យុគសម័យ - ក្នុងលិខិតដែលប្រធានព្រឹទ្ធសភារុស្ស៊ីបានថ្លែងអំណរគុណយ៉ាងជ្រាលជ្រៅ ចំពោះរដ្ឋសភាវៀតណាមនិងក្រុមសមាជិកសភាមិត្តភាពជាមួយសហព័ន្ធរុស្ស៊ីចំពោះស្មារតីសាមគ្គីភាពពិសេស។
ប្រធានក្រុមប្រឹក្សាសហព័ន្ធ (ព្រឹទ្ធសភានៃសហព័ន្ធរុស្ស៊ី) លោកស្រី Valentina Matvyenko
នាថ្ងៃទី ១៤ ឧសភា ប្រធានក្រុមប្រឹក្សាសហព័ន្ធ (ព្រឹទ្ធសភានៃសហព័ន្ធរុស្ស៊ី) លោកស្រី Valentina Matvyenko បានផ្ញើលិខិតជូនប្រធានរដ្ឋសភាវៀតណាមលោកស្រី Nguyen Thi Kim Ngan ដោយថ្លែងអំណរគុណចំពោះវៀតណាមចំពោះការបញ្ជូន ទំនិញទៅកាន់ប្រទេសរុស្ស៊ី សម្រាប់គោលបំណងមនុស្សធម៌ និងគាំទ្រដល់ការប្រយុទ្ធ ប្រឆាំងនឹងជំងឺកូដវីដ១៩ នៅសហព័ន្ធរុស្ស៊ី។
នៅក្នុងលិខិត នោះប្រធានព្រឹទ្ធសភារុស្ស៊ីបានសង្កត់ធ្ងន់ថា៖“ យើងខ្ញុំសូមថ្លែងអំណរគុណ យ៉ាងជ្រាលជ្រៅចំពោះរដ្ឋសភាវៀតណាមនិងក្រុមសមាជិកសភាមិត្តភាពជាមួយសហព័ន្ធរុស្ស៊ីចំពោះស្មារតីសាមគ្គីភាពដែលមានតម្លៃពិសេសក្នុងបរិបទនៃស្ថានភាពលំបាក នាពេល បច្ចុប្បន្នដោយសារការរីករាលដាលនៃជំងឺរាតត្បាតកូវីដ១៩ ។
អនុរដ្ឋមន្រ្តីក្រសួងការបរទេសវៀតណាមលោក To Anh Dung បានប្រគល់គ្រឿងបរិក្ខារពេទ្យដល់ឯកអគ្គរដ្ឋទូតរុស្ស៊ីប្រចាំនៅវៀតណាមលោក Konstantin Vnukov កាលពីថ្ងៃទី ១៣ ខែមេសាឆ្នាំ ២០២០ (រូបថត៖ vnanet)
លោកស្រី Matvyenko បានក៏បញ្ជាក់ថាផលិតផលវេជ្ជសាស្រ្តដែលទទួលបានដោយ ប្រទេសវៀតណាមនឹងត្រូវបញ្ជូនទៅមន្ទីរពេទ្យរុស្ស៊ីដើម្បីគាំទ្រដល់ការប្រយុទ្ធប្រឆាំងនឹងជំងឺកូវីដ ១៩ ក៏ដូចជាអង្គការសង្គមផ្សេងៗទៀតដើម្បីគាំទ្រដល់ប្រជាជន រុស្ស៊ីផងដែរ៕
(បកប្រែដោយ ហេង វុធ្ធី)
(ប្រភពព័ត៌មាន: Vietnamplus.vn)
មតិពីមិត្តអ្នកអាន