យុគសម័យ - នាថ្ងៃទី ៨ ខែមេសា នៅស្រុក Tan Bien នគរបាលស្រុក Tan Bien, Tan Chau (នៃខេត្ត Tay Ninh) និងនគរបាលស្រុក Loc Ninh ខេត្ត Binh Phuoc បានធ្វើបើកកិច្ចប្រជុំជាមួយស្នងការនគរបាលស្រុក មេមត់, ពញាក្រែក, រមាសហែក និងកំចាយមារ (នៃព្រះរាជាណាចក្រកម្ពុជា) ត្រីមាសទី ១ ឆ្នាំ ២០១៩។ ។
កិច្ចប្រជុំដើម្បីឲ្យភាគីទាំងពីរជូនព័ត៌មានឲ្យគ្នាទៅវិញទៅមក ស្តីពីស្ថានភាព និងលទ្ធផលនៃកិច្ចសហប្រតិបត្តិការអនុវត្តក្នុងការបង្ការ និងប្រឆាំងបទល្មើស ថែរក្សាសន្តិសុខ សណ្តាប់ធ្នាប់លើខ្សែព្រំដែន។ អញ្ជើញចូលរួមកិច្ចប្រជុំមានវត្តមានរបស់ថ្នាក់ដឹកនាំនៃគណៈកម្មាធិការប្រជាជនស្រុក Tan Bien Tan Chau Loc Ninh និងបណ្តាស្រុកជាប់ព្រំដែននៃប្រទេសកម្ពុជា។
ទិដ្ឋភាពនៃកិច្ចប្រជុំផ្លាស់វេន
ក្នុងត្រីមាសទី១ កិច្ចសហប្រតិបត្តិការរវាងនគរបាលបណ្តាស្រុក Tan Bien Tan Chau Loc Ninh ជាមួយស្នងការនគរបាលបណ្តាស្រុក មេមត់ ពញ្ញាក្រែក រមាសហែក និងកំចាយមារ តែងតែជួបគ្នាជាប្រចាំ និងមានប្រសិទ្ធភាពខ្ពស់។
ភាគីទាំងពីរបានផ្លាស់ប្តូរព័ត៌មានទៅវិញទៅមក ចំនួន៤០ ព័ត៌មានដែលមានតំលៃពីករណីជួញដូរ ដឹកជញ្ជូនគ្រឿងញៀន ផាវ បន្លំទ្រព្យសម្បត្តិ និងបណ្តាករណីពាក់ព័ន្ធដល់សន្តិសុខ សណ្តាប់ធ្នាប់លើខ្សែព្រំដែន។ ដោះស្រាយជាបន្ទាន់បណ្តារឿងរ៉ាវដែលកើតឡើង ពុំធ្វើឲ្យអូសបន្លាយ ឬក្លាយជារឿងស្មគ្រស្មាញ។ បណ្តាកងកម្លាំងមានកិច្ចសហប្រតិបត្តិការការពារប្រកបដោយសុវត្ថិភាពនៅបង្គោលព្រំដែនលើខ្សែព្រំដែន។
ថ្នាក់ដឹកនាំនៃស្នងការនគរបាលនៃប្រទេសទាំងពីរក្នុងពិធីចុះហត្ថលេខាលើកិច្ចការត្រីមាសទី២
ដើម្បីបន្តអនុវត្តកិច្ចសហប្រតិបត្តិការឲ្យបានល្អប្រសើរក្នុងការបង្ការ ប្រឆាំងបទល្មើសរវាងនគរបាលបណ្តាស្រុកជាប់ព្រំដែន ភាគីទាំងពីរបានឯកភាពនិងដាក់ចេញបណ្តាវិធានការអនុវត្តក្នុងរយៈពេលខាងមុខដូចជា៖ បន្តបង្កើនកិច្ចសហប្រតិបត្តិការគ្នាយ៉ាងជិតស្និទ្ធិក្នុងការបង្ការ ប្រឆាំងបទល្មើស ថែរក្សាសន្តិសុខ សណ្តាប់ធ្នាប់លើខ្សែព្រំដែន តែងតែផ្លាស់ប្តូរព័ត៌មានទៅវិញទៅមកពីករណីឧក្រិដ្ឋកម្ម បទល្មើសដែលបំពាក់ដោយអាវុធ ការបន្លំទ្រព្យសម្បត្តិ ជួញដូរ ដឹកជញ្ជូនគ្រឿងញៀនខុសច្បាប់ អាវុធ គ្រឿងផ្ទុះឆ្លងដែន។ ជំរុញយ៉ាងខ្លាំងខ្លាការផ្សព្វផ្សាយ អប់រំ ចលនាប្រជាជននៃប្រទេសទាំងពីរអនុវត្តឲ្យបានល្អប្រសើរនូវបទបញ្ញាត្តិព្រំដែន និងច្បាប់នៃប្រទេសទាំងពីរ ធានាប្រកបដោយសុវតិ្ថភាពបណ្តាតម្រុយព្រំដែន បង្គោលព្រំដែនដែលបានខ័ណ្ឌសីមា និងបោះបង្គោល រួមគ្នាកសាងខ្សែព្រំដែនក្លាយទៅជាខ្សែព្រំដែនសន្តិភាព ស្ថេរភាព និងអភិវឌ្ឍន៍។
ភាគីទាំងពីរក៏បានចុះហត្ថលេខាលើឯកសារនៃកិច្ចសហប្រតិបត្តិការអនុវត្តការថែរក្សាសន្តិសុខ សណ្តាប់ធ្នាប់នាត្រីមាសទី២ ឆ្នាំ២០១៩៕
(ប្រភពព័ត៌មាន: baotayninh.vn បកប្រែដោយ សំណាង)
មតិពីមិត្តអ្នកអាន