃ Danh Diep កែកិច្ចការសរសេររបស់សិស្សនៅអារាម Ta Bet ក្នុងខេត្តកៀងយ៉ាង។ រូបថត VNA/VNS
សកម្មភាពបង្រៀនភាសាខ្មែរនេះបានជួយដល់កិច្ចការអភិរក្សអក្សរសាស្ដ្រដូនតាប្រចាំតំបន់។នៅក្នុងខេត្ដនេះមានប្រជាជនជិត ១,៧ លាននាក់ដែលមកពីជនជាតិដើមចំនួន ៣ ប្រភេទគឺក្រុមជនជាតិគីញមានចំនួនជាង ៨៥ ភាគរយ ខ្មែរជាង ១២ ភាគរយ និងចិន ជាង ១,៧ ភាគរយ និងជនជាតិដទៃ ០,០៦ ភាគរយ។ ពួកគេរស់នៅលាយឡំគ្នាក្នុងតំបន់លំនៅឋាន។
ចាប់តាំងពីឆ្នាំ ២០០៥ មនុស្សជាង ១៧០០០ នាក់ទាំងប្រុស ទាំងស្រីត្រូវបានបង្រៀនភាសាខ្មែរនៅតាមថ្នាក់រៀនទាំងនេះ ដោយមានការបង្ហាត់បង្ហាញពីព្រះសង្ឃអំពីរបៀបសរសេរអក្សរ ការប្រកប ឃ្លាឃ្លោង និងវេយ្យាករណ៍ជាតិកំណើតដើម។ អារាមព្រះពុទ្ធសាសនាខ្មែរនៅភាគខាងត្បូងចំនួន ៧៦ វត្ដដែលមានព្រះសង្ឃចំនួនជាង ៩០០ អង្គ។ ប្រជាជនប្រមាណ ២១ ម៉ឺននាក់បានប្រណិប័តន៍ព្រះពុទ្ធសាសនាក្នុងខេត្ដមួយនេះ ឬជាង ១២ ភាគរយចំពោះប្រជាជនសរុប។ ចំនួននេះជិតស្មើ ៤៣ ភាគរយនៃអ្នកប្រណិប័តន៍សាសនាទាំងអស់ក្នុងខេត្ដ។
អារាមចំនួន ៤ ក្នុងខេត្ដកៀងយ៉ាង ត្រូវបានទទួលស្គាល់ជាបុរាណស្ថានជាតិ ខណៈអារាម ២ ផ្សេងទៀតស្ថិតក្នុងទីឋានបុរាណថ្នាក់ខេត្ដ។ អារាមពុទ្ធសាសនាខ្មែរមួយចំនួននៅបន្តថែរក្សាប្រពៃណីធ្វើទូកង រៀបចំការប្រណាំងទូកងប្រពៃណីខ្មែរជារៀងរាល់ឆ្នាំ និងបង្រៀនប្រជាជនឲ្យលេងឧបករណ៍ភ្លេងបុរាណក្នុងបំណងអភិរក្សប្រពៃណីបុរាណខ្មែរពីបរមបុរាណ៕
(ប្រភព៖ postkhmer)
មតិពីមិត្តអ្នកអាន