មានទីតាំងស្ថិតនៅភូមិទ័ពស្តេច ឃុំធាយ ស្រុកបាភ្នំ ខេត្តព្រៃវែង តំបន់អភិរក្សសត្វស្លាបទួលព័ន្ធតាឡីបានទាក់ទាញភ្ញៀវទេសចរយ៉ាងច្រើនកុះករមកទស្សនានៅទីនេះនៅថ្ងៃបុណ្យភ្ជុំ។
«តំបន់អភិរក្សសត្វស្លាបទួលព័ន្ធតាឡី» ទាក់ទាញភ្ញៀវយ៉ាងច្រើនកុះករនារដូវបុណ្យភ្ជុំ
តំបន់អភិរក្សសត្វស្លាបនេះមានសត្វស្លាបរាប់ម៉ឺនក្បាលនិងជាង៤០ប្រភេទផ្សេងៗគ្នា។ ភ្ញៀវទេសចរអាចទស្សនាសម្រស់សត្វស្លាបយ៉ាងស្អាតចាប់ពីម៉ោង៤រសៀល រហូតម៉ោង៦រសៀល។ ក្រៅពីការទស្សនាសត្វស្លាបយ៉ាងស្រស់ស្អាតលោកអ្នកក៏អាចហែលទឹកនិងទស្សនាថ្ងៃលិចយ៉ាងត្រជាក់ភ្នែកផងដែរ។
ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន នៅ ថ្ងៃទី២៧ ខែសីហា ឆ្នាំ២០២០ បានអញ្ជើញចុះពិនិត្យទីតាំងអភិរក្ស និងទស្សនាសត្វស្លាបនៅទួលពាន់តាឡី តំបន់បឹងស្នេហ៍ ក្នុងភូមិសាស្ត្រស្រុកបាភ្នំ ខេត្តព្រៃវែង។ ក្នុងឱកាសនោះ ឯកឧត្តមរដ្ឋមន្ត្រី បានជួបសំណេះសំណាលជាមួយតំណាងរដ្ឋបាលខេត្ត អាជ្ញាធរ និងសហគមន៍មូលដ្ឋាន ដែលពាក់ព័ន្ធនឹងការគ្រប់គ្រងតំបន់ការពារធម្មជាតិ តំបន់បឹងស្នេហ៍ ដែលមានសក្តានុពលធម្មជាតិ ជាពិសេសសត្វស្លាបជាច្រើនប្រភេទ ជាពិសេសប្រភេទជិតផុតពូជ និងកំពុងរងការគំរាមកំហែងនៅលើពិភពលោក ដូចជាប្រភេទស្មោញ ទុងប្រផេះ រនាលណ៍ ត្រយ៉ងខ្លួនស ត្រដក់តូច និងជាពិសេសប្រភេទ ចង្កៀលខ្យង ដែលកំពុងបន្តពូជពងកូនរាប់ម៉ឺនក្បាល កំពុងស្នាក់នៅ នៅតាមព្រៃលិចទឹក ព្រៃល្បោះនិងទទួលបានការថែទាំឃ្លាំមើលពីប្រជាសហគមន៍នៅក្នុងមូលដ្ឋាន។
«តំបន់អភិរក្សសត្វស្លាបទួលព័ន្ធតាឡី» ទាក់ទាញភ្ញៀវយ៉ាងច្រើនកុះករនារដូវបុណ្យភ្ជុំ
ឯកឧត្តមរដ្ឋមន្ត្រីបានផ្តល់ដំណោះស្រាយអភិវឌ្ឍន៍តំបន់បឹងស្នេហ៍នេះ ជាកន្លែងទេសចរណ៍ធម្មជាតិដ៏ទាក់ទាញ ដើម្បីលើកកម្ពស់ជីវភាពសហគមន៍មូលដ្ឋាន ក៏ដូចជាការប្រើប្រាស់ដោយឈ្លាសវៃ និងនិរន្តរភាពនូវធនធានតំបន់ដីសើមនេះ។
សូមបញ្ចាក់ថា នៅក្នុងដំណើរទស្សនកិច្ចរបស់ឯកឧត្តមរដ្ឋមន្ត្រីក្រសួងបរិស្ថាន នៅក្នុងភូមិសាស្ត្រតំបន់ទួលពាន់តាឡី តំណាងអាជ្ញាធរ និងសហគមន៍មូលដ្ឋាន បានបង្ហាញអំពីវឌ្ឍនភាពនៃការដាក់តំបន់ដីសើមបឹងស្នេហ៍-ទួលព័ន្ធតាឡី និងចូលរួមក្នុងការអភិរក្សជាតំបន់ការពារធម្មជាតិ ។
«តំបន់អភិរក្សសត្វស្លាបទួលព័ន្ធតាឡី» ទាក់ទាញភ្ញៀវយ៉ាងច្រើនកុះករនារដូវបុណ្យភ្ជុំ
រហូតមកដល់បច្ចុប្បន្ន សត្វស្លាបដែលមករស់នៅតំបន់ អភិរក្សទួលពាន់តាឡី មានចំនួន៦ប្រភេទ ដូចជា ទុង ននៀលខ្យង កុក ខ្វែក ទាព្រៃ សត្វក្អែកទឹក ក្អែកគោក និងសត្វផ្សេងៗទៀត រាប់ពាន់រាប់ម៉ឺនក្បាល មិនតែប៉ុណ្ណោះនៅក្នុងទឹកនិងដីសើមក៍មានសត្វ ពស់ អណ្ដើក ត្រី និងសត្វរស់នៅក្នុងទឹក ជាច្រើនប្រភេទទៀតផង៕
(ប្រភពព័ត៌មាន: thmeythmey)
មតិពីមិត្តអ្នកអាន