យុគសម័យ - នាព្រឹកថ្ងៃទី ២៥ ខែកុម្ភៈ នៅរដ្ឋធានី Ha Noi ប្រធានសម្ព័ន្ធអង្គកាមិត្តភាព លោកស្រី Nguyen Phuong Nga បានទទួលជួបលោកឯកអគ្គរដ្ឋទូតវិសាមញ្ញនិងពេញសមត្ថភាពនៃសាធារណរដ្ឋអ៊ីស្លាមអ៊ីរ៉ង់ ប្រចាំនៅប្រទេសវៀតណាម Ali Akbar Nazari ។
ប្រធានសម្ព័ន្ធអង្គកាមិត្តភាព លោកស្រី Nguyen Phuong Nga និងឯកអគ្គរដ្ឋទូតវិសាមញ្ញនិងពេញសមត្ថភាពនៃសាធារណរដ្ឋអ៊ីស្លាមអ៊ីរ៉ង់ប្រចាំនៅប្រទេសវៀតណាមលោក Ali Akbar Nazari ។ (រូបថត៖TV)
នៅក្នុងជំនួបនេះប្រធានសម្ព័ន្ធអង្គការមិត្តភាព លោកស្រី Nguyen Phuong Ngaបានអបអរសាទរចំពោះលោក Ali Akbar Nazari ដែលបានតែងតាំងជាឯកអគ្គរដ្ឋទូតអ៊ីរ៉ង់ប្រចាំនៅវៀតណាម ហើយជឿជាក់ថា លោកឯកអគ្គរដ្ឋទូត Ali Akbar Nazari នឹងបំពេញភារកិច្ចរបស់ខ្លួនប្រកបដោយជោគជ័យ ដែលរួមចំណែកលើកកម្ពស់ទំនាក់ទំនងរវាងប្រទេសទាំងពីរវៀតណាម - អ៊ីរ៉ង់កាន់តែអភិវឌ្ឍន៍យ៉ាងល្អប្រសើរ។
លោកឯកអគ្គរដ្ឋទូត Ali Akbar Nazari បានថ្លែងអំណរគុណចំពោះលោកស្រីប្រធាន Nguyen Phuong Nga ដែលបានទទួលស្វាគមន៍លោក ហើយវាយតម្លៃខ្ពស់ចំពោះសមិទ្ធិផលអភិវឌ្ឍន៍សេដ្ឋកិច្ច - សង្គមរបស់វៀតណាម ក្នុងប៉ុន្មានឆ្នាំថ្មីៗនេះ ក៏ដូចជាតួនាទីនិងឋានៈខ្ពស់របស់វៀតណាម នៅលើឆាកអន្តរជាតិ។ លោកឯកអគ្គរដ្ឋទូតបានបញ្ជាក់ថា លោកនឹងប្រឹងប្រែងអស់ពីសមត្ថភាពក្នុងអាណត្តិរបស់លោក នៅប្រទេសវៀតណាម ដើម្បីរួមចំណែកដល់ការអភិវឌ្ឍបន្ថែមទៀតនូវកិច្ចសហប្រតិបត្តិការវៀតណាម - អ៊ីរ៉ង់។
ភាគីទាំងពីរក៏បានផ្លាស់ប្តូរយោបល់គ្នាអំពីការរៀបចំសកម្មភាព ដើម្បីជំរុញកិច្ចសហប្រតិបត្តិការរវាងប្រទេសទាំងពីរនិយាយជារួមនិងទំនាក់ទំនងរវាងប្រជាជនជាពិសេសក្នុងរយៈពេលខាងមុខនេះ./.(បកប្រែដោយឌីណា)
(ប្រភពព័ត៌មាន: Thoi Dai)
មតិពីមិត្តអ្នកអាន