យុគសម័យ - នាថ្ងៃទី ១៩ ខែសីហា សម្ព័ន្ធអង្គការមិត្តភាព សមាគមមិត្តភាពវៀតណាម - អាស៊ីអាគ្នេយ៍នៅទីក្រុងហូជីមិញបានប្រារព្ធពិធីខួបអនុស្សាវរីយ៍លើកទី ៥២ នៃការបង្កើតសមាគមប្រជាជាតិអាស៊ីអាគ្នេយ៍ (អាស៊ាន) (ថ្ងៃ៨ ខែសីហា ឆ្នាំ១៩៦៧ - ថ្ងៃ៨ ខែសីហា ឆ្នាំ ២០១៩) ។
សមាគមមិត្តភាពវៀតណាម - អាស៊ីអាគ្នេយ៍ទីក្រុងហូជិមីញបានប្រគល់អាហារូបករណ៍ចំនួន ៤៥ កន្លែងដល់សិស្សដែលជួបការលំបាកសិស្សពូកែនិងល្អនៅក្នុងទីក្រុង។
ថ្លែងក្នុងពិធីនេះ ប្រធានសមាគមមិត្តភាពវៀតណាម - អាស៊ីអាគ្នេយ៍ ទីក្រុងហូជីមិញ លោកស្រី Phan Thi Hong Xuan បានឲ្យដឹងថា៖ “ចាប់តាំងពីបានបង្កើតឡើងរហូតមកដល់ពេលនេះ អាស៊ានពិតជាកត្តាសំខាន់និងមិនអាចខ្វះបានសម្រាប់ សន្តិភាព ស្ថិរភាពនិងការអភិវឌ្ឍនៅអាស៊ីអាគ្នេយ៍ និងជាកម្លាំងចលករមួយសម្រាប់កិច្ចសន្ទនា កិច្ចសហប្រតិបត្តិការរវាងប្រទេសសមាជិកក៏ដូចជាការពង្រីកកិច្ចសហប្រតិបត្តិការនិងការអភិវឌ្ឍដ៏ទូលំទូលាយនៅអាស៊ីបូព៌ានិងអាស៊ីប៉ាស៊ីហ្វិក មហាសមុទ្រឥណ្ឌា - ប៉ាស៊ីហ្វិក។
ក្រៅពីជំហរនយោបាយ អាស៊ានក៏ត្រូវបានគេចាត់ទុកថាជាទីផ្សារមានសក្តានុពលធំធេង មានប្រជាជនវ័យក្មេងចាប់តាំងពីឆ្នាំ ២០១៨ បានបង្កើតបណ្តាញទីក្រុងឆ្លាតវៃនៅក្នុងសហគមន៍។ ដោយស្មារតីសាមគ្គីភាពនិងសមត្ថភាពដោះស្រាយបញ្ហាដោយបត់បែន អាស៊ាននឹងជំនះឧបសគ្គនិងបញ្ហាប្រឈមដើម្បីបន្តអនុវត្តដោយជោគជ័យនូវគោលដៅ “ លើកកម្ពស់ទំនាក់ទំនងភាពជាដៃគូដើម្បីនិរន្តរភាព” ។
លោក Apirat Sugondhabirom អគ្គកុងស៊ុលថៃប្រចាំនៅទីក្រុងហូជីមិញបានឲ្យដឹងថា៖ នៅឆ្នាំ ២០២០ ប្រទេសវៀតណាមនឹងទទួលតួនាទីជាប្រធានអាស៊ាននិងរៀបចំកិច្ចប្រជុំកំពូលអាស៊ាននិងសន្និសីទពាក់ព័ន្ធក្នុងឆ្នាំនេះ។ ប្រទេសថៃសន្យាត្រៀមខ្លួនជាស្រេចដើម្បីគាំទ្រប្រទេសវៀតណាមក្នុងនាមជាប្រធានអាស៊ាននិងបន្តលើកកម្ពស់សេចក្តីប្រាថ្នានិងភាពជាដៃគូរួមដើម្បីធានាថាប្រជាជនអាចទទួលបានផលប្រយោជន៍ពិតប្រាកដពីសហគមន៍អាស៊ាន។
ក្នុងឱកាសនេះសមាគមមិត្តភាពវៀតណាម - អាស៊ីអាគ្នេយ៍ទីក្រុងហូជិមីញបានប្រគល់អាហារូបករណ៍ចំនួន ៤៥ កន្លែងដល់សិស្សដែលជួបការលំបាកសិស្សពូកែនិងល្អនៅក្នុងទីក្រុង៕
（យោងតាម thoidai.com.vn ប្រែសម្រូលដោយវិច្ឆិកា）
មតិពីមិត្តអ្នកអាន