មិត្តហ្វូនសហការជាមួយក្រសួងសុខាភិបាល រីករាយផ្តល់ការគាំទ្រផ្នែកសុខាភិបាលដោយការផ្ញើសារ SMS អំពីជំងីកូវីដ១៩ តាមរយៈប្រព័ន្ធ SMS Brand Name System របស់ខ្លួន និងផ្តល់កញ្ចប់ឥតគិតថ្លៃសម្រាប់គ្រូពេទ្យជួរមុខ ហើយមិត្តហ្វូនបានចូលរួមចំណែកយ៉ាងធំធេង ដើម្បីផ្សព្វផ្សាយការណែនាំរបស់ក្រសួងសុខាភិបាលអំពីកូវីដ១៩ នៅលើគេហទំព័ររបស់មិត្តហ្វូន និងកម្មវិធីនានា។
នៅក្នុងពេលដែលស្ថានភាពជំងឺកូវីដ១៩ កំពុងឆ្លងខ្លាំងបំផុតនៅក្នុងពិភពលោក រួមទាំងកម្ពុជា ក្រុមគ្រូពេទ្យដែលមានតួនាទីប្រយុទ្ធប្រឆាំងវីរុសនេះ សមទទួលបានការកោតសសើរដោយស្មោះចំពោះការប្រឹងប្រែងរបស់ពួកគាត់។ ដោយយល់ពីបញ្ហានេះ មិត្តហ្វូនបានបង្កើតការសម្របសម្រួល ជាពិសេសសំរាប់កំលាំងជួរមុខ ដើម្បីសម្រួលការងាររបស់ពួកគាត់។
ជាបឋម មិត្តហ្វូនកំពុងសហការជាមួយក្រសួងសុខាភិបាលដើម្បីផ្ញើសារ (SMS) អំពីវិធានការណ៍ការពារពី ជំងឺកូវីដ១៩ ជារៀងរាល់ថ្ងៃ។ សារនេះ ដើរតួយ៉ាងសំខាន់ក្នុងការប្រុងប្រយ័ត្ន និងដាស់តឿនដល់ប្រជាជនដើម្បីការការពារប្រឆាំងវីរុសនេះ ព្រមទាំងប្រាប់ដំណឹងអំពីការណែនាំថ្មីៗរបស់ក្រសួងទៅគ្រប់ៗគ្នាផងដែរ។ SMS ត្រូវបានផ្ញើចេញដោយប្រព័ន្ធ SMS Brand Name របស់មិត្តហ្វូនក្រោមឈ្មោះ “MOH COVID19”។
លើសពីនេះទៀត ក្នុងការគាំទ្រសំរាប់គ្រូពេទ្យ គិលានុបដ្ឋាយិកា និងបុគ្គលិកថែទាំសុខភាពជួរមុខ មិត្តហ្វូនបានផ្តល់កញ្ចប់សេវាទូរស័ព្ទដូចជាទិន្នន័យ 120GB ការហៅទូរស័ព្ទចេញចូល នឹងផ្ញើសារជាមួយសុពលភាពយូររហូតដល់60ថ្ងៃដោយឥតគិតថ្លៃ ដើម្បីសម្រួលក្នុងការទាក់ទងទៅកាន់គ្រួសាររបស់ពួកគាត់ទៅវិញទៅមក។ ក្រៅពីនេះចាប់ពីខែមីនាមក សេវា i-Muzik (សេវាសម្លេងរោទ៍) របស់មិត្តហ្វូនបានដាក់ដំណើរការស្តីអំពីសាររបស់ជំងឺកូវីដ១៩ តាមការណែនាំរបស់ក្រសួង អំពីការការពារ ប្រឆាំងការរាតត្បាតនៃជំងឺកូវីដ១៩ ដោយឥតគិតថ្លៃសំរាប់អតិថិជនរបស់មិត្តហ្វូនទាំងអស់ផងដែរ។
បន្ថែមពីនេះ មិត្តហ្វូនរំភើបរីករាយផ្សព្វផ្សាយតាមការណែនាំរបស់ក្រសួង អំពីជំងឺកូវីដ១៩ នៅក្នុងបណ្តាញទំនាក់ទំនងរបស់ខ្លួនដូចជាទំព័រហ្វេសប៊ុកផ្លូវការ គេហទំព័រ កម្មវិធី Mocha និង កម្មវិធី MyMetfone ជាមួយសារថ្មីៗជាទៀងទាត់ពីក្រសួងសុខាភិបាល ដើម្បីធានាដល់អតិថិជនជិត៩លាននាក់។
មិត្តហ្វូន មិត្តហ្វូនប្តេជ្ញា បន្តគាំទ្រនៅក្នុងការការពារការររីករាលដាលនៃជំងឺកូវីដ១៩ ទៅកាន់អតិថិជន និងប្រជាជនកម្ពុជាទាំងអស់។ សូមតាមដានគេហទំព័ររបស់មិត្តហ្វូន https://www.metfone.com.kh/kh និងទំព័រហ្វេសប៊ុកផ្លូវការ http://fb.com/metfone.closer ដើម្បីតាមដានពត៌មានផ្សេងៗ៕
(ប្រភពព័ត៌មាន: sabay)
មតិពីមិត្តអ្នកអាន