យុគសម័យ - នាព្រឹកថ្ងៃទី ២៧ ខែមករា នៅទីក្រុងកំពត ខេត្តកំពត សមាគមខ្មែរ - វៀតណាមសម្របសម្រួលជាមួយស្ថានកុងស៊ុលវៀតណាមប្រចាំខេត្តព្រះសីហនុបានរៀបចំពិធីបើកការដ្ឋានសាងសង់ទីស្នាក់ការរបស់សហគមន៍ខ្មែរ - វៀតណាម នៅខេត្តកំពត ។
គេដឹងថា ដោយមានការគាំទ្រថវិកាពីគណៈកម្មាធិការបក្សអាជ្ញាធរនិងប្រជាជនខេត្ត Kien Giang ចាប់តាំងពីឆ្នាំ ២០១៤ គណៈកម្មាធិការប្រតិបត្តិនៃសមាគមខ្មែរ - វៀតណាម ខេត្តកំពត បានទិញដីទំហំ ៧៥០ ម ២ ដែលមានតម្លៃ ៣ ម៉ឺនដុល្លារ នៅក្នុងភូមិតាអង្គ សង្កាត់ត្រើយកោះ - ក្រុងកំពត ដើម្បីសាងសង់ទីស្នាក់ការរបស់សហគមន៍ខ្មែរ - វៀតណាម នៅខេត្តកំពត។ ដោយសារខ្វះថវិកា អស់រយៈពេលជិត ៧ ឆ្នាំហើយដែលសមាគមខេត្តមិនទាន់សាងសង់ទីស្នាក់ការនៅលើដីខាងលើ។
ពិធីបើកការដ្ឋានសាងសង់ទីស្នាក់ការរបស់សហគមន៍ខ្មែរ - វៀតណាម នៅព្រះរាជាណាចក្រកម្ពុជា
គម្រោងនេះចំណាយថវិកាសរុបប្រមាណ ២៥០,០០០ ដុល្លារ ដោយបែងចែកជាដំណាក់កាលជាច្រើន។ ដំណាក់កាលទី ១ នៃគម្រោងមានផ្ទៃដីសាងសង់ ៦០ ម៉ែត្រការ៉េដែលចំណាយថវិកាអស់ ៣៥០០០ ដុល្លារអាមេរិករំពឹងថា នឹងបើកដំណើរការ នៅចុងខែមេសាឆ្នាំ ២០២១ ។
ប្រធានសមាគមខ្មែរ - វៀតណាមខេត្តកំពត លោក Hoang Duc Ha បានចែករំលែកថា អស់រយៈពេលជាច្រើនឆ្នាំមកហើយ បងប្អូនជនជាតិខ្មែរមានដើមកំណើតវៀតណាមដែលរស់នៅទីនេះតែងតែរក្សានិងអភិរក្សអត្តសញ្ញាណវប្បធម៌របស់ជាតិជានិច្ចកាល និងឆ្ពោះទៅកាន់ប្រទេសវៀតណាម។ សំណង់ថ្ងៃនេះមានសារៈសំខាន់ខ្លាំងណាស់ដែលគឺជាកន្លែងជួបជុំសម្រាប់សហគមន៍ខ្មែរ -វៀតណាម ក៏ដូចជាកន្លែងដែលបង្រៀន ភាសា វៀតណាមនិងខ្មែរអោយកូនចៅជំនាន់ ក្រោយមានស្ថេរភាព និងយូរអង្វែង។
ពិធីអំណោយដល់គ្រួសារដែលស្ថិតក្នុងស្ថានភាពលំបាក។
ថ្លែងមតិនៅទីនេះ អគ្គកុងស៊ុលលោក Vu Ngoc Ly បានកោតសរសើរចំពោះកិច្ចខិតខំប្រឹងប្រែងរបស់គណៈកម្មាធិការប្រតិបត្តិនៃសហគមន៍ខ្មែរ - វៀតណាមខេត្តនិងប្រជាជនខ្មែរមានដើមកំណើតវៀតណាម នៅខេត្តកំពតបានរួបរួមគ្នានិងជំនះរាល់ការលំបាក ដែលបង្កឡើងដោយការរីករាលដាលនៃ Covid-19 និងគ្រោះមហន្តរាយធម្មជាតិ ក្នុងឆ្នាំ ២០២០ ។ ការកសាងទីស្នាក់ការរបស់សហគមន៍ខ្មែរ - វៀតណាមខេត្តកំពតគឺជា ព្រឹត្តិការណ៍សំខាន់មួយដែលជួយប្រជាជនខ្មែរមានដើមកំណើតវៀតណាមឱ្យមានលក្ខខណ្ឌល្អប្រសើរ ដើម្បីជួបជុំគ្នា ចែករំលែកនិងធ្វើឱ្យប្រសើរឡើងនូវកិត្យានុភាពរបស់ប្រជាជនខ្មែរមានដើមកំណើតវៀតណាមនៅព្រះរាជាណាចក្រកម្ពុជា។
នាព្រឹកថ្ងៃដដែលនៅបរិវេណនៃគំរោងសាងសងទីស្នាក់ការរបស់សហគមន៍ខ្មែរ វៀតណាមនៅខេត្តកំពត តំណាងអគ្គកុងស៊ុលវៀតណាមប្រចាំនៅខេត្តព្រះសីហនុបានប្រគល់អំណោយតេត (អំណោយនីមួយរួមមានអង្ករចំនួន ១៥ គីឡូក្រាម) ដល់គ្រួសារជនជាតិខ្មែរមានដើមកំណើតវៀតណាមចំនួន ៥០ គ្រួសារដែលមានស្ថានភាពលំបាកក្នុង តំបន់ដែលរួមចំណែកដល់ការលើកទឹកចិត្តប្រជាជន ក្នុងឱកាសស្វាគមន៍ថ្ងៃចូលឆ្នាំថ្មីប្រពៃណីវៀតណាមកាន់តែសប្បាយរីករាយនិងកក់ក្តៅ./.（បកប្រែដោយឌីណា）
（ប្រភពព័ត៌មាន: thoidai.com.vn）
មតិពីមិត្តអ្នកអាន