យុគសម័យ - នាថ្ងៃទី ២៩ ខែមេសានៅស្ថានកុងស៊ុលសាធារណរដ្ឋគុយបាបប្រចាំនៅទីក្រុង ហូជីមិញ សម្ព័ន្ធសមាគម មិត្តភាពទីក្រុងហូជីមិញ (HUFO) បានរៀបចំពិធីផ្តល់ជំនួយឧបត្ថម្ភ ដល់ពលរដ្ឋគុយបានៅទីក្រុងហូជីមិញដែលបានជួបការលំបាកដោយសារការរីករាលដាលនៃជំងឺកូវីដ១៩ (COVID-19)។
ទិដ្ឋភាពនៃពិធីនេះ
នៅក្នុងពិធីនេះលោក Nguyen Van Manh អនុប្រធាន HUFO និងលោកស្រី TruonG Thi Hien ប្រធានសមាគមមិត្តភាពវៀតណាម - គុយបាទីក្រុងហូជីមិញ បានប្រគល់ជូនលោកស្រី Indira Lopez Arguelles អគ្គកុងស៊ុលនៃសាធារណរដ្ឋគុយបាប្រចាំនៅទីក្រុងហូជីមិញនូវថវិកាជំនួយដំបូងដើម្បីគាំទ្រដល់ពលរដ្ឋគុយបានៅទីក្រុងហូជីមិញដែលកំពុងជួបការលំបាកដោយ រង ផលប៉ះពាល់នៃជំងឺរាតត្បាតកូវីឌ១៩ ។
លោកស្រី Indira Lopez Arguelles បានចែករំលែកថា៖ «យើងខ្ញុំសូមថ្លែងការគោរពចំពោះមនោសញ្ចេតនារបស់ប្រជាជនទីក្រុងហូជីមិញដែលបាន ប្រគល់ជូនប្រទេសគុយបា។ អំណោយដ៏មានអត្ថន័យនេះមិនត្រឹមតែជួយនិងលើកទឹកចិត្ត ប្រជាជនគុយបាឲ្យយកឈ្នះលើការលំបាកដែលកំពុងកើតមានឡើងដោយជំងឺឆ្លងកូវីឌ១៩ ប៉ុណ្ណោះទេថែមទាំងរួមចំណែកដល់ការពង្រឹងចំណងសាមគ្គីភាពនិងមិត្តភាពពិសេសរវាងគុយបានិងវៀតណាមជាទូទៅ និងរវាងប្រជាជនទីក្រុងហូជីមិញនិងប្រជាជនគុយបាជាពិសេស ផងដែរ៕
(បកប្រែដោយ ហេង វុធ្ធី)
(ប្រភពព័ត៌មាន: thoidai.com.vn)
មតិពីមិត្តអ្នកអាន