យុគសម័យ - កងយោធភូមិភាគទី៤ (វៀតណាម) បានប្រគល់នូវទំនិញឧបត្ថម្ភដែលផ្ទុកសារធាតុគីមីចំនួន ៧៦៥ គីឡូក្រាម សម្លៀកបំពាក់ការពារ និងឧបករណ៍វាស់កម្តៅអ៊ីនហ្វ្រារ៉េដជាដើម ។ ទាំងនេះជាសម្ភារៈបរិក្ខាពេទ្យដែលប្រទេសឡាវមិនទាន់អាចផលិតបាននៅឡើយ។
ទិដ្ឋភាពនៃពិធីនេះ
នាព្រឹកថ្ងៃទី ២០ ខែសីហា នៅច្រកទ្វារព្រំដែនអន្តរជាតិ Namphao – Cau Treo លោកស្រីវរសេនីយ៍ឯក Vanpheng Phuangsavadi អនុប្រធាននាយកដ្ឋានវេជ្ជសាស្ត្រយោធានៃក្រសួងការពារជាតិឡាវ បានទទួលជំនួយជាសម្ភារៈបរិក្ខាពេទ្យដើម្បីបម្រើការបង្ការនិងប្រយុទ្ធប្រឆាំងនឹងជំងឺរាតត្បាតកូវីដ១៩ ដោយមេបញ្ជាការយោធភូមិភាគទី៤។
លោក ឧត្តមសេនីយ៍ត្រី Ha Tan Tien - មេបញ្ជាការរងនៃយោធភូមិភាគទី ៤ បានប្រគល់នូវសារធាតុគីមី ៧៦៥ គីឡូក្រាម ឈុតសម្លៀកបំពាក់ការពារចំនួន ១០០០ ឈុត ឧបករណ៍វាស់ កម្តៅអ៊ីនហ្វ្រារ៉េដចំនួន ១៧៥ គ្រឿង សូលុយស្យុងកំចាត់មេរោគរហ័សជិត ២,៤០០ ដប ម៉ាស់ការពារគ្រប់ប្រភេទជិត ៧៩,០០០ ម៉ាស់ ស្រោមដៃពេទ្យចំនួន ៤.៨០០ និងសម្ភារៈវេជ្ជសាស្ត្រជាច្រើនទៀត ដែលមានទឹកប្រាក់សរុបជាង ១,១ ពាន់លានដុង ដើម្បីជួយឲ្យកងទ័ពឡាវអនុវត្តការបង្ការនិងទប់ស្កាត់នឹងការរីករាលដាលនៃជំងឺកូវីដ១៩ ក្នុងដំណាក់កាលទី ២ ។ ឧបករណ៍វេជ្ជសាស្ត្រទាំងនេះជាសម្ភារៈបរិក្ខាដែលប្រទេសឡាវមិនទាន់អាចផលិតបានឡើយនាបច្ចុប្បន្ន។
ក្នុងពិធីនេះ លោកស្រីវរសេនីយ៍ឯក Vanpheng Phuangsavadi អនុប្រធាននាយកដ្ឋានវេជ្ជសាស្ត្រយោធានៃក្រសួងការពារជាតិឡាវ បានថ្លែងអំណរគុណចំពោះការជួយឧបត្ថម្ភ និងមនោសញ្ចេតនាដ៏ថ្លៃថ្នូរទាន់ពេលវេលារបស់កម្មាភិបាលនិងកងទ័ពនៃកងកម្លាំងប្រដាប់អាវុធនៃយោធភូមិភាគទី ៤ និយាយដោយឡែក និងកងទ័ពប្រជាជនវៀតណាមនិងយាយរួម ក្នុងការជួយកងទ័ពប្រជាជនឡាវប្រយុទ្ធប្រឆាំងនឹងការរីករាលដាលនៃជំងឺដ៏កាចសាហាវនេះ៕(បកប្រែដោយ ហេងវុធ្ធី)
(ប្រភពព័ត៌មាន: vov.vn)
មតិពីមិត្តអ្នកអាន