យុគសម័យ - នាថ្ងៃទី ៦ ខែឧសភា ស្ថានទូតរុស្ស៊ីនិងស្ថានទូតអ៊ុយក្រែនប្រចាំនៅវៀតណាមបានចុះហត្ថលេខាលើអនុស្សរណៈនៃកិច្ចព្រមព្រៀងដើម្បីទទួលបានម៉ាស៊ីនជំនួយដកដង្ហើម ចំនួន ២,៤០០ គ្រឿង សម្រាប់ការព្យាបាលជំងឺកូវិដ១៩ ដែលផ្តល់ដោយ Vingroup។ គេគម្រោងថាម៉ាស៊ីនជំនួយដកដង្ហើមនឹងត្រូវបញ្ជូនចាប់ពីថ្ងៃទី ១៥ ខែឧសភាឆ្នាំ ២០២០ ដល់ថ្ងៃទី ៣០ ខែសីហាឆ្នាំ ២០២០ ។
ម៉ាស៊ីនជំនួយដកដង្ហើមប្រភេទ VFS-510។
Vingroup នឹងផ្តល់ជូននូវម៉ាស៊ីនជំនួយដកដង្ហើម ប្រភេទ VFS-410 ចំនួន ១០០០ គ្រឿងដល់ប្រទេសរុស្ស៊ី និងម៉ាស៊ីនជំនួយដកដង្ហើមប្រភេទ VFS-510 ចំនួន ៥០០ គ្រឿង ដល់ប្រទេសរុស្ស៊ី និងម៉ាស៊ីនជំនួយដកដង្ហើមប្រភេទ VFS-410 ចំនួន ៦០០ គ្រឿងនិងប្រភេទ VFS-510 ដល់ប្រទេសអ៊ុយក្រែន។ ពេលវេលាចែកចាយដែលគម្រោងគឺចាប់ពីថ្ងៃទី ១៥ ខែឧសភាឆ្នាំ ២០២០ ដល់ថ្ងៃទី ៣០ ខែសីហាឆ្នាំ ២០២០ ។
លោក Nguyen Viet Quang អនុប្រធាននិងជាអគ្គនាយក Vingroup បាននិយាយថា៖ «ជាមួយនឹងការបរិច្ចាគម៉ាស៊ីនជំនួយដកដម្ហើមចំនួន ២,៤០០ គ្រឿង Vingroup សង្ឃឹមថានឹងចូលរួមចំណែកយ៉ាងសកម្មក្នុងការព្យាបាលប្រកបដោយប្រសិទ្ធភាពរបស់កម្លាំងគ្រូពេទ្យនៅរុស្ស៊ីនិងអ៊ុយក្រែន។ នេះគឺជាការដឹងគុណរបស់ថ្នាក់ដឹកនាំ នៃ Vingroup ចំពោះប្រទេសទាំងពីរចំពោះការផ្សារភ្ជាប់គ្នាយ៉ាងជិតស្និទ្ធជាមួយដំណើរការចាប់ផ្តើមនៃ Vingroup»៕
(ប្រែសម្រូលដោយវិច្ឆិកា)
(ប្រភពព័ត៌មាន: thoidai.com.vn)
មតិពីមិត្តអ្នកអាន