យុគសម័យ - សម្តេចក្រុមព្រះ នរោត្តម រណឫទ្ធិត្រូវរងរបួសក្នុងគ្រោះថ្នាក់ចរាចរណ៍យ៉ាងធ្ងន់ធ្ងរ។
សម្តេចក្រុមព្រះ នរោត្តម រណឫទ្ធិ (រូបថតៈ Phnom Penh Post)
យោងតាមអ្នកយកព័ត៌មានពីទីភ្នាក់ងារព័ត៌មានវៀតណាមប្រចាំនៅកម្ពុជាថា នាព្រឹកថ្ងៃទី១៧ មិថុនា ព្រះរាជបុត្ររបស់ព្រះមហាក្សត្រព្រះបាទនរោត្តមសីហនុនិងបច្ចុប្បន្នជាប្រធានគណបក្សហ្វ៊ុនស៊ិនប៉ិច សម្តេចក្រុមព្រះ នរោត្តម រណឫទ្ធិ ត្រូវរងរបួសយ៉ាងធ្ងន់ធ្ងរដោយសាជួបគ្រោះថ្នាក់ចរាចរណ៍ នៅម៉ោង៩ព្រឹកថ្ងៃអាទិត្យទី១៧មិថុនា ស្ថិតនៅតាមបណ្តោយផ្លូវជាតិលេខ៤ ចន្លោះគីឡូម៉ែត្រ ២០០-២០១ ភូមិ អូរតាសេក ឃុំអូរឧកញ្ញា ហេង ស្រុកព្រៃនប់ ខេត្តព្រះសីហនុ។
រឿងហេតុនេះកើតមានឡើងខណៈដែលសម្តេចក្រុមព្រះ នរោត្តម រណឫទ្ធិ កំពុងធ្វើដំណើរទៅជួបសំណេះសំណាលជាមួយប្រជាជននៅខេត្តព្រះសីហនុ។
អ្នកម្នាង អ៊ុក ផល្លា (រូបថតៈ thmeythmey.com)
យោងតាមប្រភពព័ត៌មានតំបន់ គ្រោះថ្នាក់ចរាចរណ៍នេះបណ្តាលឲ្យអ្នកម្នាង អ៊ុក ផល្លា ជាភរិយារបស់សម្តេចក្រុមព្រះ នរោត្តម រណឫទ្ធិ ទទួលមរណភាពដោយសាររបួសធ្ងន់ធ្ងរពេក។ ក្នុងពេលជាមួយគ្នានោះ សម្តេចក្រុមព្រះ នរោត្តម រណឫទ្ធិ ត្រូវបានដឹកតាមឧទ្ធម្ភាគចក្រ មកបន្តសង្គ្រោះនៅភ្នំពេញ។
ក៏តាមប្រភពព័ត៌មានតំបន់ កាលពីប៉ុន្មានឆ្នាំមុនសម្តេចក្រុមព្រះ ក៏ធ្លាប់បានជួបគ្រោះថ្នាក់ចរាចរណ៍បែបនេះផងដែរ ហើយកាលនោះអ្នកម្នាង អ៊ុក ផល្លា ក៏រងរបួសធ្ងន់បែបនេះផងដែរ៕
(ប្រែសម្រូលដោយស្រីពេជ្រ)