យុគសម័យ - នាពេលថ្មីៗនេះ មជ្ឈមណ្ឌលស្រាវជ្រាវវេជ្ជសាស្រ្តវៀតណាម - អាល្លឺម៉ង់ (VG-CARE) នៅទីក្រុងហាណូយបានប្រគល់ម៉ាស 3M-N95 ចំនួន ២០០០ និងសម្លៀកបំពាក់ការពារវេជ្ជសាស្ត្រចំនួន ១០០ ដល់វិទ្យាស្ថានវេជ្ជសាស្រ្តត្រូពិកនៃសាកលវិទ្យាល័យ Tübingen ប្រទេសអាឡឺម៉ង់ដើម្បីប្រឆាំងនឹង COVID-19។
សមាជិក VG-CARE
នៅក្នុងបរិបទនៃជំងឺរាតត្បាត COVID-19 មានភាពស្មុគស្មាញ អាឡឺម៉ង់និងវៀតណាមបាននិងកំពុងធ្វើសហប្រតិបត្តិការគ្នាក្នុងសង្គ្រាមប្រយុទ្ធប្រឆាំងនឹងជំងឺរាតត្បាតសកល។ មជ្ឈមណ្ឌលស្រាវជ្រាវវេជ្ជសាស្រ្តវៀតណាម - អាឡឺម៉ង់ (VG-CARE) បានគាំទ្រវិទ្យាស្ថានវេជ្ជសាស្រ្តត្រូពិកនៃសាកលវិទ្យាល័យ Tübingen (UKT) ដោយបរិច្ចាគម៉ាសវេជ្ជសាស្រ្ត 3M-N95 ចំនួន ២០០០ និងសម្លៀកបំពាក់ការពារចំនួន ១០០។ អំណោយនេះគឺជាឧបករណ៍វេជ្ជសាស្ត្រចាំបាច់សម្រាប់សកម្មភាពថែទាំអ្នកជំងឺនៅមន្ទីរពេទ្យសព្វថ្ងៃ។
វិទ្យាស្ថានវេជ្ជសាស្រ្តត្រូពិក Tübingen បានទទួលឧបករណ៍វេជ្ជសាស្ត្រនេះ កាលពីថ្ងៃទី ១១ ខែឧសភា
មុននេះ VG-CARE បានឧបត្ថម្ភបំពង់ប្រមូលគំរូចំនួន ៦០០០ សម្រាប់ការធ្វើតេស្តិ៍គ្លីនិកនៃថ្នាំព្យាបាល COVID-19 នៃសាកលវិទ្យាល័យ Tübingen, Hamburg និង Stuttgart ។
ការជួយឧបត្ថម្ភនេះគឺជាសក្ខីភាពនៃកិច្ចសហប្រតិបត្តិការយ៉ាងល្អរវាងវេជ្ជបណ្ឌិតនិងអ្នកវិទ្យាសាស្ត្រនៃទីក្រុងTübingen ជាមួយសាស្ត្រាចារ្យរង. បណ្ឌិត - នាយកជនជាតិវៀតណាមនៃ VG-CARE អតីតនិស្សិតនៃកម្មវិធីផ្លាស់ប្តូរបណ្ឌិតសភា DAAD និងបណ្ដាសហសេជិករបស់លោកនៅមន្ទីរពេទ្យមជ្ឈឹមយោធា ១០៨ នៅក្នុងទីក្រុងហាណូយ។ ស្ថានទូតអាល្លឺម៉ង់ប្រចាំនៅវៀតណាមនិងទីភ្នាក់ងារ DAAD នៅទីក្រុងហាណូយបានគាំទ្រយ៉ាងឆាប់រហ័សដល់ការអនុវត្តគម្រោងនេះ៕
（បកប្រែដោយសាមេត）
（ប្រភពព័ត៌មាន: thoidai.com.vn）
មតិពីមិត្តអ្នកអាន