យុគសម័យ - ឆ្ពោះទៅខួបលើកទី ៦៧ នៃទិវាឯករាជ្យជាតិនៃព្រះរាជាណាចក្រកម្ពុជា ខួបលើកទី ៤៥ នៃទិវាឯករាជជាតិនៃសាធារណរដ្ឋប្រជាធិបតេយ្យប្រជាមានិតឡាវ នាពេលថ្មីៗនេះ សមាគមមិត្តភាពវៀតណាម - កម្ពុជា សមាគមមិត្តភាពវៀតណាម - ឡាវ នៅទីក្រុង Ho Chi Minh បានសហការជាមួយក្រុមហ៊ុន Dau An វៀតណាម និង សារមន្ទីរអាវផាយ ដើម្បីរៀបចំពីធីជួបប្រាស្រ័យ“ការបណ្តុះ ពន្លកមិត្តភាព” ។
និស្សិតកម្ពុជាចំនួន ១៤៩ នាក់ត្រូវបានឧបត្ថម្ភដោយ សមាគមមិត្តភាពវៀតណាម - កម្ពុជានៅទីក្រុង Ho Chi Minh
កម្មវិធី““ការបណ្តុះពន្លកមិត្តភាព”” ត្រូវបានអនុវត្តដោយសមាគមមិត្តភាពវៀតណាម - កម្ពុជា តាំងពីឆ្នាំ ២០១២។ តាមនោះនិស្សិតកម្ពុជានៅរដ្ឋធានី Ha Noi ឬទីក្រុង Ho Chi Minh ត្រូវបានឧបត្ថម្ភនិងគាំទ្រដោយឪពុកម្តាយចិញ្ចឹមដែលមានជនជាតិវៀតណាមឧបត្ថម្ភគាំទ្រទាំងសម្ភារៈនិងស្មារតី។
នៅក្នុងកម្មវិធីជួបប្រាស្រ័យនេះ និស្សិតកម្ពុជាចំនួន ១៧ នាក់ទៀតបានទទួលយកគ្រួសារចិញ្ចឹមរបស់ពួកគេ ដូច្នេះ ចំនួននិស្សិតកម្ពុជាសរុប ដែលបានឧបត្ថម្ភ នៅទីក្រុង Ho Chi Minh មានចំនួន ១៤៩ នាក់។ ចំនួននិស្សិតកម្ពុជា ដែល ឧបត្ថម្ភដោយសមាគម នៅរដ្ឋធានី Ha Noi នៅពេលនេះមានចំនួន ៣០០ នាក់។
ថ្លែងនៅក្នុងកម្មវិធីនេះ លោកថាន វុទ្ធី - កុងស៊ុលនៃព្រះរាជាណាចក្រកម្ពុជានៅទីក្រុង Ho Chi Minh បានសង្កត់ធ្ងន់ថា កម្មវិធី““ការបណ្តុះពន្លកមិត្តភាព”” គឺជា សកម្មភាពមួយដែលមានអត្ថន័យ មនុស្សធម៌ និងមានអត្ថន័យអប់រំខ្ពស់ គឺជាស្ពានមិត្តភាព ក្នុងរយៈពេលវែងពីមួយជំនាន់ទៅមួយជំនាន់រវាងប្រទេសទាំងពីរវៀតណាម - កម្ពុជា។
លោកបណ្ឌិត Le Hong Liem អនុប្រធានមជ្ឈិម សមាគមមិត្តភាពវៀតណាម - កម្ពុជាបានមានប្រសាសន៍ថា កម្មវិធីជួបប្រាស្រ័យនេះ បានរួមចំណែកក្នុងការពង្រឹងសាមគ្គីភាពនិងមិត្តភាពរវាងប្រជាជនវៀតណាម - កម្ពុជា - ឡាវដែលបង្កើតឱកាសសម្រាប់យុវជននៃប្រទេសទាំង ៣ ស្វែងយល់អំពីប្រទេស ប្រជាជននិងប្រវត្តិសាស្រ្តនៃទំនាក់ទំនងល្អប្រសើរ ដោយបន្តលើកកម្ពស់និងថែរក្សាអត្តសញ្ញាណវប្បធម៌ជាតិនិងរួមគ្នាថែរក្សាមិត្តភាពរវាងប្រទេសទាំងបី ។
នៅក្នុងកម្មវិធីនេះផងដែរ ឆ្លើយតបទៅនឹងការអំពាវនាវរបស់អគ្គលេខាធិការ ប្រធានរដ្ឋ នាយករដ្ឋមន្រ្តីនិងគណៈកម្មាធិការមជ្ឈិមរណសិរ្សមាតុភូមិវៀតណាមស្តីពីការបរិច្ចាគនិងជួយគាំទ្រដល់ប្រជាជននៅបណ្តាខេត្តភាគកណ្តាល ដើម្បីជំនះការលំបាកដែលបណ្តាលដោយទឹកជំនន់។ រូបថតគួរឱ្យចាប់អារម្មណ៍មួយចំនួននៅក្នុងកម្មវិធីនេះ
(បកប្រែដោយឌីណា)
(ប្រភពព័ត៌មាន: thoidai.com.vn)
មតិពីមិត្តអ្នកអាន