ព្រឹត្តិការណ៍ប្រកួតកីឡា នគរបាលពិភពលោក លើកទី១៨ The 18th World Police and Fire Games ដែលនឹងរៀបចំឡើង ពីថ្ងៃទី១១ ដល់ ១៨ សីហា នៅខេត្ត Cheng Du នៃសាធារណរដ្ឋប្រជាមានិតចិន ពេលនេះ កីឡាការ៉ាតេដូ នគរបាលជាតិកម្ពុជា ដណ្ដើមបានមេដាយ ចំនួន ៩ គ្រឿងហើយ។
អង្គភាពកីឡា នគរបាលជាតិកម្ពុជា ដណ្ដើមបានមេដាយ ចំនួន៩
ក្នុងចំណោមមេដាយទាំង ៩ គ្រឿងនោះ គឺមានមេដាយមាស ចំនួន ៧ គ្រឿង និងប្រាក់ចំនួន ២ គ្រឿង ។ អ្នកដែលដណ្ដើមបានមេដាយទាំងនោះ មានកីឡាការិនី ស៊ីម ស្រីនីន ប្រកួតលើវិញ្ញាសា កាតាឯកត្តជន អាយុ ១៨ ឆ្នាំឡើងទៅ ដណ្ដើមបានមេដាយមាស ១ ។ កីឡាការិនី ឆន ស្រីភា ប្រកួតលើវិញ្ញាសា ប្រយុទ្ធឯកត្តជន ៥៥ គីឡូក្រាម ដណ្ដើមបានមេដាយមាស ១ ។ កីឡាការិនី ផុន គឹមស្រៀង ប្រកួតលើវិញ្ញាសា ប្រយុទ្ធឯកត្តជន ៦0 គីឡូក្រាម ដណ្ដើមបានមេដាយមាស ១ ។
អង្គភាពកីឡា នគរបាលជាតិកម្ពុជា
កីឡាករ ឆេង ច័ន្ទដារ៉ារតនៈ ប្រកួតលើវិញ្ញាសា ប្រយុទ្ធឯកត្តជន ៦៥ គីឡូក្រាម ដណ្ដើមបានមេដាយប្រាក់ ១ ។ កីឡាករ គីម សុវណ្ណារ៉ា ប្រកួតលើវិញ្ញាសា ប្រយុទ្ធឯកត្តជន ៧០ គីឡូក្រាម ដណ្ដើមបានមេដាយមាស ១ ។ កីឡាករ ហន ឆានី ប្រកួតលើវិញ្ញាសា ប្រយុទ្ធឯកត្តជន ៧៥ គីឡូក្រាម ដណ្ដើមបានមេដាយមាស ១ ។ កីឡាករ កាក់ សីលាបញ្ញា ប្រកួតលើវិញ្ញាសា ប្រយុទ្ធឯកត្តជន ៨០ គីឡូក្រាម ដណ្ដើមបានមេដាយមាស ១ ។ ប្រកួតលើវិញ្ញាសា ប្រយុទ្ធក្រុមបុរស អាយុ ១៨ ឆ្នាំឡើងទៅ ដណ្ដើមបានមេដាយមាស ១ ក្នុងនោះមាន កីឡាករ ឡាច ច័ន្ទដារ៉ា, កាក់ សីលាបញ្ញា, ហន ឆានី, គីម សុវណ្ណារ៉ា និង ឆេង ច័ន្ទដារ៉ារតនៈ ។
ចុងក្រោយ ការប្រកួតលើវិញ្ញាសា ប្រយុទ្ធក្រុមនារី អាយុ ១៨ ឆ្នាំឡើងទៅ ដណ្ដើមបានមេដាយប្រាក់ ១ ក្នុងនោះ មានកីឡាការិនី, ឆន ស្រីភា, ផុន គិមស្រៀន និង ស៊ីម ស្រីនីន ៕
(ប្រភពនិងរូបថត៖ rasmeinews.com)
（ប្រភព៖ rasmeinews.com ហេង វុធ្ធីសរុប）
មតិពីមិត្តអ្នកអាន