យុគសម័យ - យោងតាមអ្នកយកព័ត៌មាននៃទីភ្នាក់ងារសារព័ត៌មានប្រចាំនៅភ្នំពេញថា ក្នុងដំណើរទស្សនកិច្ចរយៈពេល ២ ថ្ងៃនៅកម្ពុជានោះ នាថ្ងៃទី ២៩ ខែកក្កដា គណៈប្រតិភូជាន់ខ្ពស់នៃទីក្រុងហូជីមិញដឹកនាំដោយលោកស្រី Nguyen Thi Le អនុលេខាបក្សទីក្រុងនិងជាប្រធានក្រុមប្រឹក្សាប្រជាជនទីក្រុងហូជីមីញនៃសាធារណរដ្ឋសង្គមនិយមវៀតណាម បានអញ្ជើញចូលជួបសម្តែងការគួរសមជាមួយ សម្តេច ហេងសំរិន ប្រធានកិត្តិយនៃសគណបក្សប្រជាជនកម្ពុជា ប្រធានរដ្ឋសភាកម្ពុជានិងជាប្រធានរណសិរ្សអភិវឌ្ឍន៍មាតុភូមិកម្ពុជា។
សម្តេច ហេង សំរិន ប្រធានរដ្ឋសភានៃព្រះរាជាណាចក្រកម្ពុជាអញ្ជើញទទួលស្វាគមន៍គណៈប្រតិភូទីក្រុងហូជីមិញ ដឹកនាំដោយលោកស្រី Nguyen Thi Le អនុលេខាបក្សទីក្រុងនិងជាប្រធានក្រុមប្រឹក្សាប្រជាជនទីក្រុងហូជីមីញនៃសាធារណរដ្ឋសង្គមនិយមវៀតណាម (រូបថតៈ FN)
ក្នុងជំនួបនេះ ប្រធានរដ្ឋសភានៃព្រះរាជាណាចក្រកម្ពុជា បានអបអរសាទរនិងសម្តែងនូវការកោតសរសើរយ៉ាងខ្លាំង ចំពោះសមិទ្ធិផលលើគ្រប់វិស័យ ដែលវៀតណាមសម្រេចបានក្នុងការកសាងនិងអភិវឌ្ឍន៍ប្រទេសជាតិ រួមចំណែកនាំប្រទេសវៀតណាមកាន់តែរីកចម្រើនប្រកបដោយនិរន្តរភាព។ សម្តេច ហេង សំរិន បានជឿជាក់ ក្រោមការដឹកនាំប្រកប ដោយភាពប៉ិនប្រសប់និងប្រកបដោយគតិបណ្ឌិតរបស់បក្សកុម្មុយនិស្តវៀតណាម ប្រទេសវៀតណាមនឹងទទួលបានសមិទ្ធិផលជាច្រើនថែមទៀត។ ទាក់ទងនឹងការអភិវឌ្ឍន៍របស់ទីក្រុងហូជីមិញវិញ សម្តេច ហេង សំរិន បានជឿជាក់ថា ទីក្រុងនឹងក្លាយជាទីក្រុងឈានមុខគេមួយនៅក្នុងតំបន់អាស៊ាននាពេលខាងមុខជាក់ជាពុំខាន។
ទិដ្ឋភាពនៃជំនួប (រូបថតៈ TTXVN)
ទាក់ទងនឹងទំនាក់ទំនងរវាងរាជធានីភ្នំពេញនិងទីក្រុងហូជីមិញ ប្រធានរដ្ឋសភាកម្ពុជា សម្តេច ហេង សំរិន បានសម្តែងនូវការគាំទ្រ ចំពោះកិច្ចសហប្រតិបត្តិការយ៉ាងជិតស្និទ្ធនិងទូលំទូលាយរវាងទីក្រុងទាំងពីរ។ សម្តេច ហេង សំរិន បានវាយតម្លៃថា ក្នុងរយៈពេលកន្លងមក ទំនាក់ទំនងរវាងទីក្រុងទាំងពីរ មានការរីកចម្រើនយ៉ាងខ្លាំងលើគ្រប់វិស័យ ជាពិសេសតាមរយៈដំណើរទស្សនកិច្ចរវាងភាគីទាំងពីរតែម្តង។ នេះគឺជាឱកាស ដើម្បីភាគីទាំងពីរ ចែករំលែកបទពិសោធន៍ និងចូលរួមចំណែកក្នុងការអភិវឌ្ឍរបស់ទីក្រុងនីមួយៗផងដែរ។ ទន្ទឹមជាមួយគ្នានោះ រួមចំណែកទៅក្នុងការអភិវឌ្ឍរបស់ប្រទេសទាំងពីរ ដោយឈរលើមូលដ្ឋានៃបាវចនាដែលភាគីទាំងពីរបានដាក់ចេញ នោះគឺ “ភាពជាអ្នកជិតខាងល្អប្រសើរ មិត្តភាពជាប្រពៃណី កិច្ចសហប្រតិបត្តិការគ្រប់ជ្រុងជ្រោយ និរន្តរភាពយូរអង្វែង”។
(រូបថតៈ FN)
អញ្ជើញថ្លែងមតិក្នុងពិធី លោកស្រី Nguyen Thi Le បានអបអរសាទរចំពោះរាល់សមិទ្ធិដែលកម្ពុជាសម្រេចបាននាពេលកន្លងទៅ។ លោកស្រី Nguyen Thi Le បានលើកឡើងថា វៀតណាមនិងកម្ពុជាជាប្រទេសភូមិផងរបងជាមួយគ្នា តែងតែបានគាំទ្រនិងជួយគ្នាទៅវិញទៅមក ដើម្បីឯករាជ្យនិងសេរីភាពរបស់ប្រទេសនីមួយៗ។ យោងតាមលោកស្រី Nguyen Thi Le, ប្រពៃណីល្អគឺជាមោទនភាពនិងជាទ្រព្យសម្បត្តិដែលមិនអាចកាត់ថ្លៃបាន ដែលប្រជាជាតិយើងទាំងពីរត្រូវរួមគ្នាថែរក្សានិងពូនជ្រុំជានិច្ច។ លោកស្រីសង្ឃឹមថា ថ្នាក់ដឹកនាំនៃប្រទេសទាំងពីរនឹងបន្តយកចិត្តទុកដាក់ក្នុងការអប់រំប្រជា ជន ជាពិសេសយុវជនជំនាន់ក្រោយនៃប្រទេសទាំងពីរ អំពីប្រវត្តិសាស្ត្រក៏ដូចជាប្រពៃណីដ៏មានតម្លៃរបស់ប្រជាជាតិយើងទាំងពីរ។
ក្នុងឱកាសនេះ លោកស្រីប្រធានក្រុមប្រឹក្សាប្រជាជនទីក្រុងហូជីមិញ បានអះអាងពីគោលនយោបាយឥយងាករ៉េរបស់ វៀតណាម គឺតែងតែគោរពនិងផ្តល់អាទិភាពខ្ពស់បំផុត ចំពោះទំនាក់ទំនងជាមួយកម្ពុជា និងមានបំណង រួមជាមួយកម្ពុជា ខិតខំប្រឹងប្រែង ដើម្បីនាំទំនាក់ទំនង “ភាពជាអ្នកជិតខាងល្អប្រសើរ មិត្តភាពជាប្រពៃណី កិច្ចសហប្រតិបត្តិការគ្រប់ជ្រុងជ្រោយ និរន្តរភាពយូរអង្វែង” បន្តការអភិវឌ្ឍដោយឥតឈប់ឈរ ដើម្បីនាំមកផលប្រយោជន៍ជាក់ស្តែងជូនប្រជាជននៃប្រទេសទាំងពីរ រួមចំណែកទៅក្នុងសន្តិភាព ស្ថិរភាព កិច្ចសហប្រតិបត្តិការក្នុងតំបន់និងលើពិភពលោក។
ក្នុងក្របខ័ណ្ឌនៃដំណើរទស្សនកិច្ចនៅកម្ពុជា លោកស្រី Nguyen Thi Le អញ្ជើញជួបពិភាក្សាការងារជាមួយប្រធានក្រុមប្រឹក្សារាជធានីភ្នំពេញ លោក ប៉ាសុជាតិវង្ស (រូបថតៈ kampucheathmey.com )
ក្នុងក្របខ័ណ្ឌនៃដំណើរទស្សនកិច្ចនៅព្រះរាជាណាចក្រកម្ពុជាលើកនេះ គណៈប្រតិភូទីក្រុងហូជីមិញបានអញ្ជើញជួបពិភាក្សាការងារជាមួយ ប្រធានក្រុមប្រឹក្សារាជធានីភ្នំពេញ លោក ប៉ាសុជាតិវង្ស នាព្រឹកថ្ងៃទី២៩ ខែកក្កដាឆ្នាំ។
ក្នុងជំនួបនេះ លោកប៉ា សុជាតិវង្ស បានលើកឡើងពីដំណើរការអភិវឌ្ឍន៍ រាជធានីភ្នំពេញដែលបានឆ្លងកាត់ការលំបាករាប់មិនអស់រហូតទទួលបានការរីកចម្រើនដូចពេលបច្ចុប្បន្ន មានការបណ្តាក់ទុនវិនិយោគពីបរទេសនិងក្នុងស្រុកកើនឡើងឥតឈប់ឈរដោយសារគោលនយោបាយបើកចំហលើការវិនិយោគរបស់ រាជរដ្ឋាភិបាលដែលក្នុងនោះក៏ទទួលបានការវិនិយោគ និងជួយឧបត្ថម្ភគាំទ្រពីវៀតណាមលើច្រើនវិស័យផងដែរ។
ទិដ្ឋភាពនៃជំនួប (រូបថតៈ TTXVN)
លោកបន្តថា តែទោះបីយ៉ាងណារាជធានីភ្នំពេញក៏កំពុងប្រឈមបញ្ហាស្ទះ៣គឺ ស្ទះចរាចរ,ស្ទះលូ និងស្ទះសំរាម ដែលអាជ្ញាធររាជធានីភ្នំពេញកំពុងយកចិត្តទុកដាក់ដោះស្រាយ។ នៅពេលនេះកម្ពុជា កំពុងពង្រឹង ខ្លនក្នុងការរក្សាស្ថេរភាពនយោបាយ អនុវត្តគោលនយោបាយលទ្ធិប្រជាធិបតេយ្យសេរីពហុបក្ស និងបានរៀបចំការបោះឆ្នោតដោយសេរីនិងយុត្តិធម៌ចំនួន១៣ លើករួចមកហើយទាំងសកល និងអសកលក៏ដូចដំណើរការអភិវឌ្ឍន៍សេដ្ឋកិច្ចផងដែរ។
អញ្ជើញជាការឆ្លើយតប លោកស្រី Nguyen Thi Le បានបញ្ជាក់ថា ការជួបសម្តែងការគួសមនិងពិភាក្សាការងារនេះក្នុងគោលបំណងពង្រឹងពង្រីកកិច្ចសហប្រតិបត្តិការឲ្យរឹងមាំរវាងទីក្រុងហូជីមិញនិងរាជធានីភ្នំពេញ និងការជំរុញឲ្យដំណើរកាន់តែប្រសើរឡើងនៃមន្ទីរពេទ្យ Cho Ray ភ្នំពេញ។ លោកស្រី Nguyen Thi Le បន្តថាទីក្រុងហូជីមិញបានត្រៀមលក្ខណៈសម្បត្តិរួចហើយក្នុងការចែករំលែកបទពិសោធន៍ ដល់រាជធានីភ្នំពេញនៅក្នុងដំណាក់កាលដែលកម្ពុជាកំពុងអភិ វឌ្ឍន៍នេះ។
គណៈប្រតិភូជាន់ខ្ពស់នៃទីក្រុងហូជីមិញ បានអញ្ជើញទៅទស្សនានៅស្ថានទូតវៀតណាមប្រចាំនៅកម្ពុជា (រូបថតៈTTXVN)
មុននោះ គណៈប្រតិភូបានអញ្ជើញដាក់កម្រងផ្កានៅវិមានមិត្តភាពកម្ពុជា - វៀតណាម។ បញ្ចប់ដំណើរទស្សនកិច្ចនិងធ្វើការនៅកម្ពុជា នាថ្ងៃទី ២៩ ខែកក្កដានេះគណៈប្រតិភូជាន់ខ្ពស់នៃទីក្រុងហូជីមិញបានធ្វើទស្សនកិច្ចនៅស្ថានទូតវៀត ណាមប្រចាំនៅកម្ពុជា។ នៅទីនេះ គណៈប្រតិភូបានសួរសុខទុក្ខនិងផ្តល់អំណោយជាប្រាក់ចំនួន ១០.០០០ ដុល្លារអាមេរិក ជាថវិការរបស់បក្សភាគ រដ្ឋាអំណាចនិងប្រជាជនទីក្រុងហូជីមិញ ដល់សាលាមិត្តភាពខ្មែរ-វៀតណាម Tan Tien ផងដែរ៕
(សរុបព័ត៌មាននិងបកប្រែដោយ ស្រីព្រេជ)
មតិពីមិត្តអ្នកអាន