យុគសម័យ - នាព្រឹកថ្ងៃទី ៣០ ខែសីហា នៅកងវរសេនាតូចនគរបាលការពារព្រំដែនលេខ ៦០៣ (កម្ពុជា) ក្រោមការអនុញ្ញាតពីបញ្ជាការដ្ឋានកងទ័ពការពារព្រំដែនខេត្ត An Giang លោកវរសេនីយ៍ឯក Huynh Van Dong អនុប្រធានផ្នែកនយោបាយកងទ័ពការពារព្រំដែន បានប្រគល់គោពូជចំនួន ១០ ក្បាលដល់គ្រួសារ ក្រីក្រចំនួន ១០ នៅតំបន់ព្រំដែនខេត្តតាកែវ (កម្ពុជា) ក្នុងតម្លៃសរុប ១៥០ លានដុង។
លោកវរសេនីយ៍ឯក Huynh Van Dong ប្រគល់គោពូជជូនប្រជាជនក្រីក្រនៅខេត្តតាកែវនៃប្រទេសកម្ពុជា (រូបថត៖ bienphong.com.vn)
គិតរហូតមកដល់ពេលនេះ បញ្ជាការដ្ឋានការពារព្រំដែន បានផ្ទេរសិទ្ធិឱ្យបញ្ជាការដ្ឋានការពារព្រំដែនខេត្ត An Giang ប្រគល់សត្វគោពូជសរុប ៦០ ក្បាលដល់គ្រួសារក្រីក្រចំនួន ៦០ នៅតាមតំបន់ព្រំដែននៅខេត្ត An Giang រួមទាំងខេត្តចំនួន ២ គឺខេត្តកណ្តាលនិងតាកែវនៃប្រទេសកម្ពុជាផងដែរ។
ពិធីប្រគល់គោពូជចំនួន ១០ ក្បាលជូនប្រជាជននៅខេត្តតាកែវនៃប្រទេសកម្ពុជា (រូបថត៖ bienphong.com.vn)
ថ្លែងនៅក្នុងពិធីនេះ លោកវរសេនីយ៍ឯក Huynh Van Dong បានអះអាងថាពិធីជួបប្រាស្រ័យមិត្តភាព ព្រំដែនវៀតណាម-កម្ពុជាឆ្នាំ ២០១៩ បានប្រព្រឹត្តទៅនាថ្ងៃទី ២៧ និងថ្ងៃទី ២៨ ខែសីហាឆ្នាំ ២០១៩ ប្រកបដោយជោគជ័យយ៉ាងក្រៃលែង ព្រមទាំងរួមចំណែកពង្រឹងពង្រីកទំនាក់ទំនងសាមគ្គីភាពនិងប្រពៃណីដ៏ល្អប្រពៃរវាងរដ្ឋាភិបាលនិងប្រជាជននៃប្រទេសទាំងពីរ ក្នុងគោលបំណងរួមគ្នាកសាងខ្សែព្រំដែនកម្ពុជា - វៀត ណាមប្រកបដោយសន្តិភាព មិត្តភាព សហប្រតិបត្តិការនិងអភិវឌ្ឍន៍ផងដែរ៕
(យោងតាម bienphong.com.vn បកប្រែដោយហេង វុធ្ធី)
មតិពីមិត្តអ្នកអាន