យុគសម័យ - បានមើលឃើញនូវការផ្លាស់ប្តូរយ៉ាងឆាប់រហ័សនិងវិជ្ជមាន នៅក្នុងតំបន់តាំងទីលំនៅថ្មី ស្ថិតក្នុងខេត្តកំពង់ឆ្នាំងដែលមានប្រជាពលរដ្ឋជាង ៣៥០ គ្រួសារបានចុះឈ្មោះជួលដី ច្រើនជាង ២០០ គ្រួសារកំពុងសាងសង់ផ្ទះ ប្រជាពលរដ្ឋចំនួន ៤៨ គ្រួសារបានផ្លាស់ប្តូរទៅកន្លែងថ្មីនេះ។
កម្មវិធីនិទាយរដូវពោរពេញទៅដោយមនោសញ្ចេតនានៅក្នុងតំបន់តាំងទីលំនៅថ្មី ស្ថិតក្នុងខេត្តកំពង់ឆ្នាំង
សេចក្តីសប្បាយរីករាយនៅតែបន្តកើនឡើង នៅពេលដែលប្រជាពលរដ្ឋចំនួន ១០០ គ្រួសារទៀតទទួលបានការគាំទ្រខាងសំភារៈសំណង់និងថវិកាជួលដី ពីមូលនិធិផ្លាស់ប្តូរទីលំនៅរបស់ស្ថានទូតវៀតណាមប្រចាំនៅព្រះរាជាណាចក្រកម្ពុជា ដែលមានការចូលរួមវិភាគទានពីក្លឹមសហគ្រាសវៀតណាមធ្វើអាជីវកម្មនៅព្រះរាជាណាចក្រកម្ពុជា (VBCC ) និងសប្បុរសជនជាច្រើននាក់។ ក្នុងតំបន់ថ្មីនេះ នឹងមានថ្នាក់រៀនត្រូវបានគេរំពឹងទុកសម្រាប់កុមារចំនួន ៥០ នាក់ ដែលនឹងដាក់ឲ្យដំណើរការ ចាប់ពីខែមីនា ឆ្នាំ២០២១។ វត្ត Tam Thanh នឹង ចាប់ផ្តើមដំណើរការ នឹងសម្ពោធជាផ្លូវការ នាថ្ងៃទី ៣១ ខែមករា ឆ្នាំ២០២១…។
ប្រជាពលរដ្ឋនៅក្នុងតំបន់តាំងទីលំនៅថ្មី ស្ថិតក្នុងខេត្តកំពង់ឆ្នាំងអញ្ជើញចូលរួមក្នុងកម្មវិធីនិទាយរដូវពោរពេញទៅដោយមនោសញ្ចេតនា
នៅក្នុងក្របខ័ណ្ឌនៃកម្មវិធីនិទាឃរដូវពោរពេញទៅដោយមនោសញ្ចេតនាដែលរៀបចំដោយស្ថានទូត ក្លឹបសហគ្រាសវៀតណាមប្រចាំនៅកម្ពុជា (VBCC) និងសាខាសមាគមខ្មែរ - វៀតណាមខេត្តកំពង់ឆ្នាំង នាព្រឹកថ្ងៃទី ៣០ ខែមករា ប្រជាពលរដ្ឋចំនួន ២៥០ គ្រួសារបានអញ្ជើញចូលរួមអបអរសាទរបុណ្យតេត នៅក្នុងតំបន់ថ្មី រួមមាន៖ សកម្មភាពដាំដើមឈើណោខាងមុខផ្ទះរបស់ពួកគេចំនួន ១០០ ដើម អញ្ជើញចូលរួមក្នុងពិធីសម្ពោធសាលាថ្មីសម្រាប់កុមារ ៗ ពិសារហ្វើវៀតណាមដែលមានរសជាតិឈ្ងុយឆ្ងាញ់និងទទួលបានអំណោយតេត (រួមមាន អង្ករ ១៥ គីឡូក្រាម មី ១ កេស ប្រេងឆា ១ ដបនិងអាំងបាវ ) ពីថ្នាក់ដឹកនាំនៃស្ថានទូតនិងក្លឹប VBCC រួមជាមួយការជូនពរឆ្នាំថ្មីដល់បងប្អូនប្រជាជននៅទីនេះ អោយកាន់តែមានសន្តិភាព ពេញលេញនិងរីករាយ។
កម្មវិធីនិទាយរដូវពោរពេញទៅដោយមនោសញ្ចេតនាមិនត្រឹមតែនាំមកនូវអំណោយដែលមានអត្ថន័យប៉ុណ្ណោះទេ ប៉ុន្តែថែមទាំងនាំមកនូវក្តីសង្ឃឹមសម្រាប់ការចាប់ផ្តើមថ្មីដ៏ប្រសើរជាងមុន./.
(ប្រភពព័ត៌មាន: ffacebook.com/minh.q.vu)
មតិពីមិត្តអ្នកអាន