យុគសម័យ - ការវត្តមានរបស់និស្សិតវៀតណាមចំនួន ១៦ នាក់បាននាំដង្ហើមថ្មីទៅកាន់កោះ Fukue ដែលបំពេញចន្លោះប្រហោងដែលបន្សល់ទុកដោយយុវជនក្នុងតំបន់។
យោងតាមទីភ្នាក់ងារព័ត៌មានជប៉ុន Kyodo ប្រហែលជា ៩០ % នៃសិស្សបញ្ចប់ការសិក្សានៅវិទ្យាល័យ នៅកោះ Fukue - ដែលជាកោះដាច់ស្រយាលមួយនៅភាគនិរតីនៃទីក្រុង Goto របស់ជប៉ុន-ជ្រើសរើស ការសិក្សានិងស្វែងរកការងារ នៅទីក្រុងធំ ៗ ។ ទោះយ៉ាងណា ការវត្តមានរបស់និស្សិតវៀតណាម ចំនួន ១៨ នាក់ នាខែមេសា ដែលបាននាំដង្ហើមថ្មីទៅកាន់កោះនេះ ហើយបានបំពេញចន្លោះប្រហោងដែលបន្សល់ទុកដោយយុវជនក្នុងតំបន់។
នៅឆ្នាំ ២០១៨ គំនិតផ្តួចផ្តើមផ្សារភ្ជាប់សាលារៀន ដើម្បីទាក់ទាញសិស្សនិស្សិតបរទេសត្រូវបានណែនាំនៅកោះ Fukue ។ អាធ្ញាធរទីក្រុងបានអនុញ្ញាតឱ្យសាលាបង្រៀនភាសាជប៉ុនប្រើអាគារដែលទើបសាងសង់ថ្មីដោយឥតគិតថ្លៃ ក៏ដូចជាបានប្រគល់អាហារូបករណ៍ចំនួន ៤៨០,០០០ យេន ដើម្បីឧបត្ថម្ភផ្នែកមួយនៃថ្លៃសិក្សា ៥៤០,០០០ យេន / ឆ្នាំ។ មន្ត្រីក្នុងមូលដ្ឋានសង្ឃឹមថា កម្មវិធីនេះនឹងទាក់ទាញនិស្សិតវៀតណាមដែលជ្រើសរើសទៅសិក្សាភាសាជប៉ុននៅកោះនេះ ដើម្បីត្រៀមខ្លួនជាស្រេច សម្រាប់កម្មវិធីសិក្សានៅសាកលវិទ្យាល័យឬដាក់ពាក្យសុំការងារ។
និស្សិតវៀតណាមនៅក្នុងថ្នាក់រៀនភាសាជប៉ុន នៅសាលា Goto នៃខេត្ត Nagasaki នាថ្ងៃទី ១៣ ខែតុលាឆ្នាំ ២០២០ ។ រូបថត៖ Kyodo
និស្សិតវៀតណាមនឹងចូលរួមវគ្គសិក្សាភាសា ក្នុងរយៈពេល ២ ឆ្នាំដើម្បីចូលរួមក្នុងការប្រឡងភាសាជប៉ុនដែលជាតម្រូវការមួយ មុនពេលចូលសាកលវិទ្យាល័យនៅទីនេះ។ លោក Yosuke Yoshihama (អាយុ ៦៣ ឆ្នាំ) នាយកសាលាបង្រៀនភាសាជប៉ុន នៅកោះ Fukue បានកោតសរសើរយ៉ាងខ្លាំងចំពោះនិស្សិតវៀតណាម នៅទីនេះដែលមានបំណងប្រាថ្នាចង់សិក្សានិងប្តេជ្ញាកសាងកិត្យានុភាពរបស់ខ្លួន។
លោកនាយកសាលា Yosuke Yoshihama បាននិយាយថា "ខ្ញុំសង្ឃឹមថា និស្សិតវៀតណាមនឹងក្លាយជាស្ពានមួយដែលតភ្ជាប់បណ្តាកោះ Gotoជាមួយពិភពលោក" ។ លោកបន្ថែមថា សាលារៀននេះមានផែនការ បង្កើនបរិមាណសិស្សវៀតណាមឡើងដល់ ១០០ នាក់ នាពេលខាងមុខនេះ។
ទោះបីលោក Yoshihama ធ្លាប់មានការព្រួយបារម្ភអំពីរបៀបដែលនិស្សិតវៀតណាមនឹងសម្របខ្លួនទៅនឹងជីវិតយឺតៗ និងសុខសាន្ត នៅលើកោះក៏ដោយ ប៉ុន្តែក្តីកង្វល់ទាំងនោះត្រូវបានលុបចោលភ្លាមៗ។ តាមពិត និស្សិតវៀតណាមទទួលបានការស្រឡាញ់រាប់អានពីសហគមន៍ប្រជាជននៅតំបន់។ ពួកគេស្ទើរតែទាំងអស់កំពុងធ្វើការក្រៅម៉ោងទៅរៀន យោងតាមម៉ោងដែលបានកំណត់សម្រាប់និស្សិតអន្តរជាតិ។
ប្អូនបុរស Lam Nhat Hai ជានិស្សិតវៀតណាមដែលធ្វើការក្រៅម៉ោង នៅភោជនីយដ្ឋានមួយ នៅកោះ Fukue ។ រូបថត៖ Kyodo
លោក Seiichiro Mochizuki (អាយុ ៧៣ ឆ្នាំ) ជាម្ចាស់ហាងដែលជួលនិស្សិតវៀតណាមពីរនាក់បានសម្តែងការអរគុណយ៉ាងខ្លាំងចំពោះពួកគេនិងបានសរសើរនិស្សិតទាំងពីរនាក់នេះជាមនុស្សមធ្យ័ត ហ៊ានគិតហ៊ានធ្វើ»។ ប្រសិនបើអាច លោកនឹងទទួលនិស្សិតវៀតណាមម្នាក់ទៀត។
ការយកចិត្តទុកដាក់លើនិស្សិតវៀតណាម នៅទីនេះបានទទួលរងនូវការថយចុះប្រាក់ចំណូល ដោយសារការបិទអាជីវកម្មក្នុងស្រុកក្នុងកំឡុងពេលជំងឺរាតត្បាត COVID-19 អ្នកភូមិខ្លះក៏កំពុងរៀបចំអំណោយអង្ករនិងបន្លែ ផងដែរ។ លោក Hiroshi Kambara (អាយុ ៧៣ ឆ្នាំ) ជាប្រធានសមាគមពលរដ្ឋក្នុងតំបន់បានមានប្រសាសន៍ថា“ ខ្ញុំចង់លើកទឹកចិត្តនិស្សិតវៀតណាមឱ្យឃើញថា ពួកគេកំពុងប្រឹងប្រែងអស់ពីសមត្ថភាពយ៉ាងដូចម្តេច។ កោះទាំងមូលកំពុងទទួលបានថាមពលជាច្រើនពីនិស្សិតវៀតណាម”។
កិច្ចសហប្រតិបត្តិការអភិវឌ្ឍន៍ធនធានមនុស្សរវាងវៀតណាមនិងជប៉ុន ក្នុងរយៈពេលប៉ុន្មានឆ្នាំចុងក្រោយនេះនៅតែបន្តត្រូវបានវាយតម្លៃខ្ពស់និងមានការរីកចម្រើនយ៉ាងខ្លាំង។ រហូតមកដល់ពេលនេះ យុវជនវៀតណាមជាង ៣០០.០០០ នាក់បានមកប្រទេស ជប៉ុន ដើម្បីហ្វឹកហាត់បំណិន។ បច្ចុប្បន្ននេះ ប្រទេសវៀតណាមគឺជាប្រទេសមួយក្នុងចំណោមប្រទេសចំនួន ១៥ ដែលបានបញ្ជូនសិក្ខាកាមទៅប្រទេសជប៉ុនចំនួនសិក្ខាកាមវៀតណាមនៅប្រទេសជប៉ុនមានចំនួនជាង ២០ ម៉ឺននាក់ ./.
（បកប្រែដោយឌីណា）
（ប្រភពព័ត៌មាន: thoidai.com.vn）
មតិពីមិត្តអ្នកអាន